رووەکێکی خۆڕسکە و لە شێوەی دڕکدایە، بەهاران لە کوردستان دەڕوێت و چەند جۆرە خواردنێکی لێدروستدەکرێت، لەوانە لەگەڵ ماستدا بە کوڵاوی تێکەڵ دەکرێت و پێی دەڵێن کەنگر و ماست. هەروەها پاش کوڵانیشی لەگەڵ هێلکە و ئاردا سووردەکرێتەوە و پێی دەڵێن کنگر ماسی. لە هەندێک شوێنی تری کوردستاندا شێوەی ئامادەکردنی ئەم خواردنە جیاوازە لەوانەی کە باسکران.
هەروەها بەوتەی ڕووەکناسەکان، ئەم ڕووەکە خۆڕسکە پاک کەرەوەیەکی سروشتییەو دژی میکرۆب و هەوکردنی لەش دەجەنگێت، هەروەها دەڵێن: کنگر مەیلی خواردن زیاد دەکات و کرداری هەرسکردن ئاسان دەکات و جگەر لەنەخۆشی دەپارێزێت.