بۆ خواردنێ جەنجەڕە، بۆ کرنێ پیرە کەرە
جەنجەڕ: جەنجەر، ئامێرێکە بەدار و ئاسن و گاسن درووستکراوە بۆ کێڵانی قرشەی گەنم و جۆیە لەسەر خەرمانان، گوێدرێژ یان گا یان ئێسترێک ڕایدەکێشا و گێرەی پێدەکرا، بەمنداڵی لە ئاقاری خرابەی گوندی #گەرمکی تەقتەق#ی شارەدێی #تەقتەق# بینیومە (مام حەسەنی کێخوا حەمەدەمینی گەرمک) بەکاریدەهێنا و ئێمەش سواری جەنجەڕەکە دەبووین بەو گەرمایەی مانگی تەمموزێ زۆر خۆش بوو، چونکە لە کاتی خێرا ڕۆیشتنی وڵاغەکە فێنک دەبووینەوە و سواری جەنجەڕیش تامێکی تایبەتیی بۆ منداڵ هەبوو، ناوە ناوە مام حەسەن بە شەنە ئاسنەکەی هەندێک قرشەی دەخستە بەردەم جەنجەڕەکە و جەنجەڕەکەش قووتی دەدات و دەیهاڕی و دەیکوتی تا ئەو خەرمانە تەواو دەبوو، جەنجەڕ هەر کاری خواردنی قرشەی خەرمانەکە بوو، پیرەکەر، توانای کارکردنی نەماوە و کاری پێناکرێت، ئەوە لە ناوچەی #موکریان# کراوە بە ئیدیۆم و بۆ کەسێکی تەمبەڵ و تەوەزەڵ و گەلۆر و زڕتە زەلامی زۆر خۆری ناکاسب وتراوە: بۆ خواردنێ جەنجەڕە، بۆ کرنێ پیرە کەرە.[1]
Ev babet bi zimana (کوردیی ناوەڕاست - Central Kurdish) hatiye nvîsandin, klîk li aykona
![](https://www.kurdipedia.org/images/flags/ku.png)
bike ji bu vekirina vî babetî bi vî zimana ku pî hatiye nvîsandin!
ئەم بابەتە بەزمانی (کوردیی ناوەڕاست - Central Kurdish) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
Ev babet 12 car hatiye dîtin
Raya xwe li ser vî babetî binivîsin!