چن پەرس و جوابێ دەربارەو فرەزوانی
بەشۍ: چوارەمە
پەرسه: یاگێ زوانی ئەڎایی جه عانوو ویرکەردەیەو مرۆڤیەنه ئینا چکۆ؟
جواو: پ.د. ئێکهارد وۆڵف (Prof. Dr. H. Ekkehard Wolff) پسپۆڕو زوانەوانی جه شاروو لایپزیک ( (Leipzig و ئاڵمانی ماچۆ: جه فێربیەینه زوان گردچێو نیەن، بەڵام به بێ زوانی، جه فێربیەینه گردچێو بێبایەخەن، ئینه خاستەرین جواوەن په ی ئا پەرسێ شمه. گرد تاکێو پەی یاوای به ئامانجەکاش جه ویەروو فێربیەینه پەیوازێو تایبەتش به فێربیەی و زاڵبیەی به زوانی ئەڎایی وێش هەن، به بێ ئینەیه توانایی و ژیوای ژیرانە و ( زندگی عقلانی) مرۆڤی تووشوو کێشەی بۆ. فێربیەی و پەروەرده بە زوانی ئەڎایی پەی گرد زاڕۆیەو کە دلێ ئی دنیاینە مژیوۆ، پەیوازەن.
پەرسه: تاکێو کە چە زوانی ئەڎایی وێش بێبەش کریان تووشوو چ کێشە و و گیرووگرفتێو بۆ ھەم جە ژیوای ڕوانەیشەنە، ھەم جە گەشەکەردەی کەسایەتیشەنە؟
جواو: کەسانێ که نمەتاوا جه زوانی ئەڎایی وێشا پێسەو ئامرازوو پېوەڼی جه پەروەردە و فێربیەیشانه کەڵک هۆرگێرا، جه دماڕۆنه و دلێ ژیوای ڕوانەیشانه تووشوو کێشە و قەیرانێ فرێ با. پەی نموونەی ئا جۆره کەسا سەرکەوتەیی جه فێربیەینه به هەرمانێوه قوورسه مزانا و دەرفەتشا پەی بەدەس ئاردەی خوێندەواری و هۆرگیریای جه زانکۆوەکانه وەرتەسک بۆوه و دماتەریچ ھەرمانێ قوورسێ و کەم دەرئامەڎ ێشا پەنه دریا و تەنانەت ئێستەیەو هەرمانیوه گونجیاێچ به زەحمەتێو قوورس مەی وەرە چەماشا. ئی کێشه تاوۆ جه دماڕۆنه بۆ به هۆکاروو ناڕازی بیەی جه گلێرگای و جە بڕیو ویەرێچەنە ئی چۆرە کەسا بە ئاسانی تووشوو تاوانکاری با.
موختار کەریمی.[1]
Kurdîpêdiya ne berpirsê naverokê vê tomarê ye, xwediyê/a tomarê berpirs e. Me bi mebesta arşîvkirinê tomar kiriye.
Ev babet bi zimana (کوردیی ناوەڕاست) hatiye nvîsandin, klîk li aykona
bike ji bu vekirina vî babetî bi vî zimana ku pî hatiye nvîsandin!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
Ev babet 217 car hatiye dîtin
Raya xwe li ser vî babetî binivîsin!