شۊنەماو موزیکی سەرو مەژگو ئانزانیرە
بەپاو چنها پەیجۊریێ عێلمیێ موزیک شۊنی ئەرېنیە منیۊرە سەرو گوشارو ونێ، دایوەنەو (زەرەبان) و دڵی، سەرو هەناسەی، ماسۆڵکی لەشی، بەپاو شێوازوو موسیقای لەش هۆرمۆنێ تایبەتی بە وجووڎ مارۆ، (ئادرنالین) عانوو موسیقای بەرزێ و تەنڎیەنە، (نۆرئادرنالین) عانوو مووسیقای ئارام و نزمیەنە. نۆرئادرنالینێ وەرگیری کەرا جە وەڵابیەو هۆرمۆنێ سترێسی و مدرامانو لەشی چا حاڵەتەنە بەرا سەرەو و ئېشەو لەشی کەم کەراوە. هەر پی بۊنەوە جە بەشوو چارەسەری نەوەشیە دەروونیەکا موزیک پیسەو چارەسەری ڕەواندەرمانی کەڵکش چەنە هۆرگیریۆ. جە یانەو ساڵمەنڎانە موزیک فرەتر بەکار مەێ، چوونکە وەرگېری کەرۊ جە ڕوبەکەملوای سلولەکاو مەژگی کە جە پیرینە کەمێ باوە. هەم جە زانشتوو پزشکی ۋېیەردەینە، هەم جە پزشکی ئیسەیچەنە پەی چارەسەری جەڵتەی جە موزیکی کەڵک هۊر گیریان و هۆرگیریۆ، چوونبۊ بە هۆکارو بەرهەمئاردەی سلولێ تازە جە مەژگەنە. موزیک ھەرپاسە دەوروو بەھێز کەرڎەی بەشوو وەرکەردەی (حافظە) جە مەژگینە وینۆ. گۊرانیواچۍ واتێ یان شێعری فرەتەرێشا وەرکەردێنێ تاکو ئانزانی ئاسایی. هەر پاسە کە مزانمۍ گۊرانیواچ تاوۆ بە بۍ وانایەو شێعرەکاش سەرو کاغەزیەو، چن عانژمارێ شێعرێ گۊرانیەکاش بە بۍ گرفت واچۆوە.
موختار کەریمی.[1]
Kurdîpêdiya ne berpirsê naverokê vê tomarê ye, xwediyê/a tomarê berpirs e. Me bi mebesta arşîvkirinê tomar kiriye.
Ev babet bi zimana (هەورامی) hatiye nvîsandin, klîk li aykona
bike ji bu vekirina vî babetî bi vî zimana ku pî hatiye nvîsandin!
ئی بابەتۍ بە زۋانی (هەورامی) نۋیسیێنە، پەی ئەۋەکەرڎەی بابەتەکۍ بە زۋانېۋ کە نۋیسێنە، سەرو ئایکۆنو
ی کلیک کەرە!
Ev babet 140 car hatiye dîtin
Raya xwe li ser vî babetî binivîsin!