بە ئامادەبوونی وسام محەمەد بازگ سەرپەرشتیاری گشتی تیپی تۆپی پێی #یانەی وەرزشی پێشمەرگەی سلێمانی# و دەستەی ڕاهێنەران لە تیپەکانی لاوان و تازەپێگەیشتوان ، لەنێو کارگێڕی یاریگەی فەرماندەیی تایبەت بە یانەی وەرزشی پیێشمەرگە پیێشوازی کرا لە نەجم الاوسی ئەندام لە لیژنەی پێشبڕکێکانی یەکێتی ناوەندی تۆپی پێی ئێراق .
مەبەست لەو سەردانە فەرمیییەی ناوبراو پشکنینی یاریزانانی لاوان و تازەپێگەیشتوانی تیپەکانی تۆپی پێی یانەی وەرزشی پێشمەرگە و ئامادەکاریانە بۆ بەشداری لە خولەکانی ئێراق کە بڕیارە لە داهاتوو ئەنجام بدرێت .
سەبارەت بە ئامادەکاری و چاودێریکردنی یاریزانان ، وسام محەمەد سەرپەرشتیاری تیپەکانی تۆپی پێی یانەی پێشمەرگە بە پێشمەرگە سپۆرتی ڕاگەیاند کە ساڵانە یەکێتی تۆپی پێی ئێراق چالاکی جۆراوجۆری لە خول و پاڵەوانێتییەکانی دەبێت و لەم وەرزەش یەکێتی ناوبراو خولی تۆپی پێی لاوان و تازەپێگەیشتوان بۆ ئاستی یانە پلە یەکەکانی ئێراق ئەنجام دەدات کە وەک یانەی پێشمەرگە بەشداری لە هەردوو خول دەکەین و بۆ ئەو مەبەستەش ئامادەکاری تەواومان هەیە.
بازگ وتیشی ، سەردانیکردنی بەڕێز نەجم الاوسی وەک ئەندامی لیژنەی پێشبڕکێکان لە نزیکەوە بینین و پشکنینی یاریزانانە لە تەمەن و پێگەی یاریکردنیان ، کە ئەوەش گرنگی زۆری بۆ یانەکان دەبێت تا بە شێوەیەکی گونجاو دوور بە هەموو گۆڕانکارییەکی تەمەنی بەشداری بە یاریزانانیان بکەن .[1]
Kurdîpêdiya ne berpirsê naverokê vê tomarê ye, xwediyê/a tomarê berpirs e. Me bi mebesta arşîvkirinê tomar kiriye.
Ev babet bi zimana (کوردیی ناوەڕاست) hatiye nvîsandin, klîk li aykona
bike ji bu vekirina vî babetî bi vî zimana ku pî hatiye nvîsandin!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
Ev babet 536 car hatiye dîtin
Raya xwe li ser vî babetî binivîsin!