وەختو جەنگینە، ئاشتیت ویربۊ
پېسە مەزانمۍ جەنگ بارێ ناتەندرووسەن کە مەی ملو ئینسانەکارە، جەنگ سەرەڕاو ماڕای کەسەکاو بۍ حورمەتی کەردەی بە یۊترینی، زامڎارکەردەی دڵ و دەروونیشان، ڕەنگە بڕێ جارۍ بېیاوۊ وەرکۆتەی فیزیکی و دەسدای یەخۍ یۊترینی. جەنگ هەر نۊعێ کریۊ
ئاخیرەکەش مەشۊم ئاشتی بەی شۊنیشەرە، هیچ چارێوەتەر نېیەن، ڕەنگە جەنگەکە میانو دوۍ برایانە، یام دوۍ قۆمانە، یام هامساو کەسە نزیکەکانە بۊن. گەر ئا کەسۍ کە مەگژیا وېچشا حەز نەکەرا، بەڵام کەس و قۆمەکېشا واز نماراو هۆڵێ ئاشتەوایی میانشانە مڎان، چوونکوم ڕانماییە ئایینیەکۍ و پېوەڼییە کۊمەڵیەکۍ ئانەیە موازان. فرەو جاری دمای جەنگەکەی، کەسە جەنگ کەرەکا ئاشتۍ کەراوە، بە شەرمەزاریۆ مڎیان پەی یۊترینی، چوونکوم وەختو جەنگەکەینە ئڼە قسۍ گولېشا دێنۍ گژۍ یۊترینیرە، یام ئڼە یۊترینشان زامڎار کەردەن ڕوەشان نېیەنە بڎیان میاچەما یۊترینیرە، هەر پەوکەی واتەنشا: وەختو جەنگینە، ئاشتیت ویربۊ، یانی هەرمانێ نمەکەرە دمایی پەشیمان بی، یام شەرمەزار بی.[1]
Ev babet bi zimana (هەورامی) hatiye nvîsandin, klîk li aykona
bike ji bu vekirina vî babetî bi vî zimana ku pî hatiye nvîsandin!
ئی بابەتۍ بە زۋانی (هەورامی) نۋیسیێنە، پەی ئەۋەکەرڎەی بابەتەکۍ بە زۋانېۋ کە نۋیسێنە، سەرو ئایکۆنو
ی کلیک کەرە!
Ev babet 190 car hatiye dîtin
Raya xwe li ser vî babetî binivîsin!