هەتا دوو مارم کرد دە نانم کرد
لە سنووری شاری #هەولێر#ێ ئەو ئیدیۆمە لە زاری ژنانەوە بەکاردەهێنرێت، لە کۆندا هەموو ماڵێکی کوردەواری پێداویستییەکانی نانکردنی نەبووە، سێر و خوانە و سەرەوێلک و تیرۆک و ناوبرێشک و ...تاد، بۆیە ماڵە نەبووەکان دەچوونە ماڵە هاوسێ و خواپێداوەکان سێر و خوانەیان دەخواستەوە، هەندێکجار بە بیانووی جۆراوجۆری وەکوو خۆمان ئیشمان پێیانە یان پورە فاتێ بردویەتی یان شکاوە و ...تاد ناچار چەند ماڵێک دەگەڕان تاوەکوو دەستیان دەکەوێت، ئەو گەڕانە کاتی دەگرتن و هەندێک لە ژنان دەیانگوت: ئەگەر خوان و سێرەکە هیی خۆمان بووایە، هەتا ئەو دوو ماڵە گەڕام ئەوا دە نانم دەکرد، ئەوە بووە بە ئیدیۆم و بۆ پڕبایەخی هەبوونی کەلوپەلی خۆت ژنانی کوردەواری وتویانە: هەتا دوو مارم کرد دە نانم کرد. [1]
Ev babet bi zimana (کوردیی ناوەڕاست) hatiye nvîsandin, klîk li aykona
![](https://www.kurdipedia.org/images/flags/ku.png)
bike ji bu vekirina vî babetî bi vî zimana ku pî hatiye nvîsandin!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
Ev babet 16 car hatiye dîtin