ئێوارەى ئەمڕۆ شەممە #13-01-2024# بەڕێز #نێچیرڤان بارزانى#، سەرۆکى هەرێمى کوردستان لە درێژەى دیدار و کۆبوونەوەکانیدا لە #بەغدا#، لەگەڵ بەڕێز نوورى مالکى، سەرۆکى هاوپەیمانیى دەوڵەتى یاسا، دوایین پێشهاتەکانى دۆخى سیاسى و ئەمنیى ئێراق و کێشەکانى #هەولێر# بەغدایان تاوتوێ کرد.
هەردوولا هاوڕا بوون کە دەبێت لایەنە سیاسییەکان و پێکهاتەکانى ئێراق، بە هاریکارى و تەبایى، ڕووبەڕووى ئاڵنگارییەکانى ئەم قۆناغە و دۆخى ئاڵۆزى ناوچەکە و هەڕەشە و مەترسییەکانى تیرۆر ببنەوە، بۆ ئەم مەبەستەش دەبێت ئێراق لە ئاڵۆزییەکانى ناوچەکەوە نەگلێت و هەمووان بەرژەوەندیى باڵاى وڵات بپارێزن.
دەر‌بارەى بەردەوامیى گفتوگۆى حکوومەتى فیدراڵیى ئێراق و #حکومەتی هەرێمی کوردستان#، بۆ چارەسەرکردنى کێشەکانی هەولێر بەغدا، هەردوولا جەختیان لەسەر چارەسەرکردنى کێشەکان بە لێکگەیشتن و لەسەر بنەماى دەستوور کردەوە بە شێوەیەک ماف و شایستەکانى هەموو پێکهاتەکان پارێزراو بن.
هێرشە درۆنییەکانى سەر هەرێمى کوردستان، پەیوەندییەکانى ئێراق و وڵاتانى دراوسێ، هەڕەشەکانى داعش و لێکەوتەکانى شەڕ لە غەززە بەسەر ناوچەکەوە بەگشتى، تەوەرێکى دیکەى کۆبوونەوەکە بوو. [1]
Kurdîpêdiya ne berpirsê naverokê vê tomarê ye, xwediyê/a tomarê berpirs e. Me bi mebesta arşîvkirinê tomar kiriye.
Ev babet bi zimana (کوردیی ناوەڕاست) hatiye nvîsandin, klîk li aykona
bike ji bu vekirina vî babetî bi vî zimana ku pî hatiye nvîsandin!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
Ev babet 403 car hatiye dîtin
Raya xwe li ser vî babetî binivîsin!