#Efrîn# di bin dagîrkeriyê de (238)-taybet: Pênc sal ji dagîrkirina Turkiyê… /280/qurbaniyên pakrewan û bêgunehên sivîl, jê /61/zarok û /46/ jin, û jê /18/ di navboriya sala dawiyê de.

“Dagîrkirina Efrînê, avahiya Sera ya kevin, 18 Avdarê 2018 an”
Wergerandin ji Erebî
Pênc sal di ser dagîrkirina Turkiyê re, ya li 18 ê Avdara 2018an ji Herêma Efrînê – Bakur Rojavayê Sûriyê, bi hevkariya milîseyên (Artêşa Niştimanî ya Sûrî ya azad) a bi Hemahengiya Sûrî – ixwanî ve girêdayî, û di bin perda fetweyên “Îmam Elxetîb”, “Zanyarine Misilman en tundrew” û “Encûmena Islamî ya sûrî – Istanbol” de, derbas dibin… Û hîn jî binpêkirin û tewanên curbecur, bi pêngavine rêbazkirî û siyasetine nijadperest – “Osmaniya Nû” û timayine ferehkirinê yen Anqerê û destlatên wê berdewam in. Yên herî berz jê, guhertina demografî ye (bi girtina derbasgehan li pêş vegera yên zorane hatine koçberkirin, bi taybetî ji herêmên penaberiyê (Heleb û Bakurê wê) û hundir Sûriyê, yên hejmara wan dora/200/hezar niştecî ne, ji bilî yên berê koçber bûne, û niştecîkirina dora /500/ hezar ji endamên malbatên çekdar ên milîseyan û Anîndeyên “Xota” û Gundewarên “Humis, Hema, Idlib û Heleb”) tê de, da ku niha rêjeya hebûna Kurdî ji %95 dakeve bin %20.
Di siya tevlihevî û serberdayetiya berdewam de, û ya ku virûvût û gotinên destlatên Turkiyê û dirbekciyên wê (yên dibêjin: Ku ewlehî û aramî li herêmên Suriyê yên ku dagîr kirine peyda dibin) diyar û tazî dike, ji bilî yên wendayî û revandî yên çarenûsa wan nediyar û girtiyên ku bi zorê hatine veşartin; /280/ qurbaniyên pakrewan û bêgunehên sivîl ji xelkê Herêma Efrînê, di siya dagîkirinê de (18 ê Avdara 2018an – 17 ê Avdara 2023an. Z), ji nav wan /61/ zarok û /46/ jin, û jê /18/di navboriya sala pêncan ji dagîrkirinê de, di mercên têvel de (di bin işkencê de yan bi qurşînên zindî û hemî rengên din ên kuştina mebestkirî, û hin bi teqînan û bombeyên zemînî, yan dema derbasbûna Turkiyê, yan jî bi topebarana herêmên penaberiyê yên koçberên Efrînê ” gund û bajarokên Şehba’i û Şêrewa – Bakurê Heleb” û teqîna bombeyên zemînî tê de) mirine yan hatine kuştin; Ji bilî yên di bin zext û fişarên jiyanî yên hişk ên ji ber dagîrkeriyê mirine, û herweha yên ku di encama erdheja /6/ê Reşmeha 2023an. Z de, bi sedema xemsariyê, derengiya piroseyên rizgarkirinê di siya kêmbûna kanînên Berevaniya Sivîl de û ranebûna Destlatên Dagîrkeriyê bi erk û stubariyên xwe canê xwe ji dest dane, û nemaze jî rola Turkiyê li bermberî xişimûbêtara erdhejê li Herêma Efrînê tunebû.
Ew cangorî ev in:
Moherem Xoce /34/sal, ji Gundê Çeqela – Navça Şiyê, li navîna Avdara 2018 an, piştî ku hêzên dagîrker derbas gund bûn, û ew revandin û işkence kirin.
Husên Ebid Elrehman Husên yê ciwan/24 /sal.
Welîd Soranî kurê Cemîl /18/ sal.
Û ew herdu ji xelkê Gundê “Çeqelê Cûmê” ne, û li kastîna dibistaneke bajarê Efrînê, li 18.3.2018an Z hatin qurşînkirin, û dema binaxkirinê di goristana gund de, gund dorpêç kirin û nehîştin xwedî termên wan bibînin.
Ebdo kurê Hemo Fûad Nasir/25/sal.
Fûad kurê Heso Ebdo Nasir/24/sal.
Û herdu ji Gundê Qîbarê ne – Efrín, li 24/3/2018 an Z, di encama teqîna bombeyeke zemînî di mala wan de, a li nêzîk gergeha”Maratê” – B.Efrînê.
Omer Memo Şemo /66/sal ji Gundê “Qîbarê” – B.Efrînê, li 10/5/2018an Z, û termê wî di malê de li Gund, bi qurşînekê di sîng de, bi destê milîsine çekdar kuştî hate dîtin.
Bîlal Mihemed Hemo /70/ sal, ji Gundê Xilalka – Navça Bilbilê, li navîna Avdara 2018an Z, bi destên Milîseyên “Firqit Elhemzat” bi kêrê hate şerjêkirin.
Henan Ne’isan, li 7/4/2018an Z, li Taxa Pêşesaziyê B. Efrînê termê wî -işkencekirin jî li ser hebû- hate dîtin, piştî çend rojan ji revandina wî ji aliyê milîseyine çekdar ve.
Ebdo Arif Ibrahîm /30/sal ji Gundê Kaxrê – Navça Şiyê , li navîna Avrêla 2018an Z , di bin işkencê de, li ser destê Milîseyên “Lîwa’i Elsultan Silêman Şah”.
Hunermendê gelêrî Qadir Mihemed Kilislî /60/sal.
Xalêd Kilislî kurê Qêdir /25/sal.
Herdu ji Bajaroka Celemê ne – N.Cindirêsê, li 29 /4/2018an Z li Gundê Beradê, bi destê milîseyine çekdar, bi işkencê.
Şiyar Henîf Heso /22/sal ji Gundê “Qestelê Xidriya” – N. Bilbilê, li 4/5/2018 an Z, bi teqîna bombeyeke zemînî di bin tirektora wî de, li dema ku wî zeviyeke zeytûna dajot.
Receb Şukrî Reşîd /40/sal ji Gundê Dêrwîş – N. Reco , li 14/5/2018an Z , li ser destê milîsên “Ehrar Elşerqiyê” bi qurşînê, li dema ku diçû navenda wan li Bajarê Reco da ku li çarenûsa kurê xwe yê revandî bipirse.
Mistefa Ebdo Şahîn /60/sal ji xelkê Gundê “Avrazê” – N. Mabeta bi qurşînê, li 22/5/2018an, li dema ku bi şev milîseyekî çekdar êriş mala wî ya li Taxa Mehmûdiyê – B. Efrînê kiriye.
Ehmed Şêxo kurê Mihemed /50/sal- Bajaroka Şiyê, li 11/6/2018 an, piştî ku bi hin din re li ser destê milîsên çekdar ên “Lîwa’i Elsultan Silêman Şah – Elemşat” rastî îşkenceyeke mekin hat. Ji bîr nebe, ku ew cîgirê serokê Encûmena xwecehî ya bajêr bû – yê ku li 29/4/2018 an Z, ji aliyê Hikometa demkî ya girêdayî Kiwalisyona Sûrî ya bi ser Turkiyê ve hatibû bicîkirin.
Rifet Hemîd Hemdoş /50/sal ji Gundê “Kefircenê”- N.Şera, li 12.6.2018an Z, piştî ku li dawiya Avdara 2018 an Z hate revandin, bêtirî du heyvan hate girtin, û tûşî işkencê û zextên curbecur bû, û bi ser de jî, ji bo serbestberdanê merivên wî vêrgiyeke diravî ye mezin dan.
Samî Elhewa (Elqoc) /60/sal ji pêkhateya Erebî li B. Efrînê, li berbanga Roja Carşemê 20/6/2018 an Z, milîsine çekdar êriş malê kirin û qurşîn avêtinê.
Kemal Mihemed Elî Arêf /17/sal, ji Gundê Xezîwê – N. Şêrewa, yê ku bi malbata xwe re li Gundê “Birc Ebdalo” ya jê ve nêzîk rûdinişt ji ber hebûna malmewlên wan li wir, li 26/6/2018an, bi lêdan û îşkencekirin û kuştina mebestkirî li ser destê çekdarine milîseyan.
Ehmed Îbrahîm kurê Mihemed /55/sal ji G. “Xelîlaka” – N. Bilbilê, li 27/6/2018an, bi teqînekê di orta B. Efrînê de.
Fatme Hemkî (hevjîna Henan Birîm) /66/ sal, di encama avêtina bombeyekê bi ser malê de, li gundê Qitmê, li şeva 27/6/2018an, ji aliyê milîseyine çekdar ve.
Arif Husên Cilo /62/sal ji G. “Qenterê” – N. Mabeta, li 29/6/2018 an Z, di encama teqîna bombeyeke zemînî de, li rex malê li gund.
Mihemed Îbiş Oso -tekanê dê û bavê- ji G.”Hechesna” – N. Cindirêsê, li 2/7/2018an Z, li ser destê milîsên”Lîwa’i Semerqend”.
Hemdî Ebdo /70/sal.
Sultanê Xelîl Nasiro /60/sal- hevjîna Hemdî.
Herdu ji G. Beradê – Şêrewa ne, li destpêka Tîrmehê 2018an Z, bi encama işkencê û gulekirinê, li ser destê milîsine çekdar – yên ku zêr û pere û çêl ji malê dizîne jî.
