محەمەد شیاع سوودانی سەرۆک وەزیرانی ئێراق لە بارەی ئاڵۆزی و خۆپیشاندانەکانی #کەرکووک#ەوە چەند بڕیارێکی بەپەلەی دەرکرد.
سوودانی فەرماندەی سوپا و پۆلیسی لە کەرکووک ڕاسپارد بۆ کۆتایهێنان بە خۆپیشاندانەکان. کە بە ئاژاوەگێڕی ناوی بردووە و داوایکردووە هەموو ئەوانە دەستگیر بکرێن کە ڕێگاکان دەگرن و لەدەرەوەی هێزەکانی دەوڵەت چەک هەڵدەگرن.
سوودانی فەرمانی بە پۆلیسی کەرکووک کردووە بۆ کاتێکی نادیار قەدەغەی هاتوچۆ لە شاری کەرکووک ڕابگەیەنن و دەروازەکانی شارەکە دابخرێن.
بڕیارەکانی سوودانی دوای ئەوە هات ماوەی پێنج ڕۆژە بەشێک لە هاووڵاتییانی عەرەب و لایەنگرانی حەشدی شەعبی دژی ڕادەستکردنەوەی بارەگایەک بە پارتی خۆپیشاندان دەکەن و ڕێگای سەرەکی #هەولێر# کەرکووکیان لەناو شاری کەرکووک داخستوە و ئێوارەی ئەمڕۆش ڕێکەوتی #02-09-2023# بەشێک لە هاووڵاتییانی کورد دژی داخستنی ڕێگاکان و هەڵسوکەوتی خۆپیشاندەرانی لایەنە عەرەبییەکان و حەشدی شەعبی خۆپیشاندانێکیان ئەنجامدا و گرژی و ئاڵۆزی لێکەوتەوە و خۆپیشاندەرێک گیانی لەدەست دا و 12 کەسی تر برینداربوون. [1]
Ev babet bi zimana (کوردیی ناوەڕاست) hatiye nvîsandin, klîk li aykona
![](https://www.kurdipedia.org/images/flags/ku.png)
bike ji bu vekirina vî babetî bi vî zimana ku pî hatiye nvîsandin!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
Ev babet 298 car hatiye dîtin
Raya xwe li ser vî babetî binivîsin!