کورد دلۍ چەرخەکا تاریخینە
بەشۍ: یەرەسەڎ و ششەمە
نویستەی: #هاوڕێ باخەوان#
ساڵەو(1923ز.):
چن تۊمارێ پېوەس پی ساڵېوە ئینێ وەردەسەنە:
* ئەچی ساڵېنە، جەمال عیرفان بە پیلانێ شەهیڎ کریا، نامبریا ئەفسەرێ دلۍ سوپاکۍ شېخ مەحمووڎی بەرزنجی بۍ.
* ئەچی ساڵېنە، نویسەر غەفوور ڕەشید داراغا جە سلێمانی ئامان دنیا.
* بە پاو ئامارو ئی ساڵۍ، ژمارەو کوردی جە پانیشت (494007) کەسۍ بیېنۍ، چانېشا (189) هەزارېشا جە سلێمانی و (171)هەزارېشان جە هۆلېر نیشتەجایۍ بیېنۍ.
* ئەچی ساڵېنە، نویسەر عومەر عارف ئامان دنیا.
* ئەچی ساڵېنە، تورکە کەمالییەکۍ جەژنەو نۆرېزیشان قەڎەغە و مەنعە کەردە.
* ئەچی ساڵېوە تاکو ساڵەو(1924ز.) سوپای تازۍ ئېرانی قەرارشدا کە هەرچی خېڵۍ ئېرانی هەنۍ چەکېشان بکەرۊن، هەر وەرو ئانەی چەک نەکریۊ، سمکۆ ڕەما.
* ئەچی ساڵېنە، شاعېر مەلا ئەحمەد حاجی عەلی هەڵەبجەیی (فەوزی) کۊچی دمایینش کەردەن.
* ئەچی ساڵېنە، شاعېر عارف سایب دلۍ دەگاو قەرەچەتانی نزیک بە سلێمانی شەهید کریان.
* ئەچی ساڵېنە، ئەحمەد عوسمان بییەن بە پارېزگارو هۆلېری، نامبریا کوڕو مەلا ئەفەندین.
* ئەچی ساڵېنە، شاعېر مەلا محەمەڎ کوڕو حاجی مەلا ڕەسوڵو دێلێژەی، ئەشناسیا بە فەیزی، کۊچی دمایینش کەردەن.
* بە پاو ئامارو ئی ساڵۍ، جانیشتۍ کوردی دلۍ ویلایەتو موسڵی (494007)کەسۍ بیېنۍ.[1]