کورد دلۍ چەرخەکا تاریخینە
بەشۍ: دوەسەڎ و سی و دوەمە
نویستەی: #هاوڕێ باخەوان#
ساڵەو (1908ز): چن تۊمارێ پېوەس پی ساڵېوە ئینێ وەردەسەنە:
* ئەچی ساڵېنە، دیوانو قهریاتی، دکتۆر عەبدوڵلا جەودەتی بە زوانی تورکی جە وڵاتو میسری وەڵاکریانۆ، دیوانەکە چن پارچە شېعرێش چەنەنۍ کە باسو سەرکۊتکەردەو کوردی مەکەران.
* ئەچی ساڵېنە، چەنەۋیەردەی گردین جە لاو تورکەکاوە بەرشییەن، شېخ عەبدولقادری شەمزینی وەرو ئا عەفواتەیە کۆتەن و گېڵانۆ پەی شارو ئەستەمبوڵی.
* ۋانگاو فەیسەڵییەی ئەچی ساڵېنە جە شارو سلێمانی بنیاڎنریان، دۊڵەمەڼەکۍ شاری مەبلەغو (500) لیراشا بە پیتاک پەی گلېرکەردەنۆ.
* بەنگینەی شاعېر، ئەشناسیا بە حاجی باقی، ئەچی ساڵېنە دلۍ شارو سلێمانی ئامان دنیا.
* هونەرکارەی گۊرانیواچە خاتوو بەهیجە ئیبراهیم یەعقوب، ئەشناسیێ بە دایکی جەمال ئەچی ساڵېنە ئامێنە دنیا.
* پەی یەکەمین جاری گرامافۆن بە دەسو عەبدوڵڵا عەزیزی و حاجی ئەمین کاکە حەمەی جە مۆسکۆوە ئامانە شارو سلێمانی.
* خېزیاکەو ئیبراهیم پاشاو تیماوی میانو ماردین و دیاربەکرینە ئەچی ساڵېنە بییەن، دمایی سەرکۊتکریاو دوورشان ۋستۆ پەی سیواسی، دماتەر ئی ئیبراهیم پاشا بی بە میرو میرانی دلۍ سوارەی حەمیدینە.
* ئەچی ساڵېنە ئیبراهیم پاشا جە سەرنیشت کۊچی دمایینش کەردەن.
* مارک سایکس، ئەچی ساڵېنە نەخشەو کوردەسانیش کېشتەن.[1]
Kurdîpêdiya ne berpirsê naverokê vê tomarê ye, xwediyê/a tomarê berpirs e. Me bi mebesta arşîvkirinê tomar kiriye.
Ev babet bi zimana (هەورامی) hatiye nvîsandin, klîk li aykona
bike ji bu vekirina vî babetî bi vî zimana ku pî hatiye nvîsandin!
ئی بابەتۍ بە زۋانی (هەورامی) نۋیسیێنە، پەی ئەۋەکەرڎەی بابەتەکۍ بە زۋانېۋ کە نۋیسێنە، سەرو ئایکۆنو
ی کلیک کەرە!
Ev babet 292 car hatiye dîtin
Raya xwe li ser vî babetî binivîsin!