ناو: بەشیر موشیر
ناسناو: ئوستاد
ساڵی لەدایک بوون: دەوروبەری ساڵی 1885بۆ 1890
شوێنی لەدایک بوون: #سلێمانی#
ڕۆژی کۆچی دوایی: #30-07-1963#
شوێنی کۆچی دوایی: بەغدا
$ژیاننامە$
بەشیر موشیر (ئوستاد) دەوروبەری ساڵی (1885 بۆ 1890) لە سلێمانی لەدایکبووە و لە #30-07-1963# لە بەغدا کۆچی دوایی کردووە.
ساڵی 1963 و پاش کودەتای بەعسییەکان، ئێراق بە گشتی و شاری بەغدا بە تایبەتی بوو بە ڕاوگەی کەسانی ئازادیخواز و دیموکرات. لەو ڕۆژگارە ئاڵۆزەدا بەعسییەکان بەشیر موشیر دەگرن. بێگومان کەسایەتییەکی وەکوو ئەو کاریگەر و ناسراو زوو دەبێت بە خۆراکی هێزێکی فاشیستی وەکوو بەعس.
پاش ئەشکەنجەدان و ئازارێکی زۆری مامۆستا بەشیر لە زیندانی بەعسدا، ڕۆژی 30 ی مانگی حەوتی ساڵی 1963 ئوستاد ماڵاوایی لە ژیان دەکات. [1]
بەشیر موشیر:
بەپێی لێکدانەوەکان لە کاتی مردنیدا تەمەنی بەشیر موشیر بە 75 ساڵ مەزەندە کراوە، بەو پێیە بێت ساڵی لە دایکبوونەکەی لەنێوان (1885 -1888) دایە.
دوکانی خەیاتییەکەی کە کەوتبووە شەقامی ڕەشید لە بەغدا وەکوو یانەیەکی نووسەران و ڕۆشنبیران و سیاسییەکانی کورد بووە لەو کاتەدا، ئەوان بەردەوام لەوێ کۆدەبوونەوە.
یەکەم کۆمەڵەی سیاسی کە ئەو پەیوەندی پێوە کردووە کۆمەڵەی پشتیووانی کوردان بووە کە لە ساڵی 1927 لە بەغدا دامەزراوە.
-پیرەمێردی شاعیر نازناوی مامۆستای بە بەشیر بەخشیوە و لەلایەن هەواداران و دەوروبەرەکەیەوە نازناوەکانی (فەیلەسوف، شاعیر، زەعیم، موشیر)ی خراوەتە پاڵ.
-لە ساڵی 1931 پەرتووکێکی بە ناوی (سپارەی حق پەرستی) لە بەغدا چاپ کردووە.
-لە ساڵی 1939 پەرتووکی (بەختنامە)ی وەرگێڕاوەتە بۆ کوردی، نووسەری پەرتووکەکە ناپلیۆن پۆناپارت بووە.
-لە 30 تەمموزی ساڵی 1963 لە بەغدا کۆچی دوایی کردووە و تەرمەکەی لە شاری بەغدا لە گۆڕستانی شێخ مەعروف لە کەرخ بەخاک سپێررا.
سەرنج: ئەم بابەتە وەک کەسێتی بەشیر موشیر شتێکە لەنێوان حەقیقەت و خەیاڵدا و ئیلهامی لە نووسینێکی مامۆستا کامیل ژیر وەرگرتووە بەناوی (#بەشیر موشیر؛ ئەو سەرۆکەی نە درۆی کردووە، نە ڕاستی وتوە#) .
هێمن باقر [2]