یاگۍ شا بازا، کۊر کۊرۍ وازا
ئیدیۆمێ فرە زەریف و بە مانان، ئەچی دنیانە چەرخۍ چەرخیاو دۆران مەگېڵۊ، ئانەی ئارۊ داران، سەوای نەداران، ئانەی دیوەخانش هەن، ڕەنگە بن دیواریچش دەس نەگنۊ، بە پېچەوانەیچۆ نەدارو ئارۊی، داراو سەوایەن، بۍ دەس، دەسەڵاتدارەن، ئیتر ئانە یاساو سرووشتیەن، مەشۊم پاسنۍ بۊ.
ئا تەقەیۊرە سەرو دەسەڵاتو کەسەکارە ڕەنگە گرڎجارێ چەرخی نەپېکابۊ، خەڵکۍ چامنۍ مەیاونۊ پلێوە دەسەڵاتی کە هەر گیز شایانو ئا یاگۍ نېیەنۍ، دەسەڵاتدارێ خاوەن سام و هەیبەت لابەرۊن، بۍ دەسەڵاتێ کەم سام مەوزۊ یاگېش.
وېیەردەنە چڼەها بەرکۆتۍ چامنۍ ڕوەشا دێنە، لاو خەڵکیۆ یاگۍ سەرسامی و ناڕەحەتی بیېنە، پەوکەی واتەنشا:
یاگۍ شا بازا
کۊر کۊرۍ وازا
یانی حەیف کابرێوە بە دەسەڵات شاباز ئاسا ملۊ، کابرێوە بۍ ئەرزش یاگېش مەگېرۊوە.[1]