ناوی سیانی هێمن نامق جمیل..
ساڵی 1982 لە#هەولێر# لەدایکبووە، لە2003 بەکالۆریۆسی لەزانستە سیاسییەکان و لە 2008 ماستەری لەهەمان بەش لەسەر تێزی پەیوەندییەکانی تورکیاو یەکێتی ئەوروپا بەپلەی زۆرباشە بەدەستهێناوە، توێژەر و چاودێرێکی بەردەوامی دۆسێی تورکیا بووە.
هێمن میرانی، لە دوای دەرچوونی لە زانکۆ، لە 2004 تا 2011 لە ڕۆژنامەی خەبات، زمانحاڵی #پارتی دیموکراتی کوردستان# کاری کردووە. هەروەها لە ساڵی 2009 تا 2011 هەفتانە لە ڕۆژنامەی ئاسۆ گۆشەیەک بە ناوی مژار دەربارەی پرسە و بابەتە سیاسییە هەستیارەکان نوسیووە.
لە ساڵی 2006 هاوڕێ لە گەڵ ژمارەیەک هاوڕێ، پەیمانگەی کوردستان بۆ پرسە سیاسییەکانیان دامەزراند کە ڕێکخراوی ناحکومی کوردستانی تایبەتمەندە لە بواری ڕاپرسی (بۆ زانیاری زیاتر سەیری وێب سایتەکەی بکەن http://www.kipi2005.org). سەرەتا دەبێتە بەرپرسی ڕاگەیاندنی ڕێکخراوی ناوبراو و لە ساڵی 2009 تا 2011 دەبێتە سەرۆکی پەیمانگە.
لە 2011.2.1 ئارەزوومەندانە دەست لەکارکێشانەوەی خۆی لە سەرۆکایەتی پەیمانگەی کوردستان بۆ پرسە سیاسییەکان پێشکەش کردووە، و سەفەری کردووە بۆ ولاتی بەریتانیا لە لە چوارچێوەی بەرنامەی تواناسای لاوانی کوردستان hcdp. ساڵی یەکەم لە شاری بانگەر لە وەیڵز و چوار ساڵی دیکەش لە شاری لیستەر لە ئینگلتەرا ژیاوە و لە زانکۆی لیستەر لە 12 ی تەمووزی 2017 بڕوانامەی دکتۆرای لە سیاسەت و حوکمڕانی لە تێزی دژایەتی کردنی گەندەڵی لە وڵاتانی دوای شەڕ بە دەست هێناوە.
لە کاتی ژیانی لە بەریتانیا بۆتە سەرۆکی کۆمەڵەی کوردی قوتابیانی کوردستان لە زانکۆی لیستەر و لە 2015 تا 2017 ش لە گەڵ دامەزراوەی تەندروستی nhs کاری وەرگێڕانی کردووە.
لە 2017 گەڕاوەتەوە کوردستان و دەستی بە کاری مامۆستایەتی لە زانکۆی #سۆران# کردۆتەوە..
لە 2018 وەکو ئەندامی دامەزرێنەر و بەرپرسی بەشی ڕاپرسی بەشداری کردووە لە دامەزراندن و بەڕێوەبردنی سەنتەری توێژینەوە و ڕاپرسی کوردستان 24..
لە نۆڤێمبەری 2018 لە زانکۆی سۆران کراوەتە ڕاگری فاکەڵتی یاسا و پەیوەندییە نێودەوڵەتییەکان و لە ئێستادا لەو فاکەڵتییە خزمەت دەکات..
هێمن میرانی، لە 30ی کانوونی دووەمی 2022، وەکو بەڕێوەبەری گشتی دیوانی وەزارەتی ناوخۆی حکومەتی هەرێمی کوردستان دەستبەکار بووە.
بۆ پەیوەندی بەستن بە هێمن میرانی، دەتوانن سەردانی پەیجە و ئەکاونتی بکەن لە تۆڕی کۆمەڵایەتی فەیس بووک و تویتەر بەم ناونیشانانەی خوارەوە:
https://www.facebook.com/hemnmeranyofficial/
https://twitter.com/hemnmerany