قەولێ سلاڤا مەلکێ کەریم
ب دەستوری خودێ
سلاڤێت مەلکێ کەریم
عاشقێ سوڕا بەریم
مه دەعوەیه مال و سەریم
* * *
سوڕا پێ د پەرسم خالق
مەحبەت د دلی دا ما بوو مالق
من زۆر ل ڤێ دنیایێ دیتن د روو سپی ، نوور بالق
* * *
زوو کەفتنه بەحرا طاری
مژوول بوون ب ڤی مراری
ئه و چۆن ، فەرزا خۆ نە بژاری
* * *
ئه و مراری ب خوونه
گەلی برا ئێک مه گرن بکەرب و کینه
ئەڤ فێنە ، فێنەکا دەرەوینە
* * *
سەرا وی مراری
ژ ئێک مەگرن صارى
ئەڤ دنیا خۆشە ب یاری
* * *
سەعەتا غەرەزا نەفسێ بچووە
جەنگەکی مالا ئادیا ل دووە
غەرەز ڤەدگەری زووە
* * *
سەعەتا غەرەزا نەفسێ د بەتە
جەنگەکی مالا ئادیال پێ نەهرەتە
برانۆ ! زینهار گەلەکی ب هەیبەتە
* * *
گەلی برا ! بەتال مەکەن جەنگی
ل با یەکو دو رونن ب حەق دەنگی
بەلێ مە ئیمان ناسکر ب وی رەنگی
* * *
گەلی برا ! دبێژمە وە ژ حالا
هنجیێ دلێ خۆ نە کەت سیقالە
مینا کەڤنە خرابەکی ، ئەڤە سەد سالی ڤالا
* * *
هوون دلێ خۆ ب سیقال کن
سوڕا میر کنار کن
ژ ئەو پاش قەستی بال کن
* * *
برانۆ ! یەکی ژ خۆرا ب گیان کن
سەر و مالێ خۆ ب شکرا کن
دیندارا سلتان شیخادی ب ڤێ یەکێ تێت ستاندن
* * *
برانۆ ! یەکی ژ خۆرا ب غیرەت کن
رێیا شیخادی ب جەعدە کن
گیانێ خۆ لبەر پەدشایێ خۆ گەلەکی ب عزەت کن
* * *
بێژمە وە جێش
هوون سوار نەبن بۆڕێ سەر کێش
ما هوون نزانن ، مەزن مەیدانا مەلەکا
زۆر خەندەک هەینە ل پێش
* * *
بۆرێ حوڕ سوار بن
ب نەفسا را گوهدار بن
ب هەمو موخلقا را یار بن
* * *
ناسێ نەفسێ
ل رووێ ڤێ مەجلسێ
مێر خلاسە ب پرسێ
* * *
هەره نەفسێ بناسی
بەحرا علمێ غواسی
دنێڤ خاسا دا یێ خاس بی
* * *
ژ قەولێ بن خدره
هنجیێ گریڤانێ ب حەق ل بەرە
حسابەکی زۆری ل سەرە
ئەم د کێمن خودێ یێ تەمامە. [1]