نێرەکەری گون دەستاڕە، بەهار نەهاتییە چ هاڕەهاڕه
لە سنووری دەشتەکییەکانی #هەولێر# چەندین ئیدیۆمیان بەبن زاریدا هاتووە کە زۆر شیرین و پڕ گوزارشت و ئەزموونن وەکوو: (نێرەکەری گون دەستاڕە، بەهار نەهاتییە چ هاڕەهاڕه)، هەندێک دەستەواژە و بڕگە و شاڕستە و پاڕستەی کوردەواری هەیە، هەر بۆ خۆشی ڕێکخراوە و دواتر وەکوو ئیدیۆمی لێهاتووە، نێرەکەر ئەندامی زاوزێی بەگوێرەی قەبارەی خۆی گەورەتر دەردەکەوێت، لێرەدا گونی بارتەقای بەردە دەستاڕ چوێنراوه، بەهارانیش وەرزی گژوگیایە و لەوەڕ خۆشە کە قوت و بژێوی ئاژەڵەکە دابین دەکات و تێروپڕ دەبێت و دەست دەکات بەزەڕەزەڕ، ئەوە بووە بە ئیدیۆم و بەکەسێک دەوترێت کە کاڵفام و کەم ژیر و نەزان بێت لەسەر بنەمای پێشهاتەکان پێش ڕووداو بکەوێت. [1]
Ev babet bi zimana (کوردیی ناوەڕاست) hatiye nvîsandin, klîk li aykona
![](https://www.kurdipedia.org/images/flags/ku.png)
bike ji bu vekirina vî babetî bi vî zimana ku pî hatiye nvîsandin!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
Ev babet 20 car hatiye dîtin