ناڤ: شێخ ڕەشۆ
ناڤێ بابی: شێخ حسێن
ساڵا ژدایکبوونێ: #1920#
ڕوژا کۆچکرنێ: #20-03-2003#
جهێ ژدایکبوونێ: گوندێ #سرێچکا#
جهێ کۆچکرنێ: باژێڕۆکێ #شێخان#
$ژیاننامە$
زانا و شارەزایێ ئاینێ ئێزدیان شێخ ڕەشۆ کوڕێ شێخ حسێن کوڕێ شێخ هەڤندە، ژ ئۆجاغا شێخ ئادی و مەلک شێخ حەسەنە و پەڕتووکا #جەلوە# (پەڕتووکا پیرۆزا ئێزدیان) ل جەم وانە. شێخ ڕەشۆ ل ساڵا 1920ێ ل گوندێ سرێچکا سەر ب باژێڕۆکێ تلکێف ژ دایکبوویە. شێخ ڕەشۆ قوتابخانا سەرەتایی ل گوندێ باشیکێ و یا ناڤنجی ل مووسل تەمام کرییە. ل وی دەمی خواندەڤان د ناڤا ئێزدیاندا د کێم بوون، لێ شێخ ڕەشۆ حەز خواندن و نڤیسینێ کرییە و ژبەر ڤێ چەندێ سەرەدانا ناڤچەیێن جودا کرییە. شێخ ڕەشۆ دگەل گەڕا تاووسێ ل ناڤ گوندێن ئێزدیان دگەڕیا و کارێ داراییێ دکر. دیارە هەر هنگی ئەو فێری قەولێن دینی بووە و گەلەک ژ دەقێ قەوالا نڤیسییە، پشتی چەند ساڵا دگەل گەڕا تاووسێ و قەوالا و گەڕیانا ل گوندێن ئێزدییان شێخ ڕەشۆ ئەرکێ «مأمور نفوس» وەردگریت و ل ساڵا 1954ێ ل باژێڕۆکێ شێخان دەست ب کارێ خوە دکەت. پاشی ل ساڵا 1956ێ دچیتە باژێڕۆکێ «ئەلقوش»ێ، ل ساڵا 1957ێ دچیتە کەرسێ یا سەر ب شنگالێ و ل ساڵا 1959ێ ڤەدگەڕیتە ئەتروش و ل دوماهیکا ساڵا 1959ێ دیسان ڤەدگەڕیتە باژێڕۆکێ ئەلقوش. لێ داویێدا ل ساڵا 1961ێ ل باژێرۆکێ شێخان جهێ خوە دگرە و ل وی دەڤەرێ ئاکنجی دبیت و هەتا ساڵا 1981ێ هەر ل وی ناڤچەیێ دهێتە خانەنشین کرن. شێخ ڕەشۆ ل ئێسڤنێ یا سەر ب باژێرۆکێ شێخان ل ڕوژا #20-03-2003#ێ دچیتە بەر دلۆڤانییا خودێ.
تێبینی: ئەڤ پێزانینه ژ زار و دەڤێ شێخ زاهد شێخ دەرمان، برازایێ شێخ ڕەشۆ هاتینه وەرگرتن. [1]
Ev babet bi zimana (کرمانجی - Upper Kurdish (Arami)) hatiye nvîsandin, klîk li aykona
![](https://www.kurdipedia.org/images/flags/ku.png)
bike ji bu vekirina vî babetî bi vî zimana ku pî hatiye nvîsandin!
ئەڤ بابەت ب زمانا (کرمانجی - Upper Kurdish (Arami)) هاتیە نڤیساندن، کلیک ل ئایکۆنا
![](https://www.kurdipedia.org/images/flags/ku.png)
بکە ژ بو ڤەکرنا ڤی بابەتی ب ڤی زمانا کو پی هاتیە نڤیساندن!
Ev babet 430 car hatiye dîtin
Raya xwe li ser vî babetî binivîsin!