کورد دلۍ چەرخەکا تاریخینە
بەشۍ: سەڎ و نەوەڎ و نۊهەمە
نویستەی: #هاوڕێ باخەوان#
ساڵەو (1880ز):
*مانگەو (10): چن تۊمارێ ئینێ وەردەسەنە هەکە تاریخشان مەگېڵۊوە پەی ئی مانگۍ:
* مەهاباد و میاندواوە بە دەسو شۆڕشگېڕە کوردەکاوە ئازاڎ کریا.
*تورکەکۍ پەنجا هەزار پێسە و شەس هەزار ڕەحاڵۍ و دماییچ ویس بەتالیۆنۍ پیادەشا کیاست پەی سامی پاشاو وانی کیاست، دژو شېخ عوبەیدوڵڵای.
*ڕۊ (11) ئی مانگېنە، شاو ئێرانی چەمش بە تۆمسۆن باڵیۆزو بەریتانیای دلۍ تارانینە کۆت، شاو ئێرانی داواش کەردە کە بەریتانیا زۊر بکەرۊن ئەو تورکەکا پەی ئانەی زددو کوردە شۆڕشگېڕەکا بگنا جەنگۆ.
* (18) ئی مانگېنە، ڕووسەکۍ پانەیە سازیێ کە دژو کوردەکا یاردی ئێرانی بڎان و ئانەیچشان سەلەمنا هەکە باڵیۆزو ڕووسیای جە تورکیا هانەو تورکەکا بڎۊن دژو کوردەکان بلانە دلۍ جەنگی.
* (21) ئی مانگېنە، شېخ عوبەیدوڵڵای شەمزینی نامێوەش بە دۋۍ کەسارە کیاستە پەی لاو خەڵکو ورمێ، تاکو بنە خوایشتو وېشان و بەبۍ جەنگ وېشان دەسۆ بڎان دەسو شۆڕشگېڕەکاوە، دمایی ئیقبالولدەولەی ڕاوەبەرو شاری کۆت هېز گلېرکەردەیۆو وۍ قایېم کەردەی دژو شېخی.[1]