Jina ducanî Dilovan Esmet Şêxo /30/ ji G. “Cilbirê” – Robariya, bi qurşîna Artêşa Turkiyê li ser sînor, li 8.7.2018an Z, li dema ku li herêma Selqînê – Idlibê, hewil daye bi giropeke din re sînor derbas bike, da ku ji rewşa dujehî ya li Efrînê heye bireve.
Husên Şêxo yê bûdele /65/sal, ji G. “Mûskê” – N. Reco, li 12/7/2018an Z, di bin işkencê de – piştî çend rojan ji revandina wî, ji aliyê Milîseyên “Ehrar Elşerqiyê” ve.
Fehîme Kînan Sîdo /13/sal, ji G. “Xaziyana” – N. Mabeta, li 13/7/2018an Z, bi teqîna bombeyeke zemînî di nav zeviyeke zeytûna de.
Samî Hec Xelîl kurê Ebid Elrehman ji G. “Hechesna” – N. Cindirêsê, li 15/7/2018an, bi sedema işkencekirina ku giropeke çekdar bi wî û birayê wî re kiriye re.
Mihemed Elî Gulê Xêrî kurê Osmên /42/sal, ji G. “Bircheyderê” – Şêrewa, li 22/7/2018an Z, bi sedema teqîna bombeyeke zemînî bi makînakê de.
Se’îd Mihemed Teter /53/sal ji G. “Ereba” – N. Mabeta, li 25/8/2019an Z, li nexweşxaneyek Turkiyê, bi encama işkencekirina ku berê ji aliyê milîseyên “Mihemed Elfatih”ve di dermafê wî de hatibû kirin.
Esmet Hebeş Henan Dîko /46/sal ji G. “Qêsim” – N. Reco, li 15/9/2018 an Z, di nexweşxaneyeke Turkiyê de, ji ber birîna ku berê vê re çêbibû, di encama teqîna bombeyeke zemînî de.
Mihemed Bêro yê ciwan.
Û Tolîn Bêro – hevjîna Mihemed.
Û Zarokê wan, “Can Bêro”.
Hersê ji xelkê G. “Şêxorzê” ne – N.Bilbilê, li ser Riya Berad – Niblê, li 23/10/2018 an Z, di encama teqîna bombeyeke zemînî- piştî ku malbat neçar ma ku ji dojeha Efrînê birevin.
Ehmed Nasir kurê Mehmûd ê ciwan ji G.”Feqîra” – N. Cindirêsê, li 24/10/2018an Z, di encama teqîna bombeyeke zemînî.
Elî Beşîr Osman /40/ sal.
Û birayê Elî, Mihemed Beşîr Osman /38/sal.
Herdu ji G. “Goliya Jorin” in- N.Reco, li 29/10/2018 an Z, bi encama teqîna bombeyeke zemînî di bin tirektora wan de.
Îsma’îl Îbiş Îsma’îl /49/sal.
Hemze Îbiş Îsma’îl /45/sal.
Herdu ji Gundê “Su’iriya” ne- N. Mabeta, li 7/11/2018an Z, bi teqîna bombeyeke zemînî di bin tirektoreke çandinî de.
Ayşe Henan /80/sal, li Gundê “Bircebdalo” – Şêrewa, li şeva 8/11/2018an Z, bi destê milîsine çekdar, û zêr û mewalên hundir malê jî hatin dizîn.
Hesen Xilo /15/sal, ji G. “Bêxçe” – N. Bilbilê û bi xwediyan re li Taxa Zêdiyê – B. Efrînê rûdinişt, li 22/11/2018an Z, bi qurşînê ji aliyê çekdarekî ve , li dema seredena vêguneh jê re di malê de.
Mihemed Henîf Reşîd Ehmed (Malbata Zengel) – /54/sal ji G. “Qurnê” – N.Bilbilê û xwediyê guvêşgeheke zeytûnan li gundê Qestelê Miqdêd – N. Bilbilê, li 8/12/2018an Z bi nîvro, li meydana guvêşgehê, li ser destê çekdarekî bi qurşînê.
Zekî Dalî/38/sal, di bûyereke teqînî de, li orta Efrînê – kolana Reco, li Êvara Pêncşemê 13/12/2018an Z, digel çar kesan ji yên ku hatine niştecîkirin û me nikanî bû navên wan nasbikirana.
Temenmezin Mihemed Hec Elî – G. “Coqê”.
Şiyar Şukrî Hisên ê Ciwan – Bajaroka Reco.
Berxwedan Ebid Elfetah Sîdo yê ciwan – G. “Kurzêlê”.
Nezmî Şukrî Mewlod ê ciwan – G. “Qude” – N.Reco.
Mihemed Osman Ne’iso /40/sal- G. Hisê/Mîrka – N.Mabeta.
Kamîran Menan Elî kurê Nebî /45/sal ji G. Avrazê – N.Mabeta.
Her şeş pakrewanên li 16/12/2018an Z, di teqîna makînak Van e bombekirî de, li Bazara Keskahiyê, şehîd ketin.
Ciwanê hişnelicî Neşet Silêman Dawod ji G. Hisê/Mîrka – N. Mabeta, li 31.12.2018an Z, piştî ku li 8/4/2018an Z, ji aliyê milîseyên “Elcebhe Elşamiyê” ve hate gulekirin.
Mihemed Emîn Hesen (Birîm-25 sal), ji Bajaroka Kefirsefrê – N.Cindirêsê, li destpêka Rêbendana 2019 an Z, di bin îşkencekirinê û mercin ne xuyakirî de, di hepsên milîseyine çekdar de, piştî revandina wî ji Tîrmeha 2018an ve.
Ebid Elrehman Ebdo kurê Osmên yê zarok, piştî ku di encama teqîna bombeyekê de li Bajaroka Kefirsefrê – N Cindirêsê, li destpêka heyva Rêbendana 2019 an Z bi kûranî birîndar bû.
Cemîl Ehmed Bekir /35/sal ji G. “Xelîlaka” – N. Bilbilê, bi teqîna otombîleke veguhestina sivîlan li orta B. Efrînê, li 20/1/2019 an Z, digel sê kesên din jî ji yên ku li herêmê hatine niştecîkirin û me nikanî navên wan nasbikirana.
Egîd Mihemed Şêx Hesen -ê di salên xwe yên siyî de- di mercên bi gûman de, li navîna heyva Rêbendana 2019an Z, li nêzîkî gundê wî “Avrazê” – N. Mabeta, termê wî hate dîtin.
Xoşnav Fayêq Henan -ê di dehasaliya xwe ya sisiyê de – ji G. “Berbenê” – N.Reco, li 7/2/2019an Z, bi darvekirinê li hundir malê li Bajarê Efrînê, piştî ku du rojan ji dîkana xwe ya porqusandinê wenda bû.
Elî Qelender /85/sal – Bajaroka Mabeta, li 10/2/2019an Z, dema ku li Rojavayê bajarokê pezê xwe diçêranad, bi qurşîneke jîndar e ku xortekî ji koçberên “Xotayê” avêtiyê.
Cîhad Osman Dawod /40/sal ji Bajaroka “Şiyê”, li pêncşemê ser nîvro 21/2/2019an Z, li kolana vêlat li rex Nexweşxana Dêrsim, di teqîna otombîleke bombekirî de.
Keçik Lovîn Xelîl Nûrî /18/sal ji G. “Keferomê” – N.Şera, li 9/2/2019an Z, di karnava ku bi hin din re li aliyê Gundewarê Idlibê sînorê Turkiyê derbas dikirin, û piştî ku di heyameke zor sar de rê wenda kirin.
Dermansazê ciwan Mihemed Hemo Xelîl Eyşê ji G. “Birîmce” – N.Mabeta, li taxa Eşrefiyê li Efrînê, li 12/3/2019an Z, di mercine bi gûman de.
Hûde Ehmed Mûse /45/ sal ji G. “Cilbirê” – Robariya, li navîna Avdara 2019 an Z, li dema ku bi hin din re, li aliyê Idlibê, sînor derbas dikirin.
Mihemed Ebdo kurê Ebdo Xelîl /60/ sal ji G. “Kibêşînê” – Şêrewa, li 1/5/2019an Z, bi teqîna bombeyeke zemînî, dema diçû “Gundê Mezin” – Şêrewa.
Mihemed Îbrahîm kurê Îbrahîm/50/sal ji G.”Xelîlaka” – N. Bilbilê, li 19/5/2019an Z, ji ber gelek nexweşiyên ku ji ber işkencekirineke pir zor pêre çêbûne; Ew îşkence jî li 14/6/2018an Z- di dema ku çekdar hatine pêşiyê, û makîna wî tevlî barê çiloyê reza û peran jê birine – vêre hatibûn kirin.
Reşîd Hemîd Xelîl /41/sal ji G. “Bêlê” – N.Bilbilê û nişteciyên Cindirêsê ye, di bin işkencê de, û li Roja Pêncşemê 22/5/2019an Z, li kêlek G. “Qestelê Cindo” – Efrîn yê nêzîk Bajarê Ezazê, termê wî hate dîndin; Û hêjaye were bîranîn ku ew li 12/5/2019an Z, tev lawê wî Mihemed û hemwelatiyekî din bi navê “Şeref Eldîn Sîdo”, ji aliyê milîsên çekdar ve hatibû revanadin.
Eslan Bêrem Sîno (Eso/45/sal) ji Bajaroka Be’idîna, Piştî ku li 25/10/2018 an Z hate revandin, li navîna Gulana 2019 an Z, çekdarên ku Bajaroka Be’idîna û G. “Qopê” – N.Reco desteser dikin merivên wî bi mirina wî agahdar kirin, bêyî ku termê wî radestî wan bikin.
