ناوم (هیوا حەمید شەریف)ە، ڕێککەوتی 28-12-1968 لە #هەولێر# لە دایک بووم. خوێندنی سەرەتایی و ناوەندی و ئامادەییم لە شاری هەولێر تەواو کردووە، ساڵی 1992 لە پەیمانگای مەڵبەنی مامۆستایان لە بەشی ئینگلیزی وەرگیراوم و ساڵی 1994 تەواوم کرد.
بۆ ماوەی سێ ساڵ مامۆستای سەرەتایی بووم لە بالیسان و تۆبزاوە. ساڵی 1997 لە بەشی مێژووی کۆلیژی ئەدەبیات زانکۆی سەلاحەددین وەرگیرام و ساڵی 2001 بە پلەی(زۆر باش) تەواوم کرد.
ساڵی 2003 لە بەشی مێژوو کۆلیژی پەروەردە #زانکۆی موسڵ# لە خوێندنی ماستەر وەرگیرام و ساڵی 2006 ماستەرنامەکەم تەواو کرد، تا ساڵی 2008 لە پەیمانگای مەڵبەندی مامۆستایانی هەولێر مامۆستا بووم، لە هەمان ساڵ 2008 ڕاژەکەم بۆ #زانکۆی کۆیە# گواستەوە، ساڵی 2011 لە زانکۆی سەلاحەددین لە خوێندنی دکتۆرا وەرگیرام و ساڵی 2014 ئەم قۆناغەی خوێندنیشم تەواو کرد، ئێستا مامۆستام لە بەشی مێژوو کۆلیژی پەروەردە زانکۆی کۆیە.
تا ئێستا دوو کتێب و پێنج توێژینەوە و چەند بابەتێکی مێژووییم چاپ کراوە.