شارەکڵەو (پەسەک)ی
ساڵەو نەوەڎەکا لوانێ پەی شارو (بەڼەر عەباس) و ئێرانی
کەجەتارانۆ (24) سەعاتێ دوورا، چاگەیچۆ لوانێ پەی
شارەکڵێ تەری بەنامۍ (لارستانی فارسی) کە شش
سەعاتێ چەولاو بەڼەر عەباسی وە بۍ، لوانێ ناحیېوە
نامۍش (بەستەک) بێ، منیچ نامەکێ لامۆ سەیرەبێ،
پەرسام جە پیېوە بەعومرو شاڕۆچکەکەی واتم: بېزەحمەت
(بەستەک) یانێ چېش؟ ماچۊ سوئالێ سەیرەت کەردە،
تۆ خەڵکو کۆگەینی؟ واتم من کوردەنا، کوردستانۆ ئامانا،
ماچۊ: دەی تەمام ژیرەنی مادام پەرسات پەی نامۍ
ئیشارەیە، ئی شارە نامۍش (بەستەک) نیا، نامۍش (پەسەکا) ،
واتم: منیچ پەی ئانەی پەرسام جە تۊ فارسینە ئی
نامۍمە گۊش نەکەوتێبێ، زانام نامەکێ غەریبەنە،
ئێتر گردش پەی باس کەرداو ماچۊ: زوو کابرێوە
لاو شمە ئامان پەی ئێگەی چېو ورەتەی، چېوېش
وەرەنە بېیەن جیاتی کۆتی واتەنشا ئانە چېشا
وەرتنە؟ واتەنش پەستەکا، ئیتر جەوەشەویسی
پەسەکو لالۊی هەجیجیوە ئا شارەکڵە نامۍش
پەسەکا، بەڵام ئاڎێ ماچاش پەنە (بەستەک) ،
جەشیرازۆ شش سەعاتێ سەیارەی دوورا
ئېمە هامسێکێما قبوڵشا نېیا نامۍما پەستەکبۊ
ئانا بەرکەوت کورد خراپتەرین قەوما دلێ وېشنە
ئینە داستانەو فەرەنجیو پەسەکی بێ.
ئەسعەد زەڵمی.[1]