بە پێی هەواڵی گەیشتوو بە #کۆمەڵەی مافی مرۆڤی کوردستان#: ئەمڕۆ 14 خەرمانانی 1396 هەتاوی بەندکراوێکی کورد سزا دراو بە لە سێدارەدان، لە مەیدانی 22ڕێبەندان(بهمن) ی شاری #ئیلام# لە ڕۆژهەڵاتی کوردستان لە شوێنی گشتیدا هەڵواسرا.
بە پێی ڕاپۆرتەکە ناوبراو هاوڕێ لە گەڵ براکەیدا لە سەرماوەز و بەفرانباری ساڵی 1391 هەتاویدا ئۆتۆمبێلی دوو شۆفێر دەدزن و شۆفێرەکان دەکوژن. دەگوترێت؛ کە تۆمەتباری دیکەی ئەم دۆسیە لە سەر ناوی بەشداری کردن لە تاواندا بە زیندانی هەتاهەتای سزا دراوە.
جێگای وەبیرهێنانەوەیە دیاری کردنی شوێن و کاتی بەڕێوەچوونی سزا لە ئەستوی دادوەری مەلەفەکەیە و دادوەر بە ڕای خۆی شوێنی جێبەجێ کردنی سزا لە شوێنی ڕووداوەکە و یان نیزیک بەو جێگا دیاری دەکات و بە هەمان شێۆە بڕیار دەدات کە جێبەجێ کردنی سزا لە پێش چاووی ڕای گشتیدا بێت کە مەبەست لەم بڕیارە بە ڕای دادوەر و دەزگای دادی کۆماری ئیسلامی ئێران پێشگری کردن لە دووبارە بوونەوەی تاوان ناودەبرێت ؛ بەڵام ڕاستی ئەم جۆرە کردەوە و بڕیارە لە لایەن دەسەڵاتەوە جگە لە سازکردنی ترس و دڵەڕاوکێ بۆ خەڵک نیە و دەیهەوێت کومەڵگا لەم ڕێگاوە تووشی ترس بکات.
کۆمەڵەی مافی مرۆڤی کوردستان
05-09-2017
ئی بابەتۍ بە زۋانی (کوردیی ناوەڕاست - Central Kurdish) نۋیسیێنە، پەی ئەۋەکەرڎەی بابەتەکۍ بە زۋانېۋ کە نۋیسێنە، سەرو ئایکۆنو
![](https://www.kurdipedia.org/images/flags/ku.png)
ی کلیک کەرە!
ئەم بابەتە بەزمانی (کوردیی ناوەڕاست - Central Kurdish) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
ئی بابەتۍ 3,140 جارۍ ۋینیێنە
پەیلۋاو وېت چە بارەو ئی بابەتۍ بنۋیسە!