یوسف گۆران ئەندامی مەکتەبی سیاسی #یەکێتیی نیشتمانیی کوردستان# ڕایگەیاند، پێدەچێت پڕۆسەی پێکهێنانی حکومەتی نێوخۆیی لە #کەرکووک# زۆر ئاڵۆز ببێت و لە هیچ حاڵەتێکدا بێ سازش بۆ یەکتری و ڕەزامەندی و هاوبەشی (شەراکەتی)ی سەرجەم نەتەوە و پێکهاتەکان تێناپەڕێت.
یوسف گۆران بە میدیاى فەرمى حیزبەکەى ڕاگەیاند، لە ڕاستیدا ناتوانین هۆکاری هێزە دەرەکی و هەرێمییەکانیش لە جێگیربوون و ئاییندەی کەرکووک فەرامۆش بکەین، چونکە لە هیچ کاتێکدا یەک نەتەوە ناتوانێت ئەم شارە فرەپێکهاتەیە بەڕێوە ببات، سەپاندنی ئیراده و دەسەڵاتی نەتەوەیەک بەسەر ئەوانی تردا، نائارامی و ناجێگیریی سیاسی و ئەمنیی لێ دەکەوێتەوە.
باسى لەوەش کردووە، هیچ کات چارەسەری سەربازی و ئەمنی ناتوانێت کێشەکانی کەرکووک یەکلابکاتەوە، پێویستە سەرجەم خەڵکی پارێزگاکە پێکەوە بەشدار و هاوبەشی ڕاستەقینە بن لە بەڕێوەبردنی سەرجەم دۆسییەکان، بە دۆسیەی ئەمنییەوە.
هەروەها ڕایگەیاندووە، سیاسەتی سڕینەوەی بەرانبەر، چ لە ڕێی بەعەرەبکردن و زەوتکردنی زەوی و زاری کورد و تورکمانەکان یان دوورخستنەوەیان له فەرمانگەکان؛ هیچ سوودی نییە و ناتوانێت جێگیریی کۆمەڵایەتی و سیاسی و ئەمنیی درێژخایەن لە دوای خۆی درووست بکات، بۆیە باشترە سەرجەم لایەنەکان دەست لەو سیاسەتە هەڵبگرن و دان بە فرەکولتووری و فرەپێکهاتەیی شارەکەدا بنێن. [1]
Ev babet bi zimana (کوردیی ناوەڕاست) hatiye nvîsandin, klîk li aykona
![](https://www.kurdipedia.org/images/flags/ku.png)
bike ji bu vekirina vî babetî bi vî zimana ku pî hatiye nvîsandin!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
Ev babet 244 car hatiye dîtin
Raya xwe li ser vî babetî binivîsin!