خێرکرن د ئێزدیاتیێدا
هەر کەسەکێ ئێزدی دڤێت خێرا بکەت ب ناڤێ خودێ و تاووسی مەلەک، خێر کرن تشتەکێ گەلەکی پیرۆزە لدەڤ ئێزدیان و نە یا گرنگە توو خێرێ ب چی کەسان بکەن یان ژی ژ چی ئاینی بیت یان ژی چی جۆرە مرۆڤ یان ژی گیانەوەر هەکە خۆ د ئاڤێ ژیدا بەردەی لجەم خودێ بەرزە نابت و لدەڤ ئێزدیان هەر خێرە، د باوەریا ئێزدیان دا ئەو کەسێ خێرا نەکەت دێ گونەه وی بنە گەلەک هەمبەر خێرا ئەڤجا ب ڤی ڕەنگی جهێ وی کەسی نا بتە بەهشت. لدەڤ ئێزدیان خێرکرن گەلەک پیرۆزە مرۆڤێ خێرکەر هەرددم خودێ دگەل دایە و یێ سەرفەرازە، هەر وەکو د سەبەقێت قەولی دا ژی دیار دبت.
ب دەستووری خودێ
رێیا خێرێ قەندیلە
تژی خێرە و بەرەکەتە و نوورە
بانگامە مەلکێ غەفوورە
***
دلێ من قرێر دا
ھنجیێ نەفسا برسی تێر دا
ئەوی بەھشت ژێر و بەرە ژێر دا
***
خێرەکێ بکەن ژ خودێ ڕا
کارەکی بکەن ب رێ ڕا
دا نەی دلگیربن ب نەفسێ ڕا
***
ئێزدی سۆتن ل ڤی کراسی
ھند ب زەبوونی ھند ب پێخواسی
مەستم ژ وێ کاسێ یا ھەقیا ئێزی و تاووسی مەلەک بناسی
***
ھەکە تە ب مالێ خۆ کر توی نان دای
ھەکە تە ب دەستێ خۆ کر توی سوڕ دای
ھەکە تە ب زمانێ خۆ کر توی جواب دای
و ب ڤان ئەرکانا دگەل پادشای
***
فەرە ل سەر مێرێ مەجلسێ
رۆژێ سێ جارا ل دیوانا خۆ بپرسی
گەلۆ کێ خوارییە و کی مایە برسی
***
ھەکە تو ئێکی د بینی
و خێرەکێ ڤێرا بگەھینی
پسیار نەکەتو ژ کی دینی
***
ھەکە تە خێرەک دابی
و دئاڤێدا بەردابی
لنک خودێ تەعالا ھندا نابی
***
یێ تەمام خودێ یە. [1]