#سەعدی ئەحمەد پیرە# وتەبێژی #یەکێتیی نیشتمانیی کوردستان# ڕایدەگەیەنێت: یەکێتی لەگەڵ دابەشکردنی مووچەی مووچەخۆراندایە و داوا لە #حکومەتی هەرێمی کوردستان# دەکەین ئەو پارەیەی بۆ مووچە هاتووە بەسەر مووچەخۆراندا دابەشی بکات.
=KTML_Bold=یەکێتی: هەرچی زووە ئەو پارەیەی لەلایەن بەغداوە بۆ مووچە هاتووە دابەشبکرێت=KTML_End=
سەعدی ئەحمەد پیرە وتەبێژی یەکێتیی نیشتمانیی کوردستان لە کۆنگرەیەکی ڕۆژنامەوانیدا ڕایگەیاند: یەکێتی لە ساڵی (2014)ەوە لە هەوڵی چارەسەرکردنی کێشەی مووچەخۆراندایە و بۆ ئەو مەبەستەش لەسەر ئاستی هەرێم و حکومەتی فیدراڵ هەوڵیداوە، ئێستاش پێی باشە هەرچی زووە ئەو پارەیەی لەلایەن #بەغدا#وە بۆ مووچە هاتووە، حکومەتی هەرێم بەسەر مووچەخۆراندا دابەشی بکات، چونکە لە مانگی ڕەمەزانداین و هاووڵاتییان لە چاوەڕوانیی مووچەکایاندان و پێویستیان پێیەتی.
=KTML_Bold=دابەشکردنی مووچە خواستی یەکێتییە=KTML_End=
جەختیشیکردەوە: دابەشکردنی مووچە خواستی یەکێتییە و دابەشنەکردنی ئەو پارەیەی کە بەغدا ناردوویەتی لە بەرژەوەندی خەڵک و حکومەتیش نییە، هەڵوێستی وەزارەتی دارایی ئێراقیش ڕوونە، بۆیە پێویستە لە ئێستاوە لیستی ئەو وەزارەتانە ئامادەبکرێن کە پارەی مووچەیان لەلایەن بەغداوە بۆ دەنێردرێت.
وتەبێژی یەکێتیی نیشتمانیی کوردستان ڕاشیگەیاند: بابەتی هەژمار بابەتێکی گرنگ نییە و پێویست ناکات کێشەی لەسەر درووستبکرێت، چونکە لە هەموو جیهاندا کاروبارەکانی حکومەت لە ڕێگەی دامودەزگا ڕەسمییەکانەوە دەکرێت و بانکە ڕەسمییەکان بانکی حکومین.
ئەمە لەکاتێکدایە ڕۆژی #11-03-2024#، وەزارەتی دارایی ئێراق پارەی مووچەی مانگی شوباتی هەرێمی کوردستانی بۆ ئەو توێژانە نارد کە لیستی مووچەیان ڕەوانەی بەغدا کردبوو، کە بڕی 560 ملیار و 218 ملیۆن و 37 هەزار و 912 دینارە، بەڵام تاوەکوو ئێستا حکومەتی هەرێم هیچ وادەیەکی بۆ دابەشکردنی مووچە ڕانەگەیاندووە. [1]
Kurdîpêdiya ne berpirsê naverokê vê tomarê ye, xwediyê/a tomarê berpirs e. Me bi mebesta arşîvkirinê tomar kiriye.
Ev babet bi zimana (کوردیی ناوەڕاست) hatiye nvîsandin, klîk li aykona
bike ji bu vekirina vî babetî bi vî zimana ku pî hatiye nvîsandin!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
Ev babet 301 car hatiye dîtin
Raya xwe li ser vî babetî binivîsin!