Silêman Tobal kurê Silo /35/sal ji B.Cindirêsê, li 28/5/2019an Roja Sêşemê, ji ber şerekî navxweyî di navêna milîsên “Ehrar Elşerqiyê” û “Ehrar Elşam” de li orta Cindirêsê, bi qurşîneke tewşankî.
Ebid Elrehman Şêx Ehmed kurê Bîlal /36/sal.
Henan Henan kurê Husên /34/sal.
Herdu ji gundê “Şêx” – N. Reco ne, li 8/6/2019 an Z, li nêzîk çateriya Bajaroka Mabeta, li ser destê milîsên çekdar, bi qurşînên zindî.
Şeref Eldîn Sîdo ji B.Cindirêsê, di bin îşkencekirinê de, û li 22.6.2019an Z, termê wî li nêzík G.”Qestelê Cindo” hate dîtin; Yê ku tevlî hin din li 12/5/2019an Z hatibû revandin û xwediyên wî nikanîn berdêla ku dihate xwestin bidana.
Temenmezin “Silo Tobal” li 29/6/2019 an Z bi qehrê, piştî heyvekê ji kuştina ku kurê wî “Silêman” li 28/5/2019 an Z, di şerekî navxweyî di nav nandozan de.
Temenmezin Elî Ebdo (malbata Zembo ji êla Umêrat a Erebî), li Şeva Pêncşemê/Înê 19/7/2019an Z, milîseke çekdar avête ser malê a nêzîk guvêşgeha Fû’ad Nasir a li ser Riya Cindirêsê – B. Efrînê, ew fetisandin, jina wî girêdan û lêxistin û malmewalê wî jî dizîn.
Mihyedîn Oso /77/sal ji Gundê Qitmê – navça Şera, li Şeva Şemiyê/Yekşemê 25/8/2019an Z, giropeke çeteyeyên çekdar xwe avête ser malê ya nêzîk Sûtemengeha Eyşê ya li Taxa Eşrefiyê – B.Efrînê, ew û hevjîna wî /74/sal girêdan û pir lêxistin. Bi wê işkencekirinê, ew şehîd ket û jin jî derizî û birîn bû û tirsê pêgirt. Bi ser wê de jî, wê sed hezar lîreyên sûrî, amûrek xilyewî û rawtirek ji malê dizîn.
Temenmezin, Horiyê Mihemed Bekir /74/sal (hevjîna Mihyedîn Oso) li 6/9/2019 an Z, piştî ku rojekê di nexweşxaneyeke Efrînê de ma, ji ber lêdan û birînên ku çekdaran, di malê de, li Şeva Şemî/ Yekşemê li 25.8.2019an Z, di govdeya wê de çêkirine.
Mihemed Hesen Weqas /61/sal ji Bajarê Ezazê (pêkhateya Ereb) û nişteciyên Gundê Tilifê – B.Efrînê, li 10.9.2019an Z, di encama sekna mejî de -gûman heye ku hatibe îşkencekirin- piştî du heftan ji serbestberdana wî û hevjîna wî di gel herdu zaroyên wan “Ezedîn û Ehmed” ji girtinê, li navîna Tebaxa 2019an Z, û dizîna makîna wî jî.
Mihemed Henîf Hisên /30/ sal ê ku bi (Hemadê) dihate navdan û ji G. “Bilêlko” – N. Reco, li 30/8/2019 an Z hate girtin, di navenda Asayêşa Reco de hate işkencekirin, û li 9/9/2019an Z piştî nîvro, merivên wî bi mirina wî di nexweşxaneya Efrînê de hatin agahdarkirin.
Amêr Silêman Omer /37/sal.
Idrîs Silêman Omer /34/sal – birayê Amêr.
Herdu bira ji G. Bafilorê – N.Cindirês ne, li Roja Sêşemê li ser Nîvro 24/9/2019an Z, li B. Cindirêsê, li kolaneke şaxeyî ye li ser Kolana Yalanqozê, di encama teqandina makînak bombekirî de.
Zeyneb Mistefa Mûse /70/sal ji B.Cindirêsê, li 1.10.2019an Z, di nexweşxaneyek Bajarê Rihaniyê de, ji ber birîna ku di serî de çêbûye, di encama teqîna terorî de ya ku li Cindirêsê , li 24.11.2019 an Z bûyer daye.
Ednan Reşîd Emîr /59/sal ji Bajaroka Meydankê – N. Şera, li berbanga 4.10.2019an Z , li pêş malê, bi awakî yekser bi gulekirinê di serî de.
Silêman Hemko (Silêman Ebdo Çeqelî /79/ sal) ji G. Ke’inî Gewrikê – N. Cindirêsê, li 5.10. 2019an Z, di nexweşxanak Turkiyê de, ji ber birînên ku lê çê bûne; Ji ber ku li dudiyê heman heyvê 2019an Z, milîseke çekdar ji bo dizînê êriş ser mala wî ya gund kir, û li wî da û işkence kir.
Keça mêrnekirî, Nêrgiz Mêrza Dawod /23/ sal ji G.”Kîmarê” – Şêrewa, li 17.11.2019 an Z, li nêzîk Gundê Gemrûkê û di mercên ne bêlikirî de, termê wê li rex termê hevalê wê “Elî Elşaxorî”- ji xelkê Şamê – hate dîtin; Ji bo agahdariyê keçik bi malbata xwe re, li B. Efrînê dijiya.
Şewket Hesen yê temenmezin ji gundê “Bîbeka – Bîbaka” – N. Bilbilê, li 22.11.2019an Z, li nêzîk Çiyayê “Qota”, di navêna gundên “Şerqiya û Bîbeka” de – piştî şeş rojan ji wendabûnê ji malê – termê wî hate dîndin, bêyî ku sedema mirinê were zanîn. Tiştê xuya ew e ku herdu gund di bin serdestiya milîsên “Sultan Mûrad” de ne, û ciyê ku lê term dîtine jî nêzîk rêbendeke çekdar e.
Hisên Ebdelah Gul Dehdo yê temenmezin /74/ sal.
Elî Mehmûd Osman /54/sal.
Mihemed Mihemed Elî yê zarok /11/sal.
Mistefa Mihemed Mecîd ê zarok /10/ sal.
Zarokê /7/ salî Mihemed Mihemed Omer.
Zarokê /6/ salî, Arêf Ce’ifer Mihemed.
Zarokê /9/ salî Îmad Ehmed Kêfo.
Zarokê /3/ salî Ebdo Ebid Elfetah Elîko.
Zarokê /12/salî Semîr Ebid Elrehman Heso.
Zarokê /15/salî Mihemed Ebid Elrehman Heso.
Ew her deh ji xelkê Efrînê ne, li 2.12.2019an Z, di komkujiyeke Artêşa Turkiyê û nandozên wê de, li B.Tilrifetê – nêzîk Goristana Garacê (ya ku li Rojhilatê riya tirênê dikeve) û tijî koçberên Efrînê.
Bêrem Mihemed Bîlal ji xelkê G. “Penêreka” – N.Reco, li 10.12.2019an Z, li Bajarê Qirixanê – Turkiyê, di malekê de – piştî sê rojan ji mirina wî – termê wî dîtin; Hêja were zanîn jî ku wî ceza xwe ya mayî di hepsa malî de diqedand.
Ciwanê /21/ salî Mihemed Bekir Mihemed (bapîrê wî Hisên Bekir e) ji G.”Dumiliya” – N.Reco, li 12.12.2019an Z, bi qurşînê di serî de, ji aliyê “Hey’it Tehrîr Elşam” ve (Nesra berê), li Idlibê hate kuştin (îdamkirin).
Mehmûd Sîdo kurê Mihemed (Mehmûd Xoce) /70/sal ji G. “Goliyê Jêrin” – N.Reco, li 23.11.2019an Z – piştî serbestberdana wî bi du rojan – , bi sedema işkenckirin û qehra ku li ser destê milîseyên “Firqit Elhemze”, bi seknexwînê mir.
Mihemed Se’îd Reşîd kurê Ebid Elmecîd/58/sal ji G. “Etmana” – N.Reco, li 4.11.2019an Z, dema ku ji navenda Turkî ya kirîna zeytê ya guvêşgeha “Rifetiyê” – B. Cindirêsê vedigeriya mal, li Geliyê “Tîra”, li nêzîk “Berbenê” – N.Reco (ya ku ,di bin destê Milîsên “Ehrar Elşerqiyê ” û “Firqit Elhemzat ” de ye), hate revandin. Û li 1.2.2020an Z, xwediyên wî ji aliyê milîsan ve hatin agahdarkirin ku termê wî li nêzîk G. Hisê/ Mîrka hatiye dîtin.
Elî Şeban Minle /63/ sal ji G. “Aqûbê” – Şêrewa ya ku di bin destê Artêşa Sûriyê de, li berbanga 3.2.2020an Z, bi topebarana Artêşa Turkiyê û nandozên wê ya bi ser gund de, ya ku ziyanin şênberî jî gihîhandibûn malina.
Henan Ebdo /53/ sal.
Kurê Henên yê yekane “Ebid Elrehman Henan Ebdo” /13/ sal.
Cangîn Mihemed Ebdo /32/ sal.
Ew hersê ji G. Hisê/Mîrka ne – N. Mabeta, ew li 10.2.2020an, li navenda B. Efrînê – Kolana Reco, li pêş Firoşxana “Fetayêr Mîlano”, di encama teqîna sîtêra mazotê de, şehîd ketin, û li rex wan jî qurbaniyên kuştî û birîndar ji sivîlên ku bi anindindane jî hebûn.
