کورد دلۍ چەرخەکا تاریخینە
بەشۍ: دوەسەڎ و ویس و یەرەمە
نویستەی: #هاوڕێ باخەوان#
ساڵەو (1901ز): چن تۊمارێ پېوەس پی ساڵېوە ئینێ وەردەسەنە:
* ئەچی ساڵېنە سەعید بەگ میرو شېخان و یەزیدییەکا ئامان دنیا.
* ئەچی ساڵېنە، شېخ سەعید شېخ موحەمەڎو دۆلاشی کۊچی دمایینش کەردەن.
* ئەچی ساڵېوە تاکو ساڵەو 1904ز ڕاپەڕینێ بە سەرداری ئیبراهیم پاشای دلۍ کەشەکا کەرەجال داشینە خېزیان.
* هامنو ئی ساڵېنە، داڎگێوە پەی کوردەکانو کازیجانی سازکریا، جە حەڤڎە کەسا، حۆتشان بەرەڵڵێ کریێ و ئەوۍ تەرۍ پەی چن ماوێ جیا جیای زیڼانی کریێ، ئانېچە ئا کوردۍ بېنۍ کە پەلامارەو ڕووسەکاشا دێبۍ.
* تورکەکۍ لەشکرێ گۆرەشان کیانا پەی سەرو دەرسیمی، پەی ئانەی کوردەکا سەرکۊت بکەران، ئەنجامەنە (170) کەسېشا چەنە کوشیێ و زامڎارۍ کریێ.
* مانگەو (1) ئی ساڵېنە، دلۍ ناوچەو (موش و ساسۆن)ینە، (64) کەسۍ کوشیێ و (18) ژەنیچ پەلامارە دریێ و خراپۍ کریێ، کە گردشان ئەرمەڼیۍ بېنۍ.[1]