نووسەر: #هاوڕێ جەلال پاڕەزانی#
بەشی دووەم:
پەریی؛ نەیسز؛ خوڵاپەڕک: بە مانای فریشتە و جنی مێینەش هاتووە چووەتە ناو زمانی ئینگلیزیشەوە (peri) ئەم وشەیە دەتوانین بڵێین بەرانبەر (حوری) ی عەرەبیی دەوەستێتەوە وشەی (پەریی) لە وشەی (فریشتە) ەوە کوورت بووەتەوە.
پەریی گۆڕاویشە بۆ (زەریی؛ زەرا؛ زارا) و بۆ ئافرەتی جوان و زێباش بەکارهێنراوە.
کوڵەنانێ: جادووکار؛ جادووباز؛ فاڵچی (ئەو کەسانەی پەرتووکی بەخت دەگرنەوە) ئاهریمەن: شەیتان؛ هەر جنە بەڵام جنی خراپەکارە؛ لە ئاهر (ئاگر) درووست بووە وشەی (شێت: دێوانە؛ شبر) لە شەیتانەوە هاتوون.
دەهێن: گیانەوەری زۆر سەیر و ناشیرین.
دێوەڵووکە: دێوێکی تووکن و سەرتاپا تیسکنە لە هۆنراوەی شێخ ڕەزاشدا هاتووە: (ئێستەش کراسی چڵکنە؛ ناولنگی کوڵکنە
وەک دێوەڵووەکە تووکی بەری؛ بستێ هاتووە)
(ڵووک) و (کووڵ) هەڵگەڕاوەی یەکن و واتای (تووک) دەدەن.
کوڵکن: تووکن.
قازانەسەر: دێوێکی خەیاڵیی؛ منداڵی پێ دەترسێنن قازانەسەر ناوی گوندیشە.
مارمار: ماڵماڵ: ناوی پاڵەوانێکی چیرۆک و ئەفسانەی کوردییە هەر هەمان ناوی (مەحمەڵ) ە.
بەیتی مەحمەڵ و برایم خۆشە.) بەیتی بلە: بەیتی برایم)
سامۆتک: سوێس؛ سهنە؛ قەرانتوو؛ قەرە؛ شەبەﮪ؛ شەڤڕەشک؛ تارمایی و ڕەشایی لە دوورەوە وشەی (شەبەح) ی عەرەبیی لەم (شەبەﮪ) ەوە هاتووە کە بنەمای وشەکە مانای (ڕەشایی) دەدات.
شەودێز: تارمایی شەو.
پەرتووکی:#فەرهەنگۆکی ئەفسانە و سەرووسرووشت# [1]
Kurdîpêdiya ne berpirsê naverokê vê tomarê ye, xwediyê/a tomarê berpirs e. Me bi mebesta arşîvkirinê tomar kiriye.
Ev babet bi zimana (کوردیی ناوەڕاست) hatiye nvîsandin, klîk li aykona
bike ji bu vekirina vî babetî bi vî zimana ku pî hatiye nvîsandin!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
Ev babet 162 car hatiye dîtin
Raya xwe li ser vî babetî binivîsin!