Emone Mensor Umer ya /40/ salî ji G. “Kalûtê” – Şêrewa ya ku di bin serdestiya artêşa Sûriyê de ye, li şeva 24.2.2020an Z, di encama bombebarana Artêşa Turkiyê û nandozên wê de.
Hesen Hac Ezet Mihemed /55/ sal, ji Gundê “Birîmce” – N. Mabeta.
Û Hevjîna Hesen, Fatîme Ehmed Elî /46/ sal ji Bajaroka “Be’idîna” N. Reco.
Û zaroka wan “Sirûşt Hesen Mihemed” /12/ sal.
Hersê li G. Aqûbê – Şêrewa (ya ku di bin serdestiya Artêşa Sûrî de), li şeva Sêşemê 25.2.2020 an Z, di encama bombebarana Artêşa Turkiyê û nandozên wê de.
Fatîme Kinê /80/sal jinebiya dilovanber “Sebrî Tanê” ji G. Hêkiçê – N. Şiyê, li Şemiyê piştî Nîvro 18.4.2020an Z, li mala lawê wê yê mezin “Mihemed” a li gund, di dema çûna merivan bo çandiniya daran, bi darekê ve bidarvekirî hate dîtin, û hate tekezkirin ku zêr û pereyên wê jî hatine dizîn.
Elî Mihemed Ehmed ê bi Elîkê tê nasîn /74/sal ji Bajaroka Meydankê – N.Şera, li Roja Çarşemê piştî Nîvro 22.4.2020an Z, bi sedema lêdaneke mekin ji aliyê “Fehid Elmer’î” ji Êla “Benî Xalêd” ê ji Gundewarê Humsê ve, ji ber ku dilovanberê bêguneh tenê nehîşt ew pezê xwe di nav zeviyeke zeytûna de ye li kêlek malê biçêrîne.
Fewaz Xelîl Umer /55/sal ji G. “Qere Tepe” – N.Şera.
Hisên Mehmûd Ebdo /60/sal ji G.”Kurzêlê” – B.Efrînê.
Ehmed Şêx Dehdo kurê Cemêl /35/sal ji G. “Maratê” – B.Efrînê.
Rêzan Cemîl Ce’ifer /35/sal ji G. “Dargirê” – N.Mabeta.
Remzî Xelîl Mamo /44/sal ji G. “Soxanekê” – Şêrewa.
Şiblî Umer Me’imo /50/sal ji G. “Kurzêlê” – N.Bilbilê.
Mistefa Hemûd Ce’ifo /51/sal ji G. “Kurzêlê” – B.Efrînê.
Mihemed Henîf Mislim /33/sal ji G.”Avrazê” – N. Mabeta.
Her heyşt li Sêşemê piştî Nîvro 28.4.2020an Z, li pêş Bazara Gelêrî li Kolana Reco, di encama teqîneke mezin de şehîd ketin.
Betal Hesen Hesen /24/sal ji G. “Me’imila” – N.Reco, li Roja Çarşemê 29.4.2020an Z, merivên wî hatin agahdarkirin ku ew berî deh rojan ji aliyê Heyit Tehrîr Elşam (Nesra berê) ve, li Idlibê hatiye îdamkirin.
Mislim Ehmed Umik /87/sal ji G. “Kora” – N.Cindirês ( yê ku li Taxa Eşrefiyê – Efrîn ji dehsalan ve rûniştiye), li 14.5.2021an Z, termê wî li rex Çemê Efrînê – Cîgeha “Kersanê” ya nêzîk bajêr hate dîtin, û mercên mirinê ne xuya bûn.
Nezmî Reşîd Ukaş /65/sal ji G. “Maseka” – N.Reco, li Duşemê piştî Nîvro 25.5.2021an Z, û ji ber nerazîbûna wî li ser çêrandina pezê yekî ji anîndeyan di nav enkûra wî de û devavêtina ku bi deh kesên ku hatine pişta xwediyê pêz girtine re, dil sekinî û ji qehra re di cî de mir.
Mistefa Mihemed Şewax kurê Hec Ebid ji pêkhateya Ereb û ji G. “Yalanqozê” – N.Cindirês, li 5.6.2020an Z, piştî çû li mala xwe ya Cindirêsê pirsî (ya ku milîseyên “Ehrar Elşerqiyê” dest danîne ser û razî nabin radestê bikin) nesax ket, ji ber wê jî ew rakirin nexweşxaneyeke Ezazê û di mercine ne zelal de mir, û termê wî bo xwediyan nehate radestkirin ta piştî çar rojan li 9.6.2020an Z.
Arêf Ebdo Xelîl /80/ sal, li Siba 9.6.2021an Z ji mala lawê xwe (keyayê G. “Qizilbaşa” – N. Bilbilê) derket da ku here mala lawê xwe yê din di heman gundî de, hinda bû û venegerî, ta ku bi şev -li ber mirinê yan jî mirî bû- gihîşte nexweşxaneyeke Efrînê (me nikanî rewş tewaw zanîba), yanê em kanin bibêjin ku di mercên ne xuya de mir.
Negîhayî Îse Hisên /17/sal ji G. “Maratê” – B.Efrînê.
Û Mihemed Ehmed Tahêr Hemalîko /33/sal ji G. Hisê/Mîrka – N. Mabeta.
Herdu li 24.6.2020an Z, di encama teqîna bombeyeke teqîner di bermîleke gemarê de li Taxa Mahmûdiyê – B. Efrîn şehîd ketin.
Mihemed Mistefa Menan Yûsêf /18/sal ji G. “Hec Qasma” – N.Mabeta (yê ku li Gundê Hisê/Mîrka – N. Mabeta rûdiniştî), li 1.7.2020an Z, li kêlek mal bi dareke gûzê ve, darvekirî hate dîtin. Hêjaye were zanîn ku berê çekdaran ew ji mala wan a li G. “Hecqasma” qewitandibûn.
Ebid Elrehman Îbiş Beko /38/sal ji G. “Kurzêlê” – N. Şêrewa, piştî ku li ser destê Milîseyên “Firqit Elhemzat” pir caran hate girtin û işkencekirin, pir nexweşî vê re çêbûn, û ji ber wê li 7.7.2020an Z mir.
Isma’îl Elo Isma’îl “Ebû Enter” ê temenmezin ji G. “Xaziyana Jêrin” – N. Mabeta, li 20.7.2020an Z, ji ber encama devavêtina ku di navbera wî û çend anîndeyên ku “simaqa” wî didizîn de çêbûye û ji nav zeviyê wî hatiye qewitandin, piştî ku vegerî mala xwe ya li B. Cindirêsê, ji qehra re bihecî.
Sebîhe Sadêq Sîdo ya temenmezin ji G. “Dargirê” – N. Mabet û li Taxa Mehmûdiyê li Bajarê Efrînê rûdinişt, li 22.7.2020an Z, di encama pevçûninan di navbera Milîseyên “Ehrar Elşerqiyê”de.
Negîhayî Xelîl Nîhad Şêxo /16/sal ji G. “Vîrganê”- N. Şera, li 3.8.2020an Z, li nêzîk sînorê Sûriyê bi Turkiyê re, Cendirmên Turkiyê gule kirin û kuştin û bo nexweşxaneyeke Turkiyê hate şandin. Û dema ku termê wî radestî xwediyan kirine, hate xuyan ku endamên wî yên hundirîn hatine dizîn.
Nûrî Cimo Omer Şeref /63/sal ji G. “Şadêrê” – Şêrewa, li 13.8.2020an Z piştî ku bişev giropeke çekdar avête ser malê û wî li ber xwe da, ew di mercên ne zelal de hate kuştin.
Ehmed Xelîl Îsma’îl /27/sal ji G. “Hebo” – N.Mabeta.
Negîhayî Mistefa Mihemed Îdawî /14/sal -ji pêkhateya Ereb- ji G. “Tiltewîlê – B.Efrînê.
Herdu li 14.9.2020an Z, di encama teqîna makînak bombekirî de, li orta Bajarê Efrînê û li nêzîkî gergeha “Kawayê Hesinkar”, şehîd ketin.
Yûsêf Îbrahîm Osman /3/sal, ji Gundê “Kurzêlê” – Şêrewa, li 19.9.2020an Z, li Kolana Vêlat li Efrînê, bi qurşîneke tewşankî -ya ku ji çekdarekî ve hatiye avêtin- hate kuştin.
Emîne Hisên Me’imo/60/sal ji G. “Qêsim” – N.Reco, li 30.9.2020an Z, di nexweşxaneke Turkiyê de, ji ber teqîna bombeyeke zemînî li 26.9.2020an Z, li nav zeviyeke çandiniyê -ye nêzîkî goristana gund- di bin tirektora hevjînê wê de.
Hesen Cum’e Elhemed ê negîhayî – ji pêkhateya Ereb- ji N. Cindirêsê, li 13.10.2020an Z, li dema ku bi giropeke sivîlan re xwest ku sînor derbas bike, cendirmên Turkiyê qurşîn avêtinê û kuştin.
Luqman Yûsêf Mistefa /35/sal ji G.”Tirmûşa” – N. Şiyê û li Bajarê Cindirêsê rûniştî (yê ku li 9.9.2020an hatibû girtin), di bin îşkencê de, li Hepsa Maratê hate kuştin, û li berbanga 10.11.2020an, termê wî bo xwediyan hate radestkirin.
Hemo Cengîz Necar /14/sal.
Ebid Elrehman Hisên Hemo /75/sal.
