ھەڤسەرۆکێ بەرێ یێ ھەدەپێ سەلاحەدین دەمیرتاش یێ شەش سال و نیڤە هاتیە زیندانکرن، ب پەیامەکێ راگھاند کو وی سیاسەتا ئەکتیف بەردایە و ب ئاوایەکی چالاک سیاسەتێ ناکە.
ھەڤسەرۆکێ بەرێ یێ ھەدەپێ سەلاحەدین دەمیرتاش ئیرۆ بەشەک ژ ھەڤپەیڤینا لگەل “ئارت گەرچەک” ل تویتەرا خوە بەلاڤ کر و نڤیسی: “ئەز ب خوە ژ دل لێبۆرینا خوە دخوازم کو نەکارم سیاسەتەک لایقی گەلێ مە بکم. ئەز سۆز ددم کو ب خەباتێن خوەیێن پراکتیکی ڤان کێماسیان سەرەراست بکم.”
د بەشەکە دنا پەیاما خوە دە گۆت: “سپاس ژ بۆ رەخنەیێن ئاڤاکەر ل من. ئەزێ ھەول بدم کو ژ رەخنەیان سوود وەربگرم. ئەز وەکە ھەموو ھەڤالێن خوەیێن د گرتیگەھێ دە دێ تێکۆشینێ ب بەرخوەدانێ بمەشینم، د ڤێ قۆناغێ دە ژی دەست ژ سیاسەتا ئەکتیف بەرددم.”
ل داویێ ژی نڤیسی: “ئەز سلاڤێن خوەیێن رێھەڤالتیێ ژ بۆی وە ھەموویان دشینم. وە ھەموویان ب حەسرەت ھەمبێز دکم. ب ھێڤیا دیتنا وە د رۆژێن ئازاد دە.”
ھەڤسەرۆکێ ھەدەپێ یێ بەرێ سەلاحەدین دەمیرتاش د مژدارا 2016 دە ل گەل 10 پارلەمەنتەرێ ھەدەپێ ھاتە گرتن و ئەڤ نێزی 6 سال و نیڤن ل باژارێ ئەدیرنەیێ د گرتیگەھێ دەیە.[1]
Ev babet bi zimana (کرمانجی - کوردیی سەروو) hatiye nvîsandin, klîk li aykona
![](https://www.kurdipedia.org/images/flags/ku.png)
bike ji bu vekirina vî babetî bi vî zimana ku pî hatiye nvîsandin!
ئەڤ بابەت ب زمانا (کرمانجی - کوردیی سەروو) هاتیە نڤیساندن، کلیک ل ئایکۆنا
![](https://www.kurdipedia.org/images/flags/ku.png)
بکە ژ بو ڤەکرنا ڤی بابەتی ب ڤی زمانا کو پی هاتیە نڤیساندن!
Ev babet 454 car hatiye dîtin
Raya xwe li ser vî babetî binivîsin!