بڕیارەو وەزارەتو بەرو سۆڤیەتی دەربارەو گرفتو کوردی:

بڕێ جە ڕابەرەکا کوردی و ڕېکۋزیێکېشا پەی ڕزگاری کوردەسانی فرەو جارا هۆڵېشا دێنۍ بە مەبەسو یارمەتی وەرگېرتەی و درېژەدای بە کۊششی، پېوەڼی کەران بە نوېنەرا یەکیەتی سۆڤیەتیۆ.
یەکەم هەنگامە مەگېڵۊوە پەی ساڵەو (1922ز) کە کۊمیتەو ئەرزەڕومی بڕیارشدا بە یارمەتی و پەشتگیری سۆڤیەتی، سەربەۋېیی کوردەسانی دەس بارۊ، پەی ئا مەبەسەیە سەرۆکو کۊمیتەی (خالید بەگی جوبرانلی) و (یوسف زیا) بە نامۍ کۊمیتەی کوردی (ئەستامبووڵ) جە ئەنقەرە سەردای باڵیوزخانەو ئېمە کەران.
پەی داواکاریەکەیشا، نوېنەرو ئېمە (ڕووسیا) جە وەزارەتو بەری جە ڕېککۆتو (8/3/1923ز) قەرارشدا:
نە پەشتەو کوردە جیاوازەکا گېران دژو تورکیای و نە پەشتەو ئیمپریالیزمی تورکی گېران دژو کوردەکا، بەڵکوم هامسۊزۍ کوردەکا بان پەی دژاییەتی بەریتانیای، سەرەڕاو نەمەرزیارەی پېوەڼیەکاشا چەنی ئېمە، کۊمیتەو کوردەکا درېژەشادا بە سیاسەتو لایەنگیری کەردەی ڕووسیای.[1]