کورد دلۍ چەرخەکا تاریخینە
بەشۍ: دوەسەڎ و ویس و یەکەمە
نویستەی: #هاوڕێ باخەوان#
ساڵەو (1899ز): چن تۊمارێ پېوەس پی ساڵېوە ئینێ وەردەسەنە:
* ئەچی ساڵېنە، وەفایی شاعېر کۊچی دمایینش کەردەن.
* ئەچی ساڵېنە، شاعېر فەقێ قادری هەمەوەند کۊچی دمایینش کەردەن.
* ئەچی ساڵېنە، عارف سایبی شاعېر دلۍ شارو سلێمانی ئامان دنیا.
* ئەچی ساڵېنە، مەلا ئەحمەد نەسیرولئیسلامی سنەیی شاعېر کۊچی دمایینش کەردەن.
* ئەچی ساڵېنە، وانگای سەرەتایی کوڕا جە شارو سلێمانی مەرزیانەرە.
* دلۍ (51) خېڵە کوردانە، سېڼزەشان لوێبېنۍ دلۍ سوارەی حەمیدی.
* ئەچی ساڵېنە، مەلا مەحمودی باکی شاعېر ناوچەو سەقزی کۊچی دمایینش کەردەن.
* مانگەو (2) ئی ساڵېنە، سەرۆک وەزیرانو تورکی دلۍ وتارێنە سەرنجەو سوڵتانی عوسمانیش پەی ئانەیە کېشت هەکە دیسپلین و ڕېکی و پېکی دلۍ سوارەی حەمیدینە نییەن.
* مانگەو (5) ئی ساڵېنە، هېزەکانو ڕووسی و سوارەی حەمیدی لوێ گژۍ یۊیرە، دایوەنەی ڕوەشدا، ئەنجامنە دۋۍ ئەفسەرۍ ڕووسی کوشیێ و ڕووسیا و تورکیا لوێنە دلۍ جەنگێ دیبلوماسی.
* تاریخو (12-09-1899ز) شەریف پاشاو خەندانی، خەلاتو نیشانۍ شمشېری جە سوید وەرگېرۊن.
* تاریخو (14-09-1899ز) پیرەمێردی شاعېر، سەرو فەرمانو سوڵتان عەبدولحەمیدی مەکریۊن بە ئەندامو ئەنجومەنو ئەستەمبوڵی [1]