ناونیشانی بابەت: بەوێنە.. زانیارییەکانی سەبارەت بە خانووەکانی گەڕەکە کۆنەکانى شارى کۆیە دۆکیۆمێنت دەکرێن
ئامادەکردنی: #هەڵمەت بتوێنى#
فەرمانگەى شوێنەوارى #کۆیە#، دەستى کردووە بە تۆمارکردنى زانیارییەکانى تێکڕای ئەو خانووە کەلەپوورییانەى لە چوار گەڕەکى شارى کۆیەدان.
#یەکێتی واحید#، بەڕێوەبەرى فەرمانگەى شوێنەوارى کۆیە، بە (باسکورد) ى ڕاگەیاند: تۆمارکردنى زانیارییەکان بەشێوەیەکە، ئەگەر لەداهاتوودا خانووەکە تێکیش بچێت، بتوانرێت لەسەر شێوەى خۆى درووست بکرێتەوە.
وتیشى: پڕۆژەکە کەوتووەتە بارى کار تێدا کردن و بە تەواوبوونى دەتوانرێت لەداهاتوودا بۆ پاراستنى خانووە کەلەپوورییەکان و کردنیان بە شوێنى گەشتیاریى شوێنەوارى، پشتى پێ ببەسترێت.
باسى لەوەش کرد: داتا و زانیارى و وێنە و پێوانەى پەنجەرە و دەرگا و شێوەکانیان و ڕووبەر و شوێنى خانووەکان دەکرێتە داتاى ئەلیکترۆنى و ئەپێکى تایبەت، کە تا 100 ساڵى داهاتووش، بەپێى ئەو بودجەیەى تەرخان دەکرێت، خانووەکان بە شێوەى کۆنى خۆیان نۆژەن بکرێنەوە و لە فەوتان ڕزگار بکرێن.[1]
Ev babet bi zimana (کوردیی ناوەڕاست - Central Kurdish) hatiye nvîsandin, klîk li aykona
![](https://www.kurdipedia.org/images/flags/ku.png)
bike ji bu vekirina vî babetî bi vî zimana ku pî hatiye nvîsandin!
ئەم بابەتە بەزمانی (کوردیی ناوەڕاست - Central Kurdish) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
Ev babet 351 car hatiye dîtin
Raya xwe li ser vî babetî binivîsin!