کورد دلۍ چەرخەکا تاریخینە
بەشۍ: یەرەسەڎ و حەڤڎەهەمە
نویستەی: هاوڕێ باخەوان
ساڵەو (1924ز.):
* مانگەو (10) ئی ساڵېنە، یوسف زیاد و سەرهەنگ خالید بەگ و چن سەردارێ تەرۍ کورڎی، دلۍ داڎگاو بەدلیسینە تورکەکا داڎگایی کەردۍ.
* تاریخو (#01-10-1924#ز.) گلېرگەو کوردەسانی (جەمعیەتو گەلا) یاڎئاوەریێش پېشکەشو کۊمەڵەو گەلا کەرد، دلېشەنە داواو مافو وېچارەییش پەی کورڎی کەرڎەبۍ.
* تاریخو (#09-10-1924#ز.) شېخ مەحمووڎی بەرزنجی چەنی ئینگلیزەکا، جە ناوچەو خورماڵی کۆت گفت و گۊ، کیانەرو ئینگلیزی کۆرن والیس بۍ، بەڵام هیچ ئەنجامێش نەبی.
* کۊتاو مانگەو (11) ئی ساڵېنە، هېزەکانو ئینگلیزی ناوچەکانو دۆروبەرو دەگاو سیتەکی، نزیک بە سلېمانیشان بۊمباوارانە کەرڎە، شایانو باسین پەی یەکەمین جاری بۊمباو ناپاڵمیشان بەکارئارد.
* تاریخو (#13-11-1924#ز.) گلېرگەو گەلا، دەسێوەش پەی چەنەکۊڵیای جە ویلایەتو موسڵی وەشکەرد.
* تاریخو (#20-12-1924#ز.) فەیسەڵ، پاشاو ئێراقی، پەی یەکەمین جاری لوانە شارو کەرکوکی و سەرو قەڵاو کەرکوکیۆ پەی یەکەمینجاری ئاڵاو ئێراقیش هۊرکەرڎە، چاگەیچۆ سەردای ناوچەو کفریش کەرد.[1]