زاگرۆسانە
هامنشینە ئېژایا
ئاشقاو ژیوگا و ژیوای
هەرپاسه ئاگاڎارێندێ به پاو نەریتوو ساڵانی وېیەردەی، دماو پەڵەو پایېزی (1 تاکو 25)و مانگەو کەڵەهەرزی، چالاکی نیای دڼەکاو ناوچە جۊراوجۊرەکاو زاگرۆسوو نیشتمانی جە تەماموو ناوچەکاو زاگرۆسیەنه و بە نامۍ بەرنامەو (زاگرۆسانه)ی، لاو ئەنجومەنە ژیوگاپارێزەکاوه، تاقمه شاخەوانیەکا، چالاکوانێ مەدەنی، هتر ملۆ ڕاوه.
چالاکی زاگرۆسانەی جە ساتێوەنه ملۆ ڕاوه کە دۊخێوی مەترسیدار و هەستیار، تووشوو ژیوگاو زاگرۆسی بە گردین بېیەن کە سۆچنای، ئەرەگېرتەی، کاولکاری و بنەبڕکەردەی دارستانەکان، ناوەشی جۊراوجۊروو دارستانەکاو زاگرۆسی و دەس ئەنەبەردەی پېسەو درۆس کەردەی بەنداوی، هەرمانەو تەوەن‌ماڕای دڵێو دارستان، لەوەڕگا، هانەچەمۍ و دەیان هەرمانۍ هامشێوێ و نەیارانێ، بەداخەوە زاگرۆسش وسەنەنه سەراوچېری فەوتیای و دلېنەشېیەی.
پی بۊنەوه هەڵمەتەو زاگرۆسانەی بە یاوگاو هوشېیار کەردۆو کۊمەڵاو جەماوەروو خەڵکی، تێکەڵ بېیەی بە ڕۊتو پیرۊزو ژیوگاپارێزنای پەی ڤەرگیری و ئەوەژیونای و هەرپاسه ساڕێژ کەردەی بەشێوی گولالەو زامەکاو زاگرۆسو نیشتمانی ئەنجام مڎریۆنه.
ئیجا ئێساڵیچ پېسەو ساڵانی وېیەردەی، جه گردو هامنشینا و هاموەڵاتیەکا، ڕېکۋزیا، کەشەوانەکا، چالاکوانێ ژیوگاپارێزنێ و سەرجەم خەڵکی مەدەنی، داوا کەرمۍ جه ڕۊی دیاری کریانه، چالاکی نیای دڼه بەلوا، ڤەنی، وامی و تۆمه جۊربەجۊرەکا، بەپاو جوغرافیاو ناوچە جیاوازەکاو زاگرۆسی بەرا ڕاوه.
کەناڵەو ئەنجومەنوو ڕۊجیاری.[1]
Kurdîpêdiya ne berpirsê naverokê vê tomarê ye, xwediyê/a tomarê berpirs e. Me bi mebesta arşîvkirinê tomar kiriye.
Ev babet bi zimana (هەورامی) hatiye nvîsandin, klîk li aykona
bike ji bu vekirina vî babetî bi vî zimana ku pî hatiye nvîsandin!
ئی بابەتۍ بە زۋانی (هەورامی) نۋیسیێنە، پەی ئەۋەکەرڎەی بابەتەکۍ بە زۋانېۋ کە نۋیسێنە، سەرو ئایکۆنو
ی کلیک کەرە!
Ev babet 340 car hatiye dîtin
Raya xwe li ser vî babetî binivîsin!