کتە گووش پەی دەرمانی شییۍ، لوۍ شارېشۆ
کتە یام پشیلۍ پېسە مزانمۍ گېیاندارێ نیمە لینېیەنە، دلۍ حۆش و بانو یانارە مەگېڵۊن پەی واردەی، فرە پیس و پۊخڵە نېیەنە، پاسه ئەشناسیێنە کە پیسایی وېش کەرۊ چېرو خوڵېوەو شاروشۆ. ئانە هەرمانێ زەریفەنە کە کتەش زیاتەر وەشەویسە کەردېنە، بەڵام لایێ تەرۆ پېسە ئیدیۆمێ بەکارشان ئاردېنە پەی خەڵکی ڕەزیل و وەرچەم ئاورای، کە ئانەیچ تۊمەتێن وەراوەر بە کتەی، کە هەرمانە زەریفەکېش فاڕان پەی خراپۍ.
پا کەسە ڕەزیل و هەتیمچا واچیان هەکە نمەتاوان هیچ چېوێ بەخشان، گەر چېوېشان بۊن وەرو خەڵکی هەزار ۋڵېنە شاراشۆ.
پەی نموونەی گەر داواو ئا چېوەیشان چنە کریۊن دەسکەران مینگەمینگو پەلە پەل شاراشۆ، پەوکەی پەنەشان ماچان: کتە گووش پەی دەرمانی شییۍ، لوۍ شارېشۆ.
ئەسعەد ڕەشید.[1]
Ev babet bi zimana (هەورامی) hatiye nvîsandin, klîk li aykona
![](https://www.kurdipedia.org/images/flags/ku.png)
bike ji bu vekirina vî babetî bi vî zimana ku pî hatiye nvîsandin!
ئی بابەتۍ بە زۋانی (هەورامی) نۋیسیێنە، پەی ئەۋەکەرڎەی بابەتەکۍ بە زۋانېۋ کە نۋیسێنە، سەرو ئایکۆنو
![](https://www.kurdipedia.org/images/flags/ku.png)
ی کلیک کەرە!
Ev babet 177 car hatiye dîtin
Raya xwe li ser vî babetî binivîsin!