خەندان-ڕەهێل سەمەد
لەشەوی سەری ساڵی 2014 لەناو شاری هەولێر 14 ڕووداوی هاتوچۆ ڕوویانداو بەوهۆیەوە هاووڵاتییەک گیانی لەدەست دا و سێ هاووڵاتی تر برینداربوون.
فازڵ حاجی، بەڕێوەبەری ڕاگەیاندنی هاتوچۆی پارێزگای هەولێر بە خەندانی ڕاگەیاند، لەگەڵ ئەوەی کارمەندانی پۆلیسی هاتوچۆ کاری باشیان کرد بۆ ڕێکخستنی ئۆتۆمبێل و ئاسانکاری هاتوچۆی هاووڵاتییان، بەڵام لە شەوی سەری ساڵدا، 13 ڕووداوی پێکدادان و ڕووداوێکی شێلان ڕوویدا، وتیشی:، ئەو ڕووداوانە لە کاتژمێر حەوتی ئێوارە تا حەوتی بەیانی ڕوویانداوە، بەوهۆیەوە هاووڵاتییەک گیانی لەدەست داوە و سێ هاووڵاتی تر برینداربوون.
فازڵ حاجی ئەوەشی ڕاگەیاند کە، لەشەوی سەری ساڵ ئەرکی ڕێکخستنی هاتوچۆ و پاراستنی گیانی هاووڵاتییانی پارێزگای هەولێریان گرتۆتە ئەستۆ و پلانی تۆکمەیان هەبووە بۆ ئەو شەوە، بەڵام بەهۆی بوونی قەرەباڵغیەکی زۆر لە پارێزگای هەولێر ئەو ڕووداوانە ڕوویانداوە.
01-01-2014
ئی بابەتۍ بە زۋانی (کوردیی ناوەڕاست) نۋیسیێنە، پەی ئەۋەکەرڎەی بابەتەکۍ بە زۋانېۋ کە نۋیسێنە، سەرو ئایکۆنو

ی کلیک کەرە!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی

بکە بۆ کردنەوەی بابەتەکە بەو زمانەی کە پێی نووسراوە!
ئی بابەتۍ 7,056 جارۍ ۋینیێنە
پەیلۋاو وېت چە بارەو ئی بابەتۍ بنۋیسە!