لێپرسراوی مەکتەبی سکرتارییەتی سەرۆک مام جەلال سوپاسی هاووڵاتییانی ناوچە جێناکۆکەکان دەکات و ڕایدەگەیەنێت، بەشداری و خەمخۆری و دڵسۆزیتان لە هەڵبژاردنی ئەنجوومەنی پارێزگاکانی ئێراقدا سەلماندی کە ئەو ناوچانە کوردستانین، هەروەها دڵنیاتان دەکەینەوە کە چۆن لە ڕابردوو لەگەڵتان بووین، لە داهاتووشدا باشتر و دڵسۆزانەتر لەگەڵتان دەبین.
#قوباد تاڵەبانی# لێپرسراوی مەکتەبی سکرتارییەتی سەرۆک مام #جەلال تاڵەبانی#، لە پەیامێکدا کە لە هەژماری تایبەتیی خۆی لە تۆڕی کۆمەڵایەتی فەیسبووک بڵاویکردووەتەوە، ڕایدەگەیەنێت: دەمەوێت سوپاسی هەمووتان بکەم، کە لە مەندەلییەوە تا #خانەقین# و بۆ #دوز# و #کەرکووک# و #نەینەوا# و #موسڵ# و #شەنگال# کە بەشداربوون لە هەڵبژاردنی ئەنجوومەنی پارێزگاکانی ئێراق، ئەو بەشداری و خەمخۆری و دڵسۆزییەتان سەلماندی کە ئەو ناوچانە کوردستانین.
بە بەشداریکردنتان سەلماندتان کە پێکەوە دەتوانین ئەو غەدرانەی کە لە خەڵکی کورد و نەتەوەکەمان کراوە ڕاستبکەینەوە، هەروەها سوپاسی یەک بە یەکی هەموو ئەندامانی #یەکێتیی نیشتمانیی کوردستان# دەکەم، کادرە دڵسۆزەکانی، کە هەموومان پێکەوە بووینە خزمەتکاری کۆمەڵانی خەڵکی کوردستان و بەشداربووین بۆ ئەوەی زۆرترین دەنگ بۆ گەلی کورد بەدەستبهێنین لەم هەڵبژاردنە. قوباد تاڵەبانی وادەڵێت.
ئاماژەی بەوەشداوە: دڵنیاتان دەکەمەوە کە بەردەوام دەبین بەو ڕۆحیەتە، بەردەوام دەبین لەگەڵتان لە هەموو ناوچە جێناکۆکەکان تاکوو ئەو هەڵە و غەدرانەی کە لە ڕابردوو کراون ڕاستییان بکەینەوە، دڵنیاتان دەکەینەوە کە چۆن لە ڕابردوو لەگەڵتان بووین، باشتر و قوڵتر و دڵسۆزانەتر لەگەڵتان دەبین لە داهاتووشدا. [1]
Kurdîpêdiya ne berpirsê naverokê vê tomarê ye, xwediyê/a tomarê berpirs e. Me bi mebesta arşîvkirinê tomar kiriye.
Ev babet bi zimana (کوردیی ناوەڕاست) hatiye nvîsandin, klîk li aykona
bike ji bu vekirina vî babetî bi vî zimana ku pî hatiye nvîsandin!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
Ev babet 192 car hatiye dîtin
Raya xwe li ser vî babetî binivîsin!