ئەمڕۆ دوو شەممە، باڵی سەربازی پارتی کرێکارانی کوردستان (هەپەگە) ڕایگەیاند، زیاتر لە 3900 سەربازی سوپای تورکیا و چەکداری ڕێکخراوی تیرۆریستی داعش لە ساڵی 2015 کوژراون، ژمارەی شەهیدەکانی خۆیشی لە شەڕەکانی دژ بە تورکیا و داعشدا، بە 261 شەهید له و ساڵەدا دیاریی کرد.
هەپەگە لە بەیاننامەیەکدا ڕایگەیاند: " لە شەڕەکانی نێوان گەریلاکانی پارتی کرێکارانی کوردستان لەگەڵ سوپای تورکیا لە ساڵی 2015دا، 1250 سەربازی تورک کوژراون، 2736 چەکداری ڕێکخراوی تیرۆریستی داعش لەڕووبەڕبوونەوەکاندا لەگەڵ ئه و ڕێکخراوە توندڕەوە، لە ناوچەکانی کەرکووک و شنگال کوژراون".
هەر بەپێی بەیاننامەکە:"سوپای تورکیا لە ساڵی ڕابردوودا 786 هێرشی زەمینی و ئاسمانی و بۆردومانی لە دژی بارەگاکانی پارتی کرێکارانی کوردستان ئەنجامداوە، له و هێرش و بۆردومانانەشدا 261 گەریلا شەهیدبوون".
- 04-01-2016