دواڕۆژ، #ئاوارە حەمید#
بەڕێوەبەرایەتی گشتی تەندروستی #هەولێر# ئاماری ساڵی 2017ی ڕاگەیاند و بە پێی ئامارەکەش زیاتر لە پێنج ملیۆن سەردانیکەر لەو ساڵەدا ڕویان لە نەخۆشخانەکان کردوە.
فاخیر کرمانجی، وتەبێژی بەڕێوەبەرایەتی گشتی تەندروستی هەولێر بە دواڕۆژی ڕاگەیاند ساڵی ڕابردوو لە سنووری پارێزگای هەولێر پێنج ملیۆن و 639 هەزار و 500 سەردانیکەر سەردانی نەخۆشخانەکانیان کردوە.
وتیشی 545 هەزار و 923 تیشک بۆ هاوڵاتیان ئەنجامدراوە و 91 هەزار و 252 نەشتەگەر ئەنجامدراون، هەروەها 39 هەزار و 544 منداڵیش لە ساڵی ڕابردوو لە دایکبوون کە 12هەزار و 220 منداڵیان بە نەشتەرگەری و 26 هەزار و 363 منداڵیش بەسروشتی لە دایکبوون.
وتەبێژی بەڕێوەبەرایەتی گشتی تەندروستی هەولێر باسی لەوەشکرد، لە 2017دا هەزار و 87 حاڵەتی فریاکەوتنی خێرا و هەزار و 488 چاندنی ددان ئەنجامدراوە.
ئەوەشی خستەڕوو، دوو هەزار و 700 نەشتەرگەری چاندنی گورچیلە لەگەڵ هەزار و 209 نەشتەرگەری دڵ ئەنجامدراون.
فاخیر کرمانجی ئاماژەی بەوەشکرد، 25 هەزار و 354 حاڵەتی نەخۆشی شەکرە تۆمارکراوە لەگەڵ 34 هەزار و 567 کرداری شوشتنەوەی گورچیلە.[1]
#17-01-2018#