ئەم گیایەش لە تیرەی “خاجی یەکان” Cruciféres ە، گیایەکی دوو ساڵە و چەند ساڵەیە، لاسکەکەی ڕاست هەڵدەچی و بەرزیەکەی لە 52 تا 06 سم دەبێ و گوڵەکانی زەردی مەیلەو قاوەیی یان زەرد و هێشوویی و بۆن خۆشن. بەرەکەی وەک کلویەکی درێژە و دوو دەنک تۆوی تێدایە. گەڵاکانی ساکار، باریک، هێلکەیی، درێژن و لە کوڵک داپۆشراون و ڕەنگیان سەوزێکی لێڵە. شەوبۆ لەو گوڵانەیە کە بۆ جوانی لە حەوش و باخچەدا دەیچێنن. چاندنەکەشی بە هۆی تۆوەیەوە دەکری و ئەم کارەش لە کۆتایی دووهەمین مانگی بەهاردا دەکری، لە هەوایەکی ئازاد دا دەیچێنن و پاش ئەوەی گیایەکە دوولەپە بووەوە دەگوێزرێنەوە بۆ خەزانە و بە مەودایەکی دوورتر لە یەکتر دەیان نێژن و دوای یەک مانگ دەیانبەنە شوێنێکی تر و بە مەودایەکی زۆرتر لە پێشوو دەیاننێن و لە هەوەڵ مانگی پایزدا لە گوڵدانیان دەنین و دەیانبەنە گوڵخانە. دوای کوتای پێهاتنی زستان لە ئاخر و ئۆخری ئەوەڵ مانگی ساڵدا لە گوڵدانیان دەر دێنن و لە شوێنی ئەسڵی خۆیان دا بە مەودایەکی 40 سم لە یەکتر دەیاننێژن. لە گواستنەوەی ئاخردا تۆزێک سەری ڕیشوە نەرمەکانی ئەم گیایە دەبڕن بۆ ئەوەی هێزی نوی بێتە بەر ڕیشوەکەی و زلتر بی. جۆرەکانی ئەم گیایە بە شێوەی خۆرست لە تڵیشی بەرد و سەر دیوارەکان دەڕوێن بەڵام پەروەردەش دەکری. ئەم گیایە لە ئوروپاوە هاتووە و دواتر بو بە ئینگلیسی و دواتریش بە دونیا دا بڵاو بووەوە. لە ئێرانیش دا پەروەردە دەکری. ئەم گیایە بۆ دەرمانیش دەشێ. بە فەرانسەیی giroflée jaune و Giroflée des murailes و بە ئینگلیسی Cheiranthus یان gilly flower و یان Gilliflower و True wall flowerی پیدەڵێن. م.گ. بەرگی 7 ل 1.
ئی بابەتۍ بە زۋانی (کوردیی ناوەڕاست) نۋیسیێنە، پەی ئەۋەکەرڎەی بابەتەکۍ بە زۋانېۋ کە نۋیسێنە، سەرو ئایکۆنو
ی کلیک کەرە!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
ئی بابەتۍ 1,873 جارۍ ۋینیێنە
پەیلۋاو وېت چە بارەو ئی بابەتۍ بنۋیسە!