Herdu ji Gundê “Kîmarê” ne – Şêrewa, li Siba 27.11.2020an, di encama gulebarana Milîseyên “Firqit Elhemzat” bi ser wan de, li Cîgeha “Geliyê Simaqokê” yê di navêna gundên “Kîmar û Kurzêlê” de – Rohilatê Havîngeha Çiyayê Elehlam (biryargeha wan milîseyan), şehîd ketin.
Mihemed Osman Mistefa /58/sal ji G.”Qîbarê” – B.Efrînê, li 24.11.2020an Z, di encama teqîna makînak bombekirî de, li pêş “Nanpêjgeha Cûdî”, li Herêma Pêşesaziyê li B.Efrînê, şehîd ket.
Adêl Henan Necar -ê ku di dehsaliya xwe ya sisiyan de û ji kok ve ji G. “Qîbarê” – Efrîn-, li Siba 11.12.2020an Z, di derbasgeha mala wî ya li Taxa Eşrefiyê – Efrîn de, bi kebleke elektirîkê darvekirî hate dîtin.
Nadre Dirmiş – a ku di dehsaliya xwe ya sisiyan de û ji pêkhateya Ereb û B. Efrînê – li navîna Berfenbara 2020an Z, termê wê di mala wê de (ya nêzîk Dibîstana “Elrîfiyê”, li taxa kevin, li Bajarê Efrînê) hate dîtin. Hêjaye were zanîn ku ew li destpêka wê heyvê jî hatibû revandin.
Nazlî Mihemed Mistefa /55/sal – hevjîna Edhem Mihemed – ji G. “Sêmalka” – N. Mabeta, li 23.1.2021an Z, di encama bombebarana tangên Artêşa Turkiyê û nandozên wê ji Bajarê Tilrif’etê û derdorê re – Bakurê Heleb.
Mihemed Ezedîn Hisên /14/sal ji Gundê Basilê – Şêrewa, li 27.1.2021an Z, bi encama teqîna bombeyeke zemînî li Cîgeha “Eltamûra” – Bakurê Heleb li dema ku pez diçêrand birîndar bû, û di nexweşxanê de mir.
Ebid Elrehman Hemdan kurê Elî /40/sal.
Û kurê wî Elî /12/sal.
Herdu ji pêkhateya Ereb – Êla Umêrat a Efrînê ne, li 30.1.2021an Z, di encama teqîna makînak rahiştokî de, li Herêma Pêşesaziyê ya bajêr şehîd ketin.
Temenmezin “Ezet Xelîl Osman” ji G. “Çeqelê Ortê” û li Cindirêsê rûdine, li 15.2.2021an Z, ji ber birîna ku di teqîna derbasgeha Taxa Rif’etiyê ya B. Cindirêsê de vê re çêbûye, mir.
Keçik Hêva Şerîf Qasêm /21/sal.
Newzet Ekrem Tobal /45/sal.
Herdu li Siba 23.2.2021an Z, ji ber teqandina ku di mala bavê keçikê dilovanber “Şerîf Qasêm” de, li Gundê Basûtê hatiye çêkirin, şehîd ketin.
Şêxmûs Qasêm kurê Mistefê /73/sal ji G. “Kosa” – N.Reco (yê ku bi tenê li Bajaroka “Meydanekbezê” ya hevcîwar rûdinişt -malbata wî jî li Helebê koçber – û yê ku li 3.3.2021an Z hatiye girtin û bo hepsa Asayişa Leşkerî ya li navenda Navça Reco hatiye şandin), li 6.3.2021an Z, di bin işkencê de jiyana xwe wenda kir.
Nîzar Mihemed Yûsêf /39/sal ji G. “Qenterê” – N.Mabeta, li 20.3.2018an Z, di encama teqîna bombeyeke zemînî di maleke gund de.
Ehmed Mihemed Şêxo /36/sal ji G. “Qêsim” – N. Reco, li 27.3.2018an Z, di encama teqîna bombeyeke zemînî de.
Mihemed Yûsêf Yûsêf /69/sal ji G. “Qenterê” – N.Mabeta, li 2.4.2018an Z, li ser riya gund, di encama teqîna bombeyeke zemînî de.
Xêriyê Mihemed Henan Cimkî /65/sal ji G. “Ereba” – N.Mabeta, li 2.4.2018an Z, di encama teqîna bombeyeke zemînî di mala keça wê ya di gund de.
Şêx Ebdî kurê Mihdîn Şêx Ebdî yê negîhayî.
Şêrvan kurê Fethî Zilfî Şêx Mihemed ê negîhayî.
Herdu ji G. “Şêx” – N. Reco ne, li 7.4.2018an Z, bi teqîna bombeyeke zemînî di maleke gund de.
Mes’ûd Menan Umer /35/sal ji G. “Qenterê” – N.Mabeta, li 9.4.2018an Z, di encama teqîna bombeyeke zemînî li pêş mala cîranê wî li gund.
Osman Hec Xelîl /47/sal.
Silêman Nebî Hec Xelîl /37/sal.
Herdu ji G. “Axcelê” – Cindirésê ne, li 19.4.2018an Z, di encama bombeyeke zemînî li ser riyeke gund.
Rêvan Xandovan Hemdoş /4/sal ji G. Kefircenê – N. Şera, li 27.4.2018an Z, bi qurşînekê di pevçûnên di navêna çekdarin gund de.
Siyamend Şêx Ne’isan kurê Ehmed /8/sal.
Hesen Şêx Ne’isan kurê Ehmed /11/sal.
Herdu bira û ji G. “Qenterê” – N.Mabeta ne, li 28.4.2018an Z, di encama teqîna bombeyeke zemînî de, li hewşa maleke gund koçberbûyî de.
Mihemed Osman Xilo- ê di salên xwe yên çêlî de – ji Bajaroka Kefirsefrê – N.Cindirêsê, li 1.5.2019an Z, di encama teqîna bombeyeke zemînî di bin tirektora wî de, li dema ku cot li nêzîk Çiyayê “Qaziqlî” dajot.
Ezet Ednan Hemûş /16/sal ji G. “Şêxkêlê” – N.Mabeta, piştî derbasbûna heft rojan di ser wendabûn wî re, li Cîgeha “Zirafkê” li nêzîkî pira tirênê û li rex çemê, termê wî hate dîtin.
Cemal Şêxo kurê Hemîd /58/sal ji G. Qêsim – N.Reco, li 18.5.2018an Z, di encama teqîna bombeyeke zemînî de, li ser riya gund.
Mihemed Mistefa Xelîl /16/sal ji G. “Sêmalka” – N. Mabeta, li 26.5.2018an Z, di encama lêdana çend kêran ji aliyê milîseyên nandoz ve, li B. Efrînê.
Û ev jî hin kesên ku di navêna (18 ê Avdara 2018an, û 17 ê Avdara 2022an Z) de mirinê û me berê di tu lîstan de belav nekirine ne:
Mihemed Golîn Mihemed /55/sal ji G.”Heyatê” – N. Mabeta, li navîna Avdara 2018an Z, di encama teqîna bombeyeke zemînî de, li gund.
Heyder Mihemed Henan /41/sal.
Şiyar Tahêr Henan /26/sal.
Herdu ji G.”Erendê” ne – N.Şiyê, li 18.3.2018an Z, di encama teqîna bombeyeke zemînî de li Efrînê.
Menan Mihemed Hemdoş /76/sal ji G. “Gemrûkê” – N.Mabeta.
Elî Wehîd Xilo /40/sal ji G.”Xelîl” – N.Şiyê.
Semîre Wehîd Xilo /50/sal ji G. “Xelîl” – N.Şiyê.
Hersê li 18.3.2018an Z, li G.”Gemrûkê”, bi sedema teqîna bombeyeke zemînî di bin tirektora ku diguhestin de.
Zêneb Îsma’îl Mihemed /40/ sal ji G. “Qerqîna” – N. Şera, li 24.3.2018an Z, di encama teqîna bombeyeke zemînî di mala xwîşka wê de, li dema ku vegeriyê.
Ehemed Xelîl Hesen /52/sal.
Sultanê Hebeş /44/sal (hevjîna Ehmed Xelîl).
Rojîn Ehmed Hesen /14/sal.
Zehîde Ehmed Hesen /16/sal.
Mihemed Ehmed Hesen /18/sal.
Herpênc ji malbetekê û ji G. Şeytana “Rehmaniyê” ne – B.Efrînê, li 26.3.2018an Z, di encama teqîna bombeyeke zemînî di dîkeneke di bin mala wan de, li Taxa Eşerefiyê li Efrînê.
Mihemed Reşo Reşo /41/sal.
Û hevjîna wî Semîhe Hemîd Bekir /40/sal.
Zaroyê wan Mihemed Reşîd Reşo /17/sal.
Eliye Sibhî Seydo /34/sal.
Û zaroyê wê yê negîhayî Henan Nîdal Reşo /15/sal.
Û keça wê ya negíhayî Silava Nîdal Reşo /14/sal.
Û zaroka wê Romaf Nîdal Reşo /8/sal.
Û zarokê wê Sibhî Nîdal Reşo /1/ sal.
Herheyşt ji koçberên G.”Uga” – N.Bilbilê ne, li 27.3.2018an Z, li nêzîk Bajaroka “Fafînê”, li dema ku bi dizî ji herdu bajarê “Niblê û Zehra’ê” dihatin B.Helebê, di encama teqîna bombeyeke zemînî bi makîna ku diguhestin de.
Xelîl Hesen Hisên /62/sal ji G. “Kêlîbo” – N.Mabeta, li 1.4.2018 Z, di encama teqîna bombeyeke zemînî de, li maleke G. “Heyatê” yê hevcîwar.
Zekiye Mihemed Bekir /56/sal ji G. “Hesendêra” – N. Bilbilê.
Nîroz Menan Mihemed /52/sal ji G. “Qerebaba” – N. Reco.
Û zarokê wê Welat Mihemed Bekir /6/sal ji G. “Qerebaba” – N.Reco.
Û zaroka wê Nûjîn Mihemed Bekir /4/sal ji G.”Qerebaba” – N.Reco.
Hesen Seydo Ebdo /56/sal ji G. “Qestelê Cindo” – N. Şera.
Û hevjîna wî “Qedriye Mûse Silêman” /70/sal.
Û kurê wî Yasêr Hesen Ebdo /28/sal.
Û Hemîde Xelîl Heso /28/sal – hevjîna “Yasêr”.
Û zaroya wan Rohîn Yasêr Ebdo /6/sal.
Fîdan Xelîl Reşîd /62/sal ji G. “Qestelê Cindo” – N.Şera.
Û keça wê Şîrîn Hemdî Sîmo /30/sal.
Herdeh û yek pakrewan ji koçberên zoranê yên Efrînê ne, li 12.4.2018an Z, li ser riya xwevedizînê di navêna bajarokên “Niblê û Zehra’ê” û B.Helebê de şehîd ketin -bê ku were zanîn ka bi bombeyeke zemînî bû yan hatin kuştin-, û çi pere, zêr û amûrên xilyewî yên vê re hebûn, hatin dizîn.
Remzî Golîn Mihemed /48/sal ji G. “Heyatê” – N.Mabeta, li 27.4.2018an Z, di encama teqîna bombeyeke zemînî de, di maleke gund de.
Mistefa Xelîl Reşo /48/sal ji koçberên Bajaroka Şiyê, li 2.5.2018an Z, di encama bombeyeke zemînî de, li nêzîk G. “Elehdas” – Bakurê Heleb, li dema penaberiya wî û malbatê bi riyên vedizînê.
Mihemed Ehmed Koçer /62/sal ji G. “Remedana” – N.Cindirêsê, li navîna Gulana 2018an Z, di encama teqîna bombeyeke zemînî di mala cîranê wî de li gund.
Zarok Ednan Ferîd Xelîl Mistefa /13/sal ji G. “Tirmûşa” – N. Şiyê, li navîna Gulana 2018an Z, di encama teqîna bombeyeke zemînî bi maleke gund de.
Zarok Mihemed Idrîs Zekî Hemo Qere Heso /11/sal.
Zarok Heyder Cemîl Heyder /10/sal ji G. “Tirmûşa” – N. Şiyê, li 20.5.2018an Z, di encama teqîna bombeyeke zemînî, bi maleke koçberbûyî li gund.
Hemûd Mihemed Elmihemed /50/sal.
Mistefa Xalo Elmihemed /46/sal.
Herdu ji G. “Soxanekê” ne – Şêrewa, li 25.5.2018an Z, di encama teqîna bombeyeke zemînî bi makîna wan ve, li nêzîk G. “Kurzêlê” – Şêrewa.
Zarok Diyar Ebid Elqadêr Seydo /14/sal ji G. “Sînka” – N.Şera, li Siba yekê ji rojên Cejana Rojiyê 16.6.2018an Z, di encama teqîna bombeyeke zemînî de, li goristana gund.
Mihemed Cimo kurê Îsam /20/ ji koçberên G. “Turindê” – Efrîn, li 9.7.2018an Z, di encama teqîna bombeyeke zemînî de, li herêma penaberiyê – Bakurê Heleb.
Mistefa Silêman Hisên /65/sal.
Elî Mihemed Şe’ibo /66/sal.
Zelûx Hemîd Hemade /55/sal – Hevjîna Elî Şe’ibo.
Kurê wan Elî Şe’ibo /35/sal.
Û hevjîna wî Elya’i Mistefa Şe’ibo/28/sal.
Keça wan Nîvîn Şe’ibo /9/sal.
Herşeş ji koçberên Bajaroka Mabeta ne, li 31.7.2018an Z, di encama teqîna bombeyeke zemînî bi makînek sozokî ye bara ye bi çûk ve, ye ku di riyên vedizînê re ji B.Niblê tanîn B.Heleb.
Ednan Hac Reşîd Kako /55/sal.
Fatîme /70/sal – hevjîna Horîk Xelîl.
Herdu ji G. “Qaşa” ne – N.Bilbilê, li 4.8.2018an Z, di encama teqîna bombeyeke zemînî de li gund.
Xelîl Henan Dawod /65/sal ji G. “Berbenê” – N.Reco, li 18.8.2018an Z, bi dilseknandinê, piştî ku rastî kêmrûmetkirin û lêdanê hat, ji ber daxwaza wî ji bo vegerandina pezên wî yên ku çekdaran dizî ne re.
Remzî Hisên kurê Xemîs /60/sal ji Bajaroka “Meydanekbezê” – N. Reco, li 5.10.2018an Z, piştî gefûgur û tengasîkirinên ku li jê re hatine, li dû daxwaza wî ji vegerandina mala xwe ya ku çekdaran dest danîne ser re, ew ji qehra re bi sekna dil mir.
Zarok Cum’e Umer Ebdo /12/sal ji koçberên G. “Beradê” – Şêrewa, li 11.11.2018an Z, di encama teqîna bombeyeke zemînî de, li nav zeviyeke zeytûna, li G.”Tilqirahê” – Bakurê Heleb ê ku penaberê bûye.
Zarok Rodî Reşîd kurê Ebdo Reşkê /13/sal ji koçberên G. “Senarê” – N.Şiyê, li 9.12.2018an Z, di encama teqîna bombeyeke zemînî de, li G. “El’ehdas” – Bakurê Heleb ê ku penaberê bûye.
Şêrhad Oso kurê Deyên /35/sal ji G.”Jarê” – N.Bilbilê û li gundê hevjîna xwe “Avrazê” rûniştibû; Ew li dawiya 2018an Z bêtirî carekê bi behaneya ku bira û merivên wî di nav refên Yekîneyên Parastina Gel de ne hate girtin, rastî îşkenceyeke mekin hat, û ji ber wê zorane koçberî Heleb bû, bi nexweşiyeke pîs ket, û di dû re, li 4.4.2019an Z mir.
Nîhad Hemûd Hemîd /16/sal ji G.”Kurzêlê” – Şêrewa, li 10.7.2019an Z, di encama teqîna bombeyeke zemînî de, di nav zeviyeke de, li rex riya ku digihêje Bajaroka Basûtê.
Ebid Elqadêr kurê Henan Elûçka /62/ sal ji G.”Qîbarê” – B. Efrînê, li 11.7.2019an Z, di encama teqandina makînak bombekirî de, li pêş biryargeheke “Feyleq Elşam” e ku di avahiyeke niştecinî de ye ku dest danîne, li rex Riya Turindê, li nêzîk B.Efrînê.
Xelîl Sûrî Oso /33/sal ji koçberên G. “Basûfanê” – Şêrewa, li 2.8.2019an Z, di encama teqîna bombeyeke zemînî de, li nêzîk G. “Bircqasê”, li dema ku ji herêmên penaberiyê li Şehba’ê vedigeriya gundê xwe.
Kanîwar Hisên Elûş /29/sal.
Semîr Menan Elûş /40/sal.
Herdu ji koçberên G.”Kora” ne – N.Cindirêsê, li 2.1.2020an Z, di encama teqîna bombeyeke zemînî di bin tirektora wan de, li nav darine îhracê yen nêzîk Bajaroka “Babinisê” – Bakurê Heleb a ku penaberê bûye.
Silêman Cemîl Îbrahîm /22/sal ji G. “Kalûtê” – Şêrewa, li 22.5.2020an Z, di encama teqîna bombeyeke zemînî de, li nav erdekî Rojavayê gund.
Remedan Kemîran /10/sal ji Bajaroka Bilbilê, li 26.7.2020an Z, di encama teqîna bombeyeke teqîner de, li nêzîk şuştingeha “El’emûrî” li kolana Cindirêsê li B. Efrînê.
Temenmezin Mihemed Nebo ji G. “Hemamê” – N.Cindirêsê, li Roja Sêşemê 17.11.2020an Z, di encama pêlêkirina makîneyeke leşkerî ye Turkî ji matora wî ya dutekerî re, li ser Riya G.”Tilsilorê” – nêzîk çateriya G.”Fîlik”, li dema ku ji Bajaroka “Celemê” vedigeriya, û bi ser de hevjîna wî jî birîndar bû.
Mehmûd Ehmed kurê Ehmed /38/sal ji Êla “Elbûbena” – pêkhateya Erebî, li 4.4.2021an Z, di nexweşxaneyeke Turkiyê de, ji ber birînên wî yên kûr ku di encama teqîna bombeyeke teqîner ku di makîna wî de hatibû çandin, li Siba 1.4.2021an X, li kolaneke şaxeyî li hember vêlatan bi Başûr ve – B.Efrînê.
Mûrad Mezlûm Mihemed /6/sal ji G.”Axcelê” – N.Cindirêsê, li 5.4.2021an Z, di encama rûbrûbûna wî bi makînak leşkerî ye bilez re li Taxa Eşrefiyê – B.Efrînê; Ye ku reviye, bê ku merivên zarok kanibin gilî bikin an jî bi bûyerê raporek were ristkirin.
Diyar Hemo Hisên /11/sal.
Azad Îbrahîm Hisên /12/sal.
Herdu ji G. “Gundê Mezin” in – Şêrewa, li 11.4.2021an Z, di encama teqîna bombeyeke zemînî de, li nav erdekî di navêna herdu gundên “Kalûtê” û “Mezin” de – Şêrewa.
Yehye Elî Hemkero /55/sal ji G.”Kurzêlê” – Navenda Efrînê, li 21.4.2021an Z, bi sekna dil, piştî ku tenduristiya wî bi paş ve çû, ji ber zext û danûstandinên sert ên ku di bendkirina wî ya rojekê de li 18.4.2021 Z ji aliyê Milîseyên “Ehrar Elşam” dîtine de.
Mes’ûd Yûsêf Yûsêf /42/sal ji G.”Maseka” – N.Reco, li 19.5.2021an Z Saziya malbatên Pakrewanan li ba Rêvebiriya Xweser a berê û merivên wî nûçeya şehîdbûnê ragîhandin, û rêweresmên sersaxiyê li B.Helebê li dar xistin, bê ku termê wî radest bibin an zanibin li kû hate veşartin; Û ew e yê ku li Avdara 2018an Z hatiye girtin û zorane di Hepsa “Çobanbegê – Elra’î” de hatiye veşartin.
Ristem Ukaş Xelîl /42/sal ji G. “Qirigolê” – N.Bilbilê, li 28.5.2021an Z, di encama qehrê û pêketina penceşêrê, piştî revandinê ji aliyê giropeke çekdar e serçavgirtî ve, li 15.10.2019an Z, û dizîna pîkaba wî ya Honday a nûjen.
Mewlûde Ni’iman keça Ni’iman /65/sal ji G. “Bozîkê” – N.Efrînê, li 30.5.2021an Z Milîseyên “Firqit Elhemzat” merivên wê bi mirina wê agahdar kirin, û li roja din jî termê wê radestî wan kirin; Û temenmezina bêguneh berê nesax bû, li Avrêla 2019an Z bi tuhmeta têkeliyê bi R.X a berê re hate girtin û zorane hate veşartin, û di girtîgeha “Elra’î” de jî rastî îşkencekirin û danûstandinên hişk hat.
Zarok “Zeyneb Hisên Îbrahîm /14/sal” ji G. “Kalûtê” – Şêrewa ya ku di bin desteseriya Artêşa Sûriyê de, li 4.6.2021an Z, di encama topebarana Turkî bi ser mala wan ve li gund.
Mihemed Hesen Misto /50/sal ji G.”Bi’iyê – Bihiyê” – Şêrewa, li 4.6.2021an Z di nexweşxaneyeke Efrînê de, bi sedema nexweşiyên ku pêketine, di encama îşkencekirina govdeyî û derûnî di Hepsa “Îska” de, li ba Milîseyên “Feyleq Elşam” yên ku li herdu heyvên Avrêl û Gulana 2021an Z du caran ew revandiye.
Emîn Qoşo kurê Seydo /55/sal – hûneriyê hişbirinê ji G. “Xelnêrê” – Efrîn.
Zelûx Henan Mihemed /85/sal ji G. “Maratê” – Efrîn.
Melek Osman Xelîl /60/sal ji G. “Xelîl” – N.Şiyê.
Zêneb Mihemed Şêx Dehdo /21/sal ji G. “Maratê” – Efrîn.
Û zaroka wê “Yûsêf Xoşnav Qilîç” /2/sal.
Zarok “Lana Mistefa El’umêrî” ji pêkhateya Erebî.
Û xwîşka wê ya zarok “Liyan Mistefa El’umêrî“.
Herheft di encama armanckirina B.Efrînê bi mûşekan, li Şeva Şemiyê 12.6.2021an Z şehîd ketin.
Ridwan Ebid Elerehîm Henan /50/sal ji G. “Mezin” – Efrîn, li Berbanga Yekşemê 22.8.2021an Z, di nav zeviyeke xwe ye zeytûna de, li ser riya ku digihêje G. “Dargirê” yê hevcîwar, bi qurşînê hate kiştin; Û berê gefûgur ji “Mu’itez El’ebdela serkêşê Lîwa’i Elxab – Elhemzat” ve jê re hatibûn.
Elî Mihemed Hemreşo /20/sal ji koçberên G.”Beradê” – Çiyayê Lêlûn/ Şêrewa, li Siba Pêncşemê 26.8.2021an Z, di encama teqîna bombeyeke zemînî de, li G.”Kalûtê” – Şêrewa yê ku di bin desteseriya Artêşa Sûriyê de yê ku penaberê bûye.
Rolava keça Xalêd Mihemed Elî Qarno /10/sal ji koçberên G. “Basûfanê” – Şêrewa, li 22.9.2021an Z, di nexweşxaneyeke Heleb de, bi sedema teqîna bombeyeke zemînî li nêzîk stasyûna tirênê li Bajaroka “El’ehdas” – Bakurê Heleb a ku benaberê bûye.
Mihemed Bîlal (bi Reşîd dihate navdan) ê di salên xwe yên çêlî de, li 5.10.2021an Z, bi sîleha xwediyê dîkaneke mobaylan a anîndeyekî (ye ku nêzîk xwaringeha ku tê de kar dikir), li Kolana Reco li orta B.Efrînê xwe kuşt; Ji ber tegasîkirinê ku jê re dihatin kirin û perên jê dihatin xwestin, ji aliyê “Ebû Ce’ifer Mayêr” ve yê ji Bajaroka “Mayêr” – Bakurê Heleb û ji endamên Milîseyên “Elcebhe Elşamiyê”.
Negîhayî Henan Mûrad Ehmed /16/sal ji Bajaroka “Zaretê” – Şêrewa ya ku di bin desteseriya Artêşa Sûriyê de, li Pêncşemê piştî Nîvro 7.10.2021an Z, di encama teqîna bombeyekê de, ji bermayên şer di erdekî hevcîwar de.
Ne’imet Behcet Şêxo /33/sal ji G. “Qopê/ Hemşelek” – N.Reco, li 13.10.2021an Z, di Nexweşxana “Ibin Sîna” de li B.Efrînê, piştî şûnveçûna tendiristiya wê, di encama lêdan û tirsa ku di biryargeha Milîseyên “Asayêşa Leşkerî” de gihîştiyê, dema ku li Duşemê Nîvro 11.10.2021an Z ew û hevjînê xwe hatine girtin.
Silêman Nûrî Ni’iman /50/sal ji G.”Bozîkê” – Efrîn, li 27.11.2021an Z, Destlatên Turkiyê merivên wî bi mirina wî di Hepsa “Elra’î” de agahdar kirin; Ew li 24.6.2019an Z, ji aliyê “ÌIstîxbaratên Turkiyê û istîxbaratên Asayêşê li Ezazê” ve hatibû girtin, zorane hatibû veşartin, û rastî îşkencekirin, danûstandinên sert û mercên çetin hatibû, bê seredan an hevgîhan bi merivan re – ji bilî hin telîfûnên kin û jimartî.
Mihemed Minle Elî kurê Ednên /28/sal ji Bajaroka Reco, li 16.12.2021 Z, piştî nexweşiyeke giran, bi sedema işkencekirin û danûsitandinên hişk, di karnava girtina wî ya bêsûcane û veşartina zorane di Hepsa “Elra’î” de, ji Avdara 2018an Z ta Avdara 2021an Z.
Zêneb Ebdo /60/ sal ji G. “Gazê” – B.Efrînê, li 23.12.2021an Z, li G.”Rûta” – N.Mabeta, di mala merivekî hevjînê xwe de şewtandî hate dîtin; Piştî ku bi mehan ji nexweşiyê kişand, piştî ku li Tîrmeha 2021an Z hate berdan bi tenê ma, bi hevjîn û sê zarok û du bûk xwe re hate girtin, û mala malbatê li Taxa Eşrefiyê – B.Efrînê hate destdanînkirin.
Mihemed Me’irûf Îbrahîm /26/sal ji pêkhateya Erebî.
Mihemed Neş’et Îbrahîm /55/sal ji G. “Hecbilêl” – N.Şiyê.
Negîhayî Conî Ednan Mensor /17/sal ji G. “Şorbe” – N.Mabeta.
Hersê li 20.1 2022an Z, di encama topebarankirina B.Efrînê bi çar mûşeka ji aliyê herêmên desteseriya Artêşa Sûrî ve, hatin şehîdkirin.
Rêzan Mihemed Xelîl /42/sal ji G.”Çeqelê Jorin” – N.Şiyê, yê ku li Taxa Zêdiyê li B.Efrînê rûniştibû, li 1.2.2022an Z, di encama îşkencekirin û lêdana di serî de, di biryargeha Milîseyên “Ehrar Elşerqiyê” de ya li bajêr.
Mehmûd Mihemed Cimo /27/sal ji G.”Aşkê Şerqî” – N.Cindirêsê yê ku li B.Efrînê rûniştibû, li 4.2.2022an Z, ji avahiyeke duqatî de ye ku li kolana bazara kevin li bajêr, rastî pirojeyeke ketinê hat, û pê mir.
Xelîl Behrî Hemadê /35/sal.
Kurê birayê wî yê zarok “Behrî Mihemed Hemadê /12/sal”.
Herdu ji Gundê “Bênê” ne – Şêrewa, li 24.3.2022an. Z, di encama teqîna bombeyeke zemînî de ji bermayên şer li erdekî Bakurê gund de, di dema çêrandina wan ji pêz re, digel mirina /14/ seriyên pêz.
“Cemîle Osman Me’imo /77/sal” ji Gundê “Qestelê Xidriya” – Navça Bilbilê.
“Nezhat Seydo keça Ebdo /45/sal” ji Gundê “Baflûnê” – Navça Şera.
“Fîdan Sebrî Çawîş /40/sal” ji Gundê “Baflûnê” – N. Şera.
Hersê, li siba Çarşemê 30.3.2022an. Z, di encama teqînekê di avahiyekê/maleke erebî ya “Komîna” bajaroka “El’ehdas” de – Bakurê Heleb.
Temenmezin “Bêrem Me’imo(Kibê) – Bavê Ebdo /80/sal” ji Gundê “Upila” û li Bajaroka Bilbilê rûniştî, li şeva Şemiyê 23.4.2022an. Z, bi sedema birînên ku lê çêbûne, di encama pevçûnên du giropên ji Milîseyên “Firqit El’hemzat û Feyleq El’şam” di hundir bajarokê de, li şeva 7.4.2022an. Z.
“Reşîd Sibhî Mehmûd/Malbata Mihik” ji zayenda Bajaroka Reco sala 1977an. Z, li 20.6.2022an. Z, di enacama pêlêkirina makînak leşkerî ye Turkî ye bilez de, li orta kolana giştî ya bajarokê.
“Fehîme Fewzî Reşo /22/sal” ji koçberên Gundê “Remedana” – Navça Cindirêsê, li 1.8.2022an. Z, ji ber birînên kûr yên ku vê re çêbûne di nav erdekî çandiniyê de, di encama topebarankirina Turkiyê de ji dor Bajaroka “Tilrifadê” re – gundewarê Bakurê Heleb, li 26.7.2022an. Z.
“Reşîd Mihemed Ibrahîm /15/sal” ê negîhayî û ji xelkê Gundê “Carê” – N. Bilbilê, li 9.8.2022an. Z, di nexweşxaneyeke Ezazê de, bi sedema birînên ku ji ber ketina wî ji dîwarê sînorî yê hevcîwaz lê çêbûne, li dema reva wî ji ber dûdan û qurşînên cendirmên Turkiyê, piştî hewildana wî ji derbaskirina sînor re bi qaçaxî, bi mebesta koçberiyê.
“Hemze Îbo Birîm /21/sal” ji Gundê “Kêla” – N. Bilbilê.
“Navxweş Reşîd Elîko /28/sal” ji Gundê “Kotana” – N. Bilbilê.
“Fatîme Osman Me’imo /29/sal” ji Gundê “Hisê/Mîrka” – N. Mabeta.
“Zûhêr Ebid El’rehman Mihemed /36/sal” ji Gundê “Tilifê” – Efrîn.
Herçar, li 24.8.2022an. Z, di encama bombebarana balafireke kontirlokirî ye Turkî ve, li orta Bajatoka “Tilrifadê” – gundewarê Heleb a Bakur a tijî koçberên Efrînê.
Temenmezin “Rîhanê Mihemed keça Umer /70/sal” ji Gundê “Çençeliya” – N. Reco, li 25.8.2022an. Z, piştî ku qirşîn lêket, ji ber avêtina fîşeka bi ezmên de ji aliyê çekdar û anîndeyên Milîseyên “Feleq El’şam” di dewateke li gundê “Hucemala” yê hevcîwar de.
“Mihemed Cemal Xilo /30/sal” – Malbata “Mûse Umer” ji Gundê “Qestelê Xidriya” – N. Bilbilê, li 29.8.2022an. Z, bi qurşîneke jîndar hate kuştin! Di dema hevaltiya wî bi “Mis’eb Ehmed Oso ji Gundê Heyanê – gundewarê Heleb ê Bakur” – yek ji endamên Milîseyên “El’cebhe El’şamiyê” û ew jî di piroseyeke armanckirina makîna wî de li ser riya Cindirêsê Rojavayê Bajarê Efrînê hate kuştin.
Temenmezin “Henîfe Mûse Olo (Diya Nûrî) /75/sal” ji G. “Kurzêlê” – Şêrewa, li 13.10.2022an. Z, piştî ku di rojeke berê de birîndar bû, di encama pevçûnên di navbera Milîseyên “Desteya Tehrîr El’şam û El’cebha El’şamiyê” de.
Temenmezin “Elî Hesen /75/sal – bi Elî Mêmê tê nasîn” ji Gundê “Edema” – Navça Reco, li 15.10.2022an. Z, bi sekna dil, piştî dizîna deh çiwalên (tevahî /850/KG) zeytûn ji zeviyê wî yê tekane ji aliyê giropeke Milîseyên “Feyleq El’şam” ve, û yê ku jê re bûye sersedema kerb û qehreke mezin.
Parêzer “Luqman Henan kurê Hemîd” ji zayendên Gundê “Hecqasma” – N. Mabeta 1977. Z, li 22.12.2022an. Z, piştî sê rojan ji girtin û îşkencekirina wî li ba Istîxbaratên Turkiyê û Milîseyên “Ewleya Rêzanî/siyasî” li navenda Bajarê Efrînê.
Û ev jî hin kesên ku di navbera (/18/ê Avdara 2018an – 17 ê Avdara 2023an – Z) mirine û di raporên me yên berê de nehatine belgekirin:
“Mihemed Reşîd Kelkawî /55/ sal” ji Gundê “Umera” – N. Reco.
Û kurê keça wî Glîstan ê zarok “Mihemed Luqman Mewlûd /12/sal” ji Gundê “Qude” – N. Reco.
Herdu di hefta siyem ji Avdara 2018an. Z de, di encama topebarankirina Artêşa Turkiyê de, di dema ku bi hin din re vedigerîn gundê xwe, li nêzîk çateriya Gundê “Emara” – N. Mabeta.
“Tahêr Mihemed Hebeş /39/sal” ji Gundê “Dîkê” – N. Bilbilê, piştî dagîrkirina gund bi çar rojan, li Navîna Avdara 2018an. Z, bi kuştineke yekser ji aliyê Milîseyên “Feyleq El’şam” ve, li dema ku li kêlek gund pez diçêrand.
“Sultanê Elo keça Mihemed /21/sal” ji G. “Kêla Jêrin” – N. Bilbilê, li 10.4.2018an. Z, li dema hebûna wê di mala xwîşka xwe (hevjîn “Selah Ehmed kurê Mihemed”) de li Gundê “Kerê” yê hevcîwar, di encama teqîna bombeyekê û roxandina malê de.
“Ebid El’rehman Kemal Şêxo /30/sal” ji Gundê “Çolaqa” – N. Cindirêsê, li 10.6.2018an. Z, yekser bi sekna dil piştî şelandina makîna wî û tibabeke diravî û alavine elektirîkê yên malan jê, di dema vegera wî ji gund re, ji aliyê rêbendeke çekar ve, li ser çateriya Gundê “Keferdelê Jêrin” ê hevcîwar.
Ebid El’rehman Xelîl Umer /30/sal.
Yasêr Xelîl Umer /18/sal.
Herdu bira ji G. “Kurzêlê” ne – Şêrewa, li 20.10.2020an. Z, di encama pêlêkirina matora wan ji aliyê aliyeteke leşkerî ye Tyrkî ve.
Ji hemî aliyên pêgiriya xwe bi mafên mirovan didin nîşandan, tê xwestin ku tewanên di dermafê sivîlan de têne kirin û digihêjin asta tewanên şer û tewanên li dijî mirovahiyê, Pirotesto û şermezar bikin, lêkolînên serbixwe û aşkere vekin, kesên ku di ber de berpirsiyar û yên cîbecîker berbiçav û seza bikin, û berdêleke şênberî û razberî bidin merivên qurbaniyan. Weke ku diyar e, destlatên dagîrkeriya Turkiyê û milîsên tundrew û nandoz ên pêve girêdayî, piraniya tewan û binpêkirinan li dijî tewankarên nediyar tomar dikin, an jî hema pêngavine wêneyî davêjin, da ku tewanker ji sezayan biflitin, bi ser de jî merivên qurbaniyan pirîcaran neçar dikin ku bi tewankaran re li hev werin, û xelkê berdewam ditirsînin da ku wan bi aliyê koçberbûnê ve têvedin.
Lê, Hikometa Anqerê di ber kiriyarên ku li herêmê û dermafê xelkê wê de têne kirin berpirsiyar dimîne, Ji ber ku ew dewleta dagîrkeriya leşkerî ye û xwediyê desteseriya rasteqîn e, û tu gavên pirektîkî, zagonî û ewlehî ji bo parastina jiyana sivîlan navêje; Bervajî wê, ew hîn li ser kiriyarên artêş û nandozên xwe vedişêre, wan diparêze û bi ser dijîtiya Kurdan ve – li kû dibin bila bin – têve dide û destek dike; Û bi wê yekê, jirêderketinin mezin ji zagona navdewletî ya mirovahî, belgenameya Netewên Yekgirtî û hevpeymanên navdewletî re dike.
Xelkê Efrînê bang li saziyên Netewên Yekgirtî, Encûmana Ewlehî ya Navdewletî, hêzên navdewletî yên di Sûriyê de çalak û xwedî rol, rêxistinên mafwerî û sivîl û alavên ragihandinê yên curbecur dike, da ku bi rola xwe rabin û rêgirikê ji van binpêkirin û tewanan re dînin , û bi koçberên ku bi zorê koçberbûne re alîkar bin da ku bi şêwakî bi’ewle vegerin cîwarên xwe, û mal û milkên xwe radest bikin, û herweha bi berpirsiyarî kar bikin da ku dagîrkeriya Turkiyê bi dawî bikin, û milîseyên tundrew û nandoz ji holê rakin, ji bo Efrîn vegere serweriya Suriyê û rêvebirina xelkê wê yê resen.
Nivîsgeha ragihandinê- Efrîn
Partiya Yekîtî ya Demokrat a Kurd li Sûriyê[1]