گرنگیدان ب شینوارێن پارێزگەها دهۆکێ ژلایێ حکومەتا وەلاتێ ئیتالیا ڤە بەردەوامە و چەندین شینوار کارێ پاراستن و نیژەنکرنێ لسەر دهێتە کرن.
د.بێکەس بریفکانى، رێڤەبەرێ شینوار و کەلەپۆرى ل پارێزگەها دهۆکێ دیارکر: شینوارێن پارێزگەها دهۆکێ خۆدان مێژوویەکا کەڤنارن، لەورا رێکخراو وەلاتێن بیانى ب چاڤەکێ مەزن تەماشەى شینوارێن مە دکەن، چەندین زانکۆیێن وەلاتێن بیانى ژى چەندین کارێن پاراستن و ڤەکۆلینێ لسەر شینوارێن مە دکەن.
رێڤەبەرێ شینوار و کەلەپۆرى ل پارێزگەها دهۆکێ ئه و چەندى ژى گۆت: ژلایێ حکومەتا وەلاتێ ئیتالیا تا نۆکە زێدەتر ژ چار ملیون یورۆ،بۆ پاراستن و نیژەنکرنا شینوارێن پارێزگەها دهۆکێ ڤە هاتینە تەرخانکرن.
دۆپات ژى کر: د ئەڤسالە دا ئێک ملیون و 400 هزار یورۆ ژلایێ وەلاتێ ئیتالیا بۆ شینوارێن (خنس، شکەفتا هەلامەتا، فەهیدیێ) هاتینە تەرخانکرن بۆ کارێ نیژەنکرن و پاراستنێ، هەلبەت تا کۆ ئەڤ رێکخراو و وەلاتێن بیانى قەستا مە بکەن و گرنگیێ ب شینوارێن مە بدەن، رۆلێ حکومەتا هەرێما کوردستانێ د درۆستکرنا هەماهەنگیێ دناڤبەرا مە هەردوو لایەنان دا زور دیار و بەرچاڤە، ب هیڤیا وێ چەندێ بشیێن پتر خزمەتا شینوارێن خۆ بکەین.[1]
Ev babet bi zimana (کرمانجی) hatiye nvîsandin, klîk li aykona
![](https://www.kurdipedia.org/images/flags/ku.png)
bike ji bu vekirina vî babetî bi vî zimana ku pî hatiye nvîsandin!
ئەڤ بابەت ب زمانا (کرمانجی) هاتیە نڤیساندن، کلیک ل ئایکۆنا
![](https://www.kurdipedia.org/images/flags/ku.png)
بکە ژ بو ڤەکرنا ڤی بابەتی ب ڤی زمانا کو پی هاتیە نڤیساندن!
Ev babet 229 car hatiye dîtin
Raya xwe li ser vî babetî binivîsin!