سوپاسنامە بەناوی مەکتەبی ڕاگەیاندنی ی.ن.ک
بۆ تەواوی ئەدیبان و نووسەران و ڕۆژنامەنووسان و تەواوی کۆمەڵانی خەڵکی کوردستان , سوپاس و پێزانی خۆمانتان ئاڕاستە دەکەین بۆ بەشداریکردنتان لە ڕێوڕەسمی بەخاکسپاردن و دواتر پرسەی هەڤاڵ و هاوکارمان #مستەفا ساڵح کەریم# نووسەر و ڕۆژنامەنووس , بەشداریتان لەگەڵمان بەشێک لەخەم و پەژارەی لەدەستدانی مستەفا ساڵح کەریم نووسەری ڕەواندینەوە, لەدەستدانی خەسارەتێکی گەورە بوو بۆ ئێمە وەک هەڤاڵان و هاوکارانی لە مەکتەبی ڕاگەیاندن کە مامۆستا یاریدەدەری لێپرسراوی مەکتەبی ڕاگەیاندن بووه و هاوڕێی نزیک هەموان بووه و بۆ تەواوی ئەدیبان و نووسەر و ڕۆژنامەنووسانیش خەسارەتێکی گەورە بوو بەهۆی ئەوەی مستەفا ساڵح کەریم قەڵامێکی دیار و کاریگەری نێو مەیدانی ئەدەب و ڕووناکبیری و ڕۆژنامەنووسی بوو, دووبارە سوپاس بۆ بەشداریتان لەرێوڕەسمی ماڵئاوای له و کەڵە نووسەر و ڕۆژنامەنووسی گەلەکەمان
رەهبەر سەید برایم
لێپرسراوی مەکتەبی ڕاگەیاندنی ی.ن.ک
#20-12-2018#