#قوباد تاڵەبانی# جێگری سەرۆک وەزیران لە کۆبوونەوەیەکیدا لەگەڵ وەفدێکی سەربازی بەریتانی بە سەرۆکایەتی مارشاڵ سامی سامپسۆن، گەورە ڕاوێژکاری بەرگری بەریتانی لە ڕۆژهەڵاتی ناوەڕاست و باکووری ئەفریقا جەختی کردووە کە؛ نابێت ململانێی حیزبی و کێشە سیاسییەکان کاریگەرییان هەبێت لەسەر جێبەجێکردنی ڕێڕەوی پڕۆسەی چاکسازی لە وەزارەتی کاروباری پێشمەرگە و هەموو هەوڵێک دەدەین بۆ ئەوەی هێزی پێشمەرگە یەکگرتووتر و تۆکمەتر و ڕاهێنراوتر بێت.
لە کۆبوونەوەکەدا کە ئەمڕۆ ڕێکەوتی #15-06-2023# لە #هەولێر# بەڕێوەچوو و ڕۆزی کێڤ کونسوڵی گشتی بەریتانیا و لیوا بەختیار ئەمینداری گشتی وەزارەتی کاروباری پێشمەرگە ئامادەی بوون، تاوتوێی قۆناغەکانی جێبەجێکردنی پڕۆسەی چاکسازی لە وەزارەتی کاروباری پێشمەرگە کرا.
قوباد تاڵەبانی نیگەرانی خۆی لەبارەی دۆخی ئێستا و کێشە ناوخۆییەکانی کوردستان دەربڕی و ڕایگەیاند؛ پێویستە هەموو لایەک درک بە هەڕەشەکان و مەترسییەکانی بەردەم هەرێمی کوردستان بکەن و بەرژەوەندییە باڵاکان نەکەنە قوربانی بەرژەوەندی حیزبی.
وتیشی: نابێت دەستێوەردانی حیزبی و ململانێی سیاسی کاریگەریی هەبێت لەسەر ڕێڕەوی جێبەجێکردنی خاڵەکانی پلانی چاکسازی و پڕۆسەکە پەک بخات یان خاوی بکاتەوە.
جەختیشی کردەوە لەسەر جێبەجێکردنی قۆناغەکانی چاکسازی لە هێزەکانی پێشمەرگە بەو شێوەی پلانی بۆ دانراوە و داوایکرد هاوپەیمانان زیاتر هاوکاربن لە جێبەجێکردنی پلانی چاکسازی بۆ ئەوەی بتوانین هێزەکانی پێشمەرگە لە ململانێ سیاسییەکان دوور بخەینەوە و لە ئاییندەیەکی نزیکدا هێزێکی تۆکمەی نیشتمانی ڕاهێنراوترمان هەبێت. [1]
Ev babet bi zimana (کوردیی ناوەڕاست - Central Kurdish) hatiye nvîsandin, klîk li aykona
![](https://www.kurdipedia.org/images/flags/ku.png)
bike ji bu vekirina vî babetî bi vî zimana ku pî hatiye nvîsandin!
ئەم بابەتە بەزمانی (کوردیی ناوەڕاست - Central Kurdish) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
Ev babet 477 car hatiye dîtin
Raya xwe li ser vî babetî binivîsin!