جێگری سەرۆکوەزیرانی هەرێمی کوردستان ڕایگەیاند: لە کۆبوونەوەی ئەنجوومەنی وەزیراندا داوا لە وەزارەتەکان کرا لەمەودوا زووتر لیستی مووچە ئامادە بکەن و بەبۆچوونی من لە مانگەکانی داهاتوودا کێشەی مووچە لە هەرێم نامێنێت.
#قوباد تاڵەبانی# جێگری سەرۆکوەزیرانی هەرێمی کوردستان لەمیانەی کۆنفرانسێکی ڕۆژنامەوانیدا لە پەراوێزی سەردانەکەی بۆ شارۆچکەی #چەمچەماڵ# لەبارەی مووچەی هێزە ئەمنییەکان و پێشمەرگە ئەوەی ڕاگەیاند: چاوەڕوانی ئەنجامی وردبینی لیژنەی چاودێریی دارایی ئێراقین و هەر کات وردبینییەکە تەواوکرا مووچەی مانگی ئایاری هێزە ئەمنییەکان خەرج دەکرێت.
قوباد تاڵەبانی وتی لە مانگەکانی داهاتوودا ئەو کێشەیە نامێنێت و لە کاتی خۆیدا مووچەی هێزە ئەمنییەکان و پێشمەرگە خەرج دەکرێت.
جێگری سەرۆکوەزیران ڕاشیگەیاند: لەدوا کۆبوونەوەی ئەنجوومەنی وەزیراندا داوا لە وەزیرەکان کرا کە زووتر لیستی مووچەی وەزارەتەکانیان ئامادە بکەن، تا لە ڕێی #وەزارەتی دارایی و ئابووری#یەوە ئاڕاستەی دارایی ئێراق بکرێت و بەرەو کۆتایی کێشەی مووچە دەڕۆین.
ئەوەش دەڵێت: هەموو هەوڵێکمان بۆ ئەوەیە کە دواکەوتنی مووچە لە هەرێم نەمێنێت و هەموو ئەو داوایانەی #بەغدا#ش کردویەتی جێبەجێکراون و هەوڵدەدەین هیچ بۆشاییەک بۆ نەناردنی مووچە لە بەغداوە نەهێڵین. [1]
Ev babet bi zimana (کوردیی ناوەڕاست) hatiye nvîsandin, klîk li aykona
![](https://www.kurdipedia.org/images/flags/ku.png)
bike ji bu vekirina vî babetî bi vî zimana ku pî hatiye nvîsandin!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
Ev babet 34 car hatiye dîtin
Raya xwe li ser vî babetî binivîsin!