نامۍ: ئازاد
نازنام: هەورامی
نامۊ تاتەی: عەبدولمەجید
ڕۊ پېڎابېیەی: #31-12-1954#
ڕۊ مەرڎەی: #31-08-1988#
یاگۊ پېڎابېیەی: #کەرکووک#
یاگۊ مەرڎەی: #قەندیل#
$ژیۋاینامە$
ئازاد هەورامی دلۍ بنەیانېوە نامڎاری، شوڕشگېڕی، دەسەڵاتداری هۆرامانینە ئامان دنیاوە، بنەیانەکەشا کە سوڵتانەکی هۆرامانینی، دۆرێ دیار و کاریگەرشان بېیەن دلۍ هۆرامانی و کوردەسانی و ناوچەکەینە. دمای زاڵبېیەی دەسەڵاتو داگیرکەری جە هۆرامان، سانەکۍ هۆرامانی زېدو وېشان جیائاست، ئاوارۍ پانیشتو کوردەسانی بیۍ، خانەواڎەو ئازاد هۆرامی جە شارو کەرکووکی نیشتەجایۍ بیۍ، ئازاد هۆرامی گەڕەکەو ئیمام قاسمی ئامان دنیاوە، ساڵەو (1916ز) لوانەنە وانگای سەرەتایی ئیمام قاسمی.
ساڵەو (1972ز) پېسە ئەندامێ دلۍ یەکیەتی قوتابېیا کوردەسانینە کارش کەردەن، هەر چا ساڵېنە پېوەڼیش بە ڕېکۋزیاکا کومەڵەی کە ڕېکۋزیېوە مارکسی لینینی بۍ، ساڵەو (1974ز) دلۍ شوڕشو ئەیلوولینە چەکو پېشمەرگایەتیش کەردەن شانە، ساڵەو (1976ز) بی بە ئەندامو کۊمیتەو هەرېمەکا، یانی سەرکەردایەتی ئاوەختەو کۊمەڵەی.
تاریخو (08-07-1976ز) چەکو پېشمەرگەیش کەردۆ شان، دلۍ چەمو ڕېزانی یەرەم مەفرەزەی چەکداریش وەشکەرد.
ساڵەو (1977ز) پېسە ئەندامو سەرکەردایەتی یەکیەتی دیاری کریا، ساڵەو (1978ز) پېسە ئەندامو کومیتەو میانی کۊمەڵەی هۊرچنیا، عەینو ساڵېنە دلۍ جەنگو (هەکاری) نە بە دیل گیریان.
ساڵەو (1979ز) دلۍ زیڼانو پارتینە ڕەمان، ساڵەو (1980ز) پېسە وەرپەرسو لقو دوۍ یەکیەتی دەسبەکاربېیەن، وەرپەرسو ناوچەکانو کەرکووکی و قەرەداخی.
ساڵەو (1981ز) دلۍ یوەمین کۆنفرانسو کۊمەڵەینە جە (مالیمۆس) بە ئەندامو سەرکەردایەتی کۊمەڵەی هۊرچنیاوە، جە کۆنفرانسو دوۍ و چوارینە، جە ساڵەکانو (1982ز) و (1984ز) دیسان بە ئەندامو ڕاوەبەری کۊمەڵەی هۊرچنیاوە.
دماتەر پېسە وەرپەرسو میانی دەزگاو ڕۊشنۋیری کۊمەڵەی دەسبەکار بېیەن، چڼین باسۍ و چەنەکۊڵیێش دلۍ گۊڤارو کۊمەڵەینە تۊمارۍ کەردېنۍ.
ئازاد هۆرامی جە تاریخو (26-02-1987ز) چەنی خاتو (شنۆ شاسواری) هامسەرگیریش کەردەن، ساڵەو (1987ز) پېسە وەرپەرسو مەڵبەڼو بادینانی دەسبەکاربېیەن، چەنی هېزەکەیش لوان پەی ناوچەو بادینانی.
تاریخو (31-08-1988ز) جە دما قۊناغو ئەنفالینە شەهید کریان.
ئازاد هۆرامی پاڵو کۊششی نەتەوەیی و چەکدارینە، کۊششی ڕۊشنۋیریش کەردەن، ئاڎ هەر پېسە سیاسیێ، هەم ڕۊشنۋیرێ، هەم هونەرمەڼێ خزمەتش بە قەزیەو میللەتەکەیش کەردەن.
ئەسعەد ڕەشید.[1]