گەر هەشت بەرۊ، نۊیچ بەرۊ
هەشت و نۊ دوۍ ژمارۍ نزیکی یۊینۍ، ئینێ پاڵو یۊترینینە، یانی تەنیا ژمارێشان فەرقەن. پېسە ئیدیۆمێ بەکارئامان پەی چڼین بار و زروفا. پەی نموونەی کابرێوە حەماڵ کۊڵێ منیۊ سەرو شاناشۆ، یام مەگېرۊش کۊڵۍ، بڕێ جە کەرەسەکا جیا مەنا، ئا کەسۍ هەکە چاگە حازرېنۍ ماچان دەی ئانەیچ کە مەنەن بنیەش سەرو کۊڵەکېشۆ، بڕێچشا ماچان کورە کۊڵەکەش قورسەن، ئاڎییچۍ ماچان برا گەر هەشت بەرۊ، نۊیچ بەرۊ.
ئی ئیدیۆمۍ نەک پەی بارێ جە واقیعەنە، بەڵکوم پەی دنیاو مەعنەویچ هەر بەکارمێ، پی تەرزە:
کەسێ بە هۊکارو جەنگی یام نەوەشی توشو بارێ خرابی بېیەن، توشو ئاتاجی بېیەن، زارۊڵۍ فرۍ کۆتېنۍ ملشەرە، بارێ تەریچ مەی ملشەرە، ئیتر خەڵکی پېسە بەزەیی ئامای پۊرەی باسش کەران، خەمش پەی وەران، پەی دڵوەشی یۊشان ماچۊ: ئاڎ هەر مەینەتی بېیەن، تازە ئی بارەیچە هۊرگېرۊن، ئاڎ هەشتش بەردەبۊ، نۊیچ بەرۊن. ئەچانە مەخسەڎشان ئانەن هەکە هەرچن بارو ژیوایش گرانتەر بېیەن، بەڵام بە ناچاری مەشۊم شانش بڎۊ وەر.[1]
Ev babet bi zimana (هەورامی) hatiye nvîsandin, klîk li aykona
bike ji bu vekirina vî babetî bi vî zimana ku pî hatiye nvîsandin!
ئی بابەتۍ بە زۋانی (هەورامی) نۋیسیێنە، پەی ئەۋەکەرڎەی بابەتەکۍ بە زۋانېۋ کە نۋیسێنە، سەرو ئایکۆنو
ی کلیک کەرە!
Ev babet 37 car hatiye dîtin
Raya xwe li ser vî babetî binivîsin!