PANORAMA-2023-5
Êriş û berxwedan
CÎHAN BÎLGÎN
Herêmên Bakur û Rojhilatê Sûriyeyê di nav 11 mehan de 260 caran bi balafirên keşfê û yên şer, 3761 caran jî ji bejahî ve hat hedefgirtin. Di çarçoveya bersivdayînê de 45 çalakî hatin lidarxistin, 117 çete û leşkerên dewleta Tirk hatin kuştin. Di 145 operasyonan de 397 çete û sîxur hatin girtin.
Li hemberî gelê Bakur û Rojhilatê Sûriyeyê êrişên dewleta Tirk, çeteyên wê, şaneyên veşartî, çekdarên hikumeta Şamê, sîxur û bazirganên madeyên hişbirê îsal (2023) jî nesekînin. Di encama êrişan de 73 şervanên hêzên Bakur û Rojhilatê Sûriyeyê, di nav de 13 zarok, bi giştî 44 welatî şehîd ketin. 224 navend û saziyên xizmetguzariyê ji aliye balafirên dewleta Tirk ve hatin hedefgirtin.
Di nava 11 mehan de bîlançoya operasyonên li dijî sîxur, şaneyên veşartî, madeyên hişbir û çalakiyên bersivdayîna êrişan, me berhev kirin.
$TÊKOŞÎNA LI DIJÎ SÎXUR Û ŞANEYÊN VEŞARTÎ$
Hêzên Antîterorê (HAT) yên girêdayî Hêzên Ewlekariyê Hundirîn 108 operasyon li herêmên Bakur û Rojhilatê Sûriyeyê li dar xistin. Di encama van operasyonan de 320 çete û endamên MÎT`ê hatin girtin.
Her wiha 112 kalaşnikof, 633 şarjor û 10993 guleyên wê, 4 çekên AKS û 8 hezar hezar guleyên wê, 80 demançe, 10 BKC û 11564 guleyên BKC, 6 RPG û 22 bombeyên wê, 2 rextên teqemeniyê, mayinek û 29 narincok hatin desteserkirin. 4 çete û endamên MÎT`ê hatin kuştin.
Yêkîneyên Antîterorê (YAT) yên girêdayî Hêzên Sûriya Demokratîk (QSD) li dijî şaneyên DAIŞ û MÎT`ê (sîxurên dewleta Tirk) 37 operasyon li dar xistin. Di encama wan operasyonan de 56 çete hatin girtin, 13 hatin kuştin û 3 jî birîndar bûn.
Di operasyonan de 22 çekên kalaşnîkof û 118 şarjorên wê, 16 demançe û 35 şarjorên wê, 7 çifte, AKS`yek, M-16`yek û 16 şarjorên wê, 9 bombe, 7 teqemenî, dûrbînek, dûrbînêke sûîkqestê, termalek, rextekî teqemeniyê û motorsîkletek hatin desteserkirin.
Ji 25`ê Çileyê heta 1`ê Sibatê ve QSD’ê û Hêzên Ewlekariya Hundirîn a Bakur û Rojhilatê Sûriyeyê bi desteka hewayî ya Koalîsyona Navneteweyî li dijî şaneyên DAIŞ’ê pêngava “Tolhildana Şehîdên Reqayê” li Reqa, Tebqa, Sirîn û gundewarên wan pêk hat. Di encama pêngavê de yek jê serçete bi giştî 127 çete hatin girtin û hijmareke cebilxane, pirtûk û belgeyên taybet ên DAIŞʹê hatin desteserkirin.
Ji 29′ê Kanûnê heta 6`ê Çileyê ve QSD, Hêzên Ewlekariya Hundirîn a Bakur û Rojhilatê Sûriyeyê û Koalîsyona Navneteweyî “Operasyona Birûska Cizîrê” li dijî şaneyên DAIŞ’ê li 55 gund, mezreyên Holê, Til Hemîs û Til Birakê û rûberên fireh ji sînorê Sûriye-Iraqê pêk anîn. Di encama operasyonê de 154 çete, 27 kesên destê wan di peydakirina destekê ji şaneyên veşartî re hebûn û 25 kesên destên wan di sûcên krîmînalîzekirina li dijî şêniyan de hebûn, hatin girtin.
Di 27`ê Tebaxê-8 Îlonê de QSD û Hêzên Ewlekariya Hundirîn li dijî şaneyên DAIŞ’ê li kantona Dêrazorê “Operasyona Xurtkirina Ewlehiyê” kir. Di encama operasyonê de 29 çete hatin kuştin, 25 şervan û 9 sivîl jî şehîd bûn. 21 çete jî hatin girtin.
$OPERASYONÊN LI DIJÎ MADEYÊN HIŞBIR$
Hêzên Têkoşîna li dijî Madeyên Hişbir ên Bakur û Rojhilatê Sûriyeyê yên girêdayî Hêzên Ewlekariya Hundirîn, di nav 11 mehan de; 2003 dosyayên bazirgan, belavkar û bikarhênerên madeyên hişbir vekirin. Di encama operasyonan de 3000 bazirgan, belavkar û bikarhêner hatin girtin. Her wiha 63 kg Crystal, 398 kg heşîş, milyonek û 330 hezar û 107 habên Captagon, 602 hezar û 341 hebên hişbir ên cur bi cur, 6 kg û 460 gr eroîn, 160 gr kokaîn, 21,406 derziyên hişbir, 147 cigareyên hişbir hatin desteserkirin.
Di 27`ê Cotmehê de Hêzên Ewlekariya Hundirîn a Bakur û Rojhilatê Sûriyeyê pêngava Tolhildana 29 Şehîdên Têkoşîna li Dijî Madeyên Hişbirê da destpêkirin. Di encama mehekê de ku di nav bîlançoya 11 mehan de jî cih digre de 62 bazirganên madeyên hişbir hatin girtin û gelek madeyên hişbir hatindesteserkirin.
$ÇALAKIYÊN BERSIVDAYÎNÊ YÊN QSD Û HRE’YÊ$
Şervanên QSD`ê li dijî êrişên dewleta Tirk ên li ser herêmên Bakur û Rojhilatê Sûriyeyê çalakiyên bersivdayînê pêk hatin.
Di meha Îlonê de QSD`ê li gundewarên Til Temirê 5 çalakî li dar xistin. Di encamê de 3 leşker û 7 çete hatin kuştin, leşkerek û 3 çete jî birîndar bûn.
Di Îlonê de ji bo tolhildana şehîdên Minbicê, fermandara YPJ`ê Şervîn Serdar û şervana YPJ`ê Nûcan Ocelan û Canda Cûdî çalakiyeke tolhildanê hat lidarxistin. Di van çalakiyan de 5 çeteyên dewleta Tirk hatin kuştin û 7 çete jî birîndar bûn. Her wiha 3 çeper, çekeke doçka, çekeke RPG, çekên navîn û 2 wesayitên çeteyên dewleta Tirk a dagirker hatin rûxandin.
7`ê Tebaxê de, di navbera Til Temir û Serêkaniyê de, li gundê Erîşa li hember vê koma çeteyan çalakiyek serdagirtinê hat lidarxistin. Di encama çalakiyê de 6 çete hatin kuştin. Di heman demê de di vê çalakiyê de şervanek Meclisa Leşkerî ya Til Temirê jî gihaşt şehadetê. Çalakî ji bo tolhildana 4 şervanên YPG`ê ku di 3`yê Tebaxê de li Qamişlo di encama lêdana balafirên keşfê de şehîd bûbûn, hat lidarxistin.
Hêzên Rizgariya Efrînê (HRE) di nava 11 mehan de 28 çalakî li dar xistin. Di encama çalakiyan de 67 çete hatin kuştin, 49 çete jî birîndar bûn. Polîsek û 18 leşkerên dewleta Tirk a dagirker hatin kuştin, 22 leşker jî birîndar bûn. Her wiha 13 çekên AKC, 3 çekên BKC, 2 çekên B-7, 4 bombe û gelek rext û gule hatin desteserkirin. Kamerayek û termaleke şevê, 6 motorsîklet, 4 erebe, erebeyek leşkerî û erebeyeke Terex hat rûxandin. Di êrişên çete û dewleta Tirk de 11 şervanên HRE’yê gihaştin şehadetê.
Êrişên 11 mehan ên dewleta Tirk, çeteyên girêdayî wê, şaneyên veşartî, DAIŞ û hikumeta Şamê ser herêmên Bakur û Rojhilatê Sûriyeyê kirine, wiha ne;
$MEHA ÇILEYÊ$
* 615 caran balafirên keşfê, 3 caran balafirên keşfê li ser herêmê geriyan.
* 17 caran balafirên keşfê yên biçek ên dewleta Tirk êriş kir.
* 707 caran herêm hat topbaran û bombebarankirin.
* 6 hewldanên derbasbûnê û 8 êrişên sekvanî pêk hatin.
* DAIŞ’ê bi sabotajê êriş kir.
* Şaneyên veşartî li kantona Dêrazorê 6 caran êriş kirin.
* Di encama êrişan de şervanekî QSD`ê, zarokek û welatiyek şehîd ket. Zarokek û 15 leşkerên hikumeta Şamê birîndar bûn. Mala welatiyekî şewitî.
$MEHA SIBATÊ$
* 703 caran balafirên keşfê yên biçek, 37 caran balafirên şer û 3 caran helikopterên şer li ser herêmê geriyan.
* 3 caran êrişên balafirên keşfê çêbûn.
* 106 caran êrişên bi çekên giran ên dewleta Tirk û çeteyên wê pêk hatin. 6 caran êrişên sekvanî û 4 caran hewldanên derbasbûnê pêk hatin.
* Şaneyên veşartî li kantona Dêrazorê; 8 caran êrişên çekdarî, 2 tacîz, êrişa fûzeyan, 2 sabotaj, 2 caran jî êrişa kêmînê pêk anîn.
* Di encama êrişan de 4 welatî şehîd ketin, 2 zarok û jinek birîndar bûn.
$MEHA ADARÊ$
* 596 caran balafirên keşfê yên biçek, 11 caran helîkopterên şer û 6 caran jî tevgera balafirên şer li ser herêmê çêbû.
* Bi dronekê êrişek pêk hat.
* 126 caran herêm hat topbaran û bombebarankirin.
* DAIŞ bi çekan û sabotajê êriş kir.
* Leşkerên hikumeta Şamê bi çeka katyuşa êriş kir.
* Şaneyên veşartî li kantona Dêrazorê; 5 caran bi çekan û dronên xwekuj êriş kir.
* Di encama êrişan de 2 zarok û 2 jin, bi giştî 7 welatî birîndar bûn.
$MEHA NÎSANÊ$
* 643 caran balafirên keşfê yên biçek, 25 caran balafirên keşfê û 7 caran jî helîkopterên şer li ser asîmanên herêmê geriyan.
* 5 caran balafirên keşfê yên bi çek êriş kirin.
* 152 caran herêm bi çekên giran hat hedefgirtin. 6 caran êrişên sekvanî û 2 caran hewldanên derbasbûnê pêk hatin.
* Çeteyên DAIŞ`ê bi çekan û sabotajê êriş kir.
* Şaneyên veşartî li kantona Dêrazorê 16 caran êriş kirin.
* Di encama êrişan de ji malbatekê 3 bi giştî 4 zarok şehîd ketin, 6 jê zarok 10 welatî birîndar bûn.
$MEHA GULANÊ$
* 889 caran balafirên keşfê yên biçek, 17 caran balafirên şer û 17 caran jî helîkopterên şer li ser herêmê geriyan.
* 6 caran balafirên keşfê yên biçek êriş kirin.
* 118 êrişên bejahî pêk hatin. 3 êrişên sekvanî û 5 hewldanên derbasbûnê çêbûn.
* Çeteyên DAIŞ`ê 3 caran bi sabotajê êriş kirin.
* Şaneyên veşartî 8 caran êrişî kantona Dêrazorê kirin.
* Di encama êrişan de 4 şervanên QSD`ê û 2 karker şehîd ketin. 4 leşkerên hikumeta Şamê jiyana xwe ji dest da. 9 welatî birîndar bûn. Erebeyeke welatiyan derb xwar.
$MEHA HEZÎRANÊ$
* 875 caran balafirên keşfê yên biçek, 65 caran balafirên şer û carekê jî helîkopterên şer ser herêmê geriyan.
* 29 caran balafirên keşfê yên biçek êriş kirin.
* 238 caran êrişên bejahî bi çekên giran pêk hatin. 4 caran êrişên sekvanî û 5 caran jî hewldanên derbasbûnê çêbûn.
* DAIŞ bi sabotajê 2 êriş pêk anîn.
* Şaneyên veşartî li kantona Dêrazorê 8 caran bi bombe û çekan êriş kirin.
* Hevseroka meclîsa kantona Qamişlo Yusra Derwîş, cigira wa Lîman Şiweş û xebatkar Firat Tûma şehîd ketin. Hevserokê Meclisa Kantona Qamişlo Gabîş Şemûn birîndar bû.
* 4 şervanên YPG’ê şehîd ketin 2 birîndar bûn. 3 welatî şehîd ketin, 2 zarok û 10 welatî birîndar bûn. 8 endamên Meclisa Leşkerî ya Minbicê şehîd ketin, şervanek birîndar bû. Leşkerêkî hêzên Rûsyayê di encama êrişên dewleta Tirk de hate kuştin û 3 jî birîndar bûn. 5 leşkerên hikumeta Şamê jiyana xwe ji dest da, 7 birîndar bûn. Nexweşxaneyek hat hedefgirtin.
$MEHA TÎRMEHÊ$
* 958 caran balafirên keşfê yên biçek, 58 caran balafirên şer li ser herêmê geriyan.
* 10 êrişên balafirên keşfê çêbûn.
* 184 êrişên bejahî bi çekên giran herêm hat topbaran û bombebarankirin. 2 êrişên sekvanî û hewldana derbasbûnê çêbûn.
* Li kantona Dêrazorê 6 caran şaneyên veşartî bi sabotaj, çekên BKC êriş kirin.
*4 şervanên Erka Xweparastinê şehîd ketin. 3 welatî şehîd ketin. Leşkerekî hikumeta Şamê jiyana xwe ji dest da, 9 leşker jî birîndar bûn. Jinek û zarokek bi giştî 9 kes birîndar bûn. Tîmên ambulansê hatin hedefgirtin, ji wan 2 xebatkar birîndar bûn.
$MEHA TEBAXÊ$
* 973 caran balafirên keşfê yên biçek, 39 caran balafirên şer li ser herêmê geriyan.
* 49 êrişên balafirên keşfê yên biçek çêbûn.
* 296 caran herêm hate topbarankirin, 4 caran hewldanên derbasbûnê û 8 caran jî êrişên sekvanî çêbûn.
* 7 êrişên çekdarî 3 êrişên tacîz û 2 êrişên sabotajê ji aliyê çeteyên DAIŞ`ê ve çêbûn.
* 12 caran şaneyên veşartî li kantona Dêrazorê bi sabotaj û çekdarî êriş kirin.
* Di encama êrişan de 5 şervanên YPG`ê şehîd ketin, şervanek jî birîndar bû. Şervanekî HRE’yê şehîd ket, 3 jî birîndar bûn. Jinek û 2 zarokên wê şehîd ketin. Di nav de jinek û 3 zarok, bi giştî 14 welatî birîndar bûn. Şervanekî Erka Xweparastinê birîndar bû, 3 leşkerên hikumeta Şamê birîndar bûn.
* Rojnamevan Delîla Egîd birîndar bû û xebatkarê JIN TV’yê Necmedîn Hec Sînan jî şehîd ket.
$MEHA ÎLONÊ$
* 1006 caran tevgera balafirên keşfê yên biçek, 45 caran balafirên şer çêbû.
* 18 caran bi rêya balafirên keşfê yên biçêk êriş kirin.
* 398 caran herêm hat topbaran û bombebarankirin.
* 23 caran hewldanên derbasbûnê û 11 caran jî êrişên sekvanî çêbûn.
* 9 caran şaneyên veşartî li Dêrazorê bi sabotaj, kêmîn û çekan êriş kirin.
* Di encama êrişan de endamê Rêveberiya Şîrketa Newroz Ebdulselam Mehmûd û 4 şervanên YPJ`ê şehîd ketin û şervanek birîndar bû. Endamekî Hêzên Ewlekariya Hundirîn û şervanekî YPG’ê şehîd ketin. Yek ji fermandarên Meclisa Leşkerî ya Minbicê, şervanekî QSD`ê şehîd ketin, 6 jî birîndar bûn. Di nav de 4 zarok, 2 jin, bi giştî 7 welatî şehîd ketin. Di nav de 3 zarok, bi giştî 11 welatî birîndar bûn. 5 leşkerên hikumeta Şamê jiyana xwe jidest da, 6 jî birîndar bûn.
$MEHA COTMEHÊ$
* 785 caran balafirên keşfê yên biçek û 113 caran jî tevgera balafirên şer çêbû.
* 85 caran herêm ji aliyê balafirên keşfê yên biçek û 15 caran balarfirên şer êriş kirin.
* 774 caran herêm hate topbarankirin. 4 êrişên sekvanî, 3 hewldanên derbasbûnê û êrişeke sabotajê çêbûn.
* Çeteyên DAIŞ’ê bi sabotajê 3 caran êriş kir. Hikumeta Şamê 3 caran bi rêya çêka katyuşa êriş kir.
* Li kantona Dêrazorê ji aliyê şaneyên veşartî ve; 3 êrişên çekên BKC, 3 sabotaj, 9 êrişên çekdarî, 2 hewldanên derbasbûnê, 6 êrişa çeka B-7, 5 tacîz, rêbirîn û revandin pêk hatin.
* Di 4-10`ê Cotmehê de di encama êrişên hewayî yên dewleta Tirk de 224 saziyên xizmetguzariyê wekî cihên stasyonên kehrebe, stasyonên neftê û gazê, navendên tenduristiyê hatin hedefgirtin.
* 35 endamên hêzên ewlekariya hundirîn, 2 şervanên QSD`ê, 2 zarok û 8 welatî şehîd ketin. Di nav de 5 jinên karker 20 welatî û 3 leşkerên hikumeta Şamê birîndar bûn.
$MEHA MIJDARÊ$
* 645 caran tevgera balafirên keşfê yên biçek û 37 caran balafirên şer li ser herêmê çêbû.
* 21 caran bi balafirên keşfê yên biçêk êriş pêk hatin.
* 274 caran herêm bi çekên giran hate topbaran û bombebarankirin. 5 caran êrişên sekvanî û hewldaneke derbasbûnê çêbû.
* 14 caran êrişên ferdî, 3 caran êrişê BKC, 4 sabotaj, 2 êrişên B-7, 3 êrişê çeka doçka, 8 caran tacîz û hewldana kêmînê ji aliyê şaneyên veşartî ve li kantona Dêrazorê pêk hatin.
* Di encama êrişan de şervanekî QSD`ê şehîd ket û 2 jî birîndar bûn. 4 welatî şehîd ketin, di nav de 3 zarok, bi giştî 21 welatî birîndar bûn. 3 erebeyên welatiyan derb xwarin.
Ji 23’yê Kanûnê ve dewleta Tirk a dagirker êrişên xwe yên hewayî li ser Bakur û Rojhilatê Sûriyeyê zêde kirin. 50 cihên xizmetguzarî û bendên kontrolê bombebaran kirin. Di encamê de 8 welatî şehîd bûn û bi dehan jî birîndar bûn. Her wiha nih navendên xizmetguzariyê ji xizmetê derketin.
Çavkanî: Navendên ragihandinê yên YPG, QSD û Hêzên Ewlekariya Hûndirîn a Bakur û Rojhilatê Sûriyeyê.[1]