شارەزایانی بواری پەروەردە و دەروونناسان، سەبارەت بە پرسیارە سێکسییەکانی منداڵان، کە لە تەمەنێکی کەمدا دێتە ئارا و لە دایک و باوکیانی دەکەن، ڕایان وایە ئەم پرسیارانە زۆر ئاسایین و کاتێک لەلایەن منداڵەکەتەوە پرسیارێکی وا ئاڕاستەت کرا، پێویستە زۆر ڕوونکردنەوەی بۆ نەدەیت، بەڵام پرسیارەکانی بێ وەڵام مەهێڵەوە و کوورت و پوخت وەڵامێکی بۆ بدۆزەوە.
لە ڕاستیدا تەمەنی پێویست بۆ ئاگادارکردنەوەی منداڵ لە بابەتە سێکسییەکان ئەو کاتەیە، کە منداڵەکەت پرسیاری بۆ درووست دەبێت و پرسیارت لێ دەکات. کاتێک منداڵێکی سێ ساڵان ئاماژە بۆ ئەندامی زاوزێی خۆی دەکات و پرسیار دەکات ئەمە چییە؟ کاتێکی باشە کە وەڵام و ناوێکی گونجاوی بۆ بدۆزیتەوە.
کاتێک منداڵەکەت بە سەرسوڕمانەوە پرسیارت لێ دەکات، چۆن لە دایک بووە و لە کوێیەوە هاتووە؟ ئەبێ وەڵامێکی مەنتقیی بدەیتەوە، بۆ نموونە ناکرێ لە وەڵامدا پێی بڵێیت لە جانتای دکتۆرەکەوە دەرهاتووی، یاخود لە مارکێت تۆمان کڕیوە. پێویستە زۆر جدیی وەڵامی بدەیتەوە: لە شوێنێکی تایبەت لەناو زگی دایکتدا گەشەت کردووە و پاشان لەدایک بووی.
شارەزایانی بواری پەروەردە جەخت دەکەنەوە، بە هیچ شێوەیەک خۆت لە پرسیاری منداڵەکەت مەدزەوە و بەگوێرەی تەمەنی منداڵەکەت وەڵامێکی باش و گونجاوی بدەوە. [1]
Kurdîpêdiya ne berpirsê naverokê vê tomarê ye, xwediyê/a tomarê berpirs e. Me bi mebesta arşîvkirinê tomar kiriye.
Ev babet bi zimana (کوردیی ناوەڕاست) hatiye nvîsandin, klîk li aykona
bike ji bu vekirina vî babetî bi vî zimana ku pî hatiye nvîsandin!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
Ev babet 530 car hatiye dîtin
Raya xwe li ser vî babetî binivîsin!