چاشتەی فرە کابانە، سۊڵەنە، یام سۊتېنە
کابانەو یانەی، یام ژەنۆ یانەی سەرەڕاو هەرمان و کارو دلۍ یانەی، زارۊڵە وێکەردەی، ئاماڎەکەردەی نان و چاشتیچ گېرۊ وۍ. نان و چاشت گەر ژەنێ بە تاقی تەنیا ئاماڎېش کەرۊن گرفتێ چامنەش نېیەن، بەڵام گەر دوۍ ژەنی یام زیاتەر یانەکەنە بان، گرد خەریکو ئاماڎەکەردەی نان و چاشتی بان، بە هۊکارو خەریکبېیەیشان بە قسەوباسیۆ فرەو جاری هاگاشان جە چاشتەکۍ نمەمەنۊ، سەرنجشان مەلۊ پەی سەرو یاڎەوەریەکاشان، یام پەی سەرو خەڵکاتەری، ئیتر ڕەنگە سۊچۊ، یام سۊڵە بۊ، یام بېمەکە بەربشۊن. ئانە پېسە ئیدیۆمێ بەکارئامان پەی هەرمان و کارێ فرەخاوەنی و فرە قېخای، هەر یۊشان بە جۊرێ قەرار مڎۊن، دماجار هەرمانەکۍ بە خاسی و تەندرووسی جابەجا نمەبۊن. یام پەی خانەواڎێوە فرە قېخای کە هەم پیاو یانەکەی، هەم ژەن و زارۊڵەکۍ گردشان خاوەنو قەرارینۍ، یانێوە پەشېویاو بۍ سەروبەرە بەرمشۊن.[1]
Ev babet bi zimana (هەورامی) hatiye nvîsandin, klîk li aykona
![](https://www.kurdipedia.org/images/flags/ku.png)
bike ji bu vekirina vî babetî bi vî zimana ku pî hatiye nvîsandin!
ئی بابەتۍ بە زۋانی (هەورامی) نۋیسیێنە، پەی ئەۋەکەرڎەی بابەتەکۍ بە زۋانېۋ کە نۋیسێنە، سەرو ئایکۆنو
![](https://www.kurdipedia.org/images/flags/ku.png)
ی کلیک کەرە!
Ev babet 75 car hatiye dîtin
Raya xwe li ser vî babetî binivîsin!