کەر بەجل وجۆڕ، ژن بەسەر و پۆڕ
گوێدرێژ يان کەر جاران لەبەر ئەوەی لەشوێنی ئۆتۆمبيلی ئەمڕۆ بوو زۆر جێگەی بايەخ بوو(ناڵبەندی و کورتاندروو و خان و کادين وەک پيشەی ئێستای پەنچەرچی و کوشنچی و گەراج و بەنزينخانە) وابوون، کورتان دروو نازناوی هەندێ کەس و پيشەوەر بوو دواتر بووە نازناوی بنەماڵە بەتايبەت لەشاری کۆيە، وەک(کوشنچی) ئەمڕۆ لەبرەودابوو، خاوەنی کەر هەندێجار دەکەوتە پياهەڵدانی کورتانی کەرەکەی و باسی دەست ڕەنگينی وەستای کورتانی کەرەکەی دەکرد و کورتان و جل وجۆڕی کەرەکە دەبووە جێی سەرنجی خەڵکی ئاوايی و وەک بنێشتە خۆشەی بن زاری دەيانگۆتەوە و لەسەر کورتان و جل و جۆڕی کەرەکەی دەدوان، ژن-يش کە لە هەندێک لە قۆناغەکانی مرۆڤايەتی بەيەکەم قۆناغی موڵکايەتيان ئەژمارکردووە، بەهەمان شێوە بەهەوری و گۆبەره و قەنەفر بەند و ملوانەکە و تاد دەبووە(سەر و پۆڕ) خۆی دەڕازاندەوە و بەهەمان شێوە دەبووە جێی سەرنجی کيژوکاری و ژنانی ئاوايی و کە تێ دەپەڕی تاچاوی حوکمی دەکرد و بوارهەبوايە ژنانی تر سەيريان دەکرد و دەبوە جێی باس و خواسی ژنان و پياوان لە کانی ژنان و پياوانی ئاوايی و بەنمونەی خان و مانی و جوانی و شيک پۆشی دەهێنرايەوە و زۆر لە کوڕ وکاڵيش بۆی لێ دەدران و لەسەر چاو دەکەوتن لەماڵەوە بۆی، ئەم ئيديۆمە لە بنەڕەتدا ئەوها بووە ئەمڕۆش بەکاردێت بۆ کاريگەری ڕواڵەت و بايەخدان بە ڕووخسار و پۆشين کە وا دەکات ببيە مايەی جێی سەرنج و جوانپۆشی وبەديارکەوتن بۆيە کورد بە دەربڕينەوە دەڵێت(کەر بەجل وجۆڕ، ژن بەسەر و پۆڕ).
ئی بابەتۍ بە زۋانی (کوردیی ناوەڕاست) نۋیسیێنە، پەی ئەۋەکەرڎەی بابەتەکۍ بە زۋانېۋ کە نۋیسێنە، سەرو ئایکۆنو
![](https://www.kurdipedia.org/images/flags/ku.png)
ی کلیک کەرە!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
ئی بابەتۍ 7,367 جارۍ ۋینیێنە
پەیلۋاو وېت چە بارەو ئی بابەتۍ بنۋیسە!