دیڎارو هېڵانپۍ بریا ڕاوە
هیزی شەممە جە دەگاو هیڵانپۍ دیڎارو کۊمەڵایەتی جە لاو بەشێ جە خەڵکو دەگاو هیڵانپی و عەشیرەتو تیلەکۆی ڕېکۋزیابۍ، لوا ڕاوە.
یاگۍ واتەیین ئی گلېرەوەبېیەیە تەنیا پیایی بەشداریشا کەردەبی هیچ ژەنێ نەوینیی دلی ئی دیدارەینە جە وەختێنە خەڵکێ فرە دەعوەت کریێ بینی.
لاو ویشۆ هەڵاڵە شەوکەت لهۆنی ڕاش یاونا: بەداخۆ هیزی گلیرەوێ بیێ کریان جەهۆرامان هیچ ژەنێ چی گلیرەوەبېیەنە نەوینریاینە جە وەختێنە هۆرامان پانەی ئەژناسیان کە ژەن و پیا گردچیوێنە هەرمانە بەراڕاوە و هیچ لاشیخەری و تنوتیژی وەرانوەرو ژەنی مەوینریو جە هۆرامان.
هەرپاسە بڕێ جە بەشدارا واتشا چی گلیرەوە بېیەنە هیچ کەسێ بەزوانو هۆرامی قسیشا نەکەرد بەبەهانی ئانەی خەڵک با یاونە زوانو ئەڎایی ویشا بەکارنارد، جەوەختێنە ئی دیڎارە جەهۆرامانەنە بریا ڕاوە تاکو ئیسە ئەر هۆرامیچ پاشا گېرتێره سەرو هۆرامی قسەکەردەی گردو کوردەسانی هۆرامی حاڵیشا بی و یاوینینە پیسه گردو زوان و شیوەزوانەکا تەری !
شمە بەشداریتا کەرد؟
بنویسمێ بە زوانی هۆرامی، بوانمێوە بە زوانی هۆرامی کە ئاڵاو قەڵەمی نەبڕیەینە باڵاو هیچ مێللەتێویەرە